നാ​ടി​നൊ​പ്പം സാ​ന്ത്വ​ന​മാ​യി മ​ന്ത്രി

മാ​ന​ന്ത​വാ​ടി: അ​മ്മ​മാ​രെ ന​ഷ്ട​പ്പെ​ട്ട മ​ക്കി​മ​ല ദു​ര​ന്ത​ഭൂ​മി​യി​ൽ ബ​ന്ധു​ക്ക​ളെ​യും നാ​ടി​നെ​യും ആ​ശ്വ​സി​പ്പി​ച്ച് വ​നം മ​ന്ത്രി എ.​കെ. ശ​ശീ​ന്ദ്ര​ൻ. വെ​ള്ളി​യാ​ഴ്ച വൈ​കീ​ട്ട് ദു​ര​ന്ത വാ​ർ​ത്ത​യ​റി​ഞ്ഞ് ജി​ല്ല​യു​ടെ ചു​മ​ത​ല​യു​ള്ള മ​ന്ത്രി മാ​ന​ന്ത​വാ​ടി​യി​ലേ​ക്ക് തി​രി​ക്കു​ക​യാ​യി​രു​ന്നു. വ​യ​നാ​ട് മെ​ഡി​ക്ക​ൽ കോ​ള​ജി​ലെ​ത്തി​യ മ​ന്ത്രി പ​രി​ക്കേ​റ്റ​വ​രെ സ​ന്ദ​ർ​ശി​ച്ച് സ്ഥി​തി​ഗ​തി​ക​ൾ വി​ല​യി​രു​ത്തി. കൂ​ടു​ത​ൽ ചി​കി​ത്സ വേ​ണ്ടി വ​ന്ന​വ​രെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക് മാ​റ്റാ​നു​ള്ള നി​ർ​ദേ​ശം ന​ൽ​കി. ജി​ല്ല ക​ല​ക്ട​ർ ഡോ. ​രേ​ണു രാ​ജി​നോ​ട് അ​പ​ക​ടം സം​ബ​ന്ധി​ച്ച റി​പ്പോ​ർ​ട്ട് ന​ൽ​കാ​നും മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് മൃ​ത​ദേ​ഹ സം​സ്കാ​ര ന​ട​പ​ടി​ക​ൾ​ക്കാ​യി അ​ടി​യ​ന്ത​ര​മാ​യി പ​തി​നാ​യി​രം രൂ​പ വീ​തം അ​നു​വ​ദി​ക്കാ​നും നി​ർ​ദേ​ശം ന​ൽ​കി.

ദു​ര​ന്ത​ത്തി​ൽ മ​രി​ച്ച​വ​രു​ടെ ഇ​ൻ​ക്വ​സ്റ്റ് ന​ട​പ​ടി​ക​ൾ രാ​ത്രി​യോ​ടെ പൂ​ർ​ത്തി​യാ​ക്കാ​ൻ പൊ​ലീ​സി​ന് നി​ർ​ദ്ദേ​ശം ന​ൽ​കി. മാ​ന​ന്ത​വാ​ടി​യി​ലെ​യും സ​മീ​പ പൊ​ലീ​സ് സ്റ്റേ​ഷ​നു​ക​ളി​ലെ​യും എ​സ്.​എ​ച്ച്.​ഒ​മാ​രെ ഇ​തി​നാ​യി നി​യോ​ഗി​ച്ചു. മൃ​ത​ദേ​ഹ​ങ്ങ​ൾ മ​ക്കി​മ​ല സ്കൂ​ളി​ൽ പൊ​തു​ദ​ർ​ശ​ന​ത്തി​നാ​യി എ​ത്തി​ച്ച​തോ​ടെ മ​ന്ത്രി സം​സ്ഥാ​ന സ​ർ​ക്കാ​റി​ന് വേ​ണ്ടി റീ​ത്ത് സ​മ​ർ​പ്പി​ച്ചു. തു​ട​ർ​ന്ന്‌ അ​പ​ക​ട​ത്തി​ൽ മ​രി​ച്ച​വ​രു​ടെ ബ​ന്ധു​ക്ക​ളെ​യും നാ​ട്ടു​കാ​രെ​യും ആ​ശ്വ​സി​പ്പി​ച്ചു. മൃ​ത​ദേ​ഹ​ങ്ങ​ൾ സം​സ്ക​രി​ക്കു​ന്ന​തി​നു​ള്ള ന​ട​പ​ടി​ക​ളും ഏ​കോ​പി​ച്ചാ​ണ് ഉ​ച്ച​തി​രി​ഞ്ഞ് മ​ന്ത്രി മ​ക്കി​മ​ല​യി​ൽ നി​ന്നും മ​ട​ങ്ങി​യ​ത്.

മ്യൂ​സി​യം പു​രാ​വ​സ്തു പ്പ് ​മ​ന്ത്രി അ​ഹ​മ്മ​ദ് ദേ​വ​ർ കോ​വി​ലും വെ​ള്ളി​യാ​ഴ്ച രാ​ത്രി​യി​ൽ വ​യ​നാ​ട് മെ​ഡി​ക്ക​ൽ കോ​ള​ജി​ലെ​ത്തി അ​പ​ക​ട​ത്തി​ൽ പ​രി​ക്കേ​റ്റ് ചി​കി​ത്സ​യി​ൽ ക​ഴി​യു​ന്ന​വ​രെ സ​ന്ദ​ർ​ശി​ച്ചി​രു​ന്നു. ഒ.​ആ​ർ.​കേ​ളു എം.​എ​ൽ.​എ, എ.​ഡി.​എം എ​ൻ.​ഐ. ഷാ​ജു, സ​ബ് ക​ല​ക്ട​ർ ആ​ർ. ശ്രീ​ല​ക്ഷ്മി തു​ട​ങ്ങി​യ​വ​ർ ന​ട​പ​ടി ഏ​കോ​പ്പി​ക്കു​ന്ന​തി​നാ​യി ക​ർ​മ്മ​നി​ര​ത​രാ​യി മു​ന്നി​ൽ നി​ന്നു.