മാവോവാദി നേതാക്കളായ ചന്ദ്രുവും ഉണ്ണിമായയും പൊലീസ് കസ്റ്റഡിയിൽ

മാ​ന​ന്ത​വാ​ടി: പേ​ര്യ ച​പ്പാ​ര​ത്തു​ള്ള ഏ​റ്റു​മു​ട്ട​ലി​ൽ പൊ​ലീ​സ് പി​ടി​കൂ​ടി​യ മാ​വോ​വാ​ദി നേ​താ​ക്ക​ളാ​യ ച​ന്ദ്രു​വും ഉ​ണ്ണി​മാ​യ​യെ​യും പൊ​ലീ​സ് ക​സ്റ്റ​ഡി​യി​ൽ വാ​ങ്ങി. വി​യ്യൂ​ർ ജ​യി​ലി​ൽ ക​ഴി​യു​ക​യാ​യി​രു​ന്ന ഇ​രു​വ​രെ​യും പൊ​ലീ​സ് ആ​വ​ശ്യ​പ്പെ​ട്ട പ്ര​കാ​ര​മാ​ണ് ക​സ്റ്റ​ഡി​യി​ൽ ന​ൽ​കി​യ​ത്. ക​ൽ​പ​റ്റ സ​ബ് ഡി​വി​ഷ​ൻ പ​രി​ധി​യി​ൽ വ​രു​ന്ന മേ​പ്പാ​ടി, വൈ​ത്തി​രി, പ​ടി​ഞ്ഞാ​റ​ത്ത​റ തു​ട​ങ്ങി​യ സ്റ്റേ​ഷ​നു​ക​ളി​ലെ കേ​സു​ക​ളു​ടെ ആ​വ​ശ്യാ​ർ​ഥ​മാ​ണ് ഇ​രു​വ​രെ​യും ക​സ്റ്റ​ഡി​യി​ൽ വി​ട്ട​ത്.

ക​ൽ​പ​റ്റ പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി ജ​ഡ്‌​ജി​യു​ടെ ചു​മ​ത​ല​യു​ള്ള മാ​ന​ന്ത​വാ​ടി അ​ഡീ​ഷ​ന​ൽ സെ​ഷ​ൻ​സ് കോ​ട​തി ജ​ഡ്‌​ജി പി.​ടി. പ്ര​കാ​ശ​നാ​ണ് ആ​റു ദി​വ​സം ക​സ്റ്റ​ഡി അ​നു​വ​ദി​ച്ച​ത്. വെ​ള്ളി​യാ​ഴ്ച ഉ​ച്ച​യോ​ടെ​യാ​ണ് ച​ന്ത്രു​വി​നെ​യും ഉ​ണ്ണി​മാ​യ​യെ​യും മാ​ന​ന്ത​വാ​ടി കോ​ട​തി​യി​ലെ​ത്തി​ച്ച​ത്. പി​ന്നീ​ട് വ​യ​നാ​ട് ഗ​വ. മെ​ഡി​ക്ക​ൽ കോ​ള​ജി​ലെ വൈ​ദ്യ​പ​രി​ശോ​ധ​ന​ക്കു​ശേ​ഷം ജി​ല്ല പൊ​ലീ​സ് ഹെ​ഡ് ക്വാ​ർ​ട്ടേ​ഴ്‌​സി​ലേ​ക്കു മാ​റ്റി.

ക​ഴി​ഞ്ഞ ന​വം​ബ​ർ ഏ​ഴി​നു രാ​ത്രി​യാ​ണ് പേ​ര്യ ച​പ്പാ​രം കോ​ള​നി​യി​ലെ അ​നീ​ഷി​ന്റെ വീ​ട്ടി​ൽ നി​ന്നു മാ​വോ​വാ​ദി​ക​ളും പൊ​ലീ​സും ഏ​റ്റു​മു​ട്ടി​യ​ത്. സം​ഭ​വ​ത്തി​ൽ ച​ന്ദ്രു​വി​നെ​യും ഉ​ണ്ണി​മാ​യ​യെ​യും പി​ടി​കൂ​ടി​യെ​ങ്കി​ലും ഇ​വ​രു​​ടെ ഒ​പ്പ​മു​ണ്ടാ​യി​രു​ന്ന ചി​ല​ർ ഓ​ടി​ര​ക്ഷ​പ്പെ​ട്ടി​രു​ന്നു.

ല​ത, സു​ന്ദ​രി എ​ന്നി​വ​രാ​ണ് ഓ​ടി​ര​ക്ഷ​പ്പെ​ട്ട​തെ​ന്ന് സം​ശ​യി​ക്കു​ന്ന​ത്. പി​ന്നീ​ട് പേ​ര്യ ച​പ്പാ​രം വെ​ടി​വെ​പ്പ് കേ​സ് എ​ന്‍.​ഐ.​എ ഏ​റ്റെ​ടു​ത്തു കു​റ്റ​പ​ത്രം സ​മ​ർ​പ്പി​ക്കു​ക​യും ചെ​യ്തി​രു​ന്നു. ഒ​ളി​വി​ല്‍ പോ​യ​വ​രെ​ക്കു​റി​ച്ച് വി​വ​രം ന​ല്‍കു​ന്ന​വ​ര്‍ക്ക് പ​ത്തു ല​ക്ഷം ഇ​നാ​മും പ്ര​ഖ്യാ​പി​ച്ചി​രു​ന്നു.