മ​ഴ​ക്ക് നേ​രി​യ ശ​മ​നം

മാ​ന​ന്ത​വാ​ടി: തു​ട​ർ​ച്ച​യാ​യി പെ​യ്ത മ​ഴ​ക്ക് വെ​ള്ളി​യാ​ഴ്ച നേ​രി​യ ശ​മ​നം. എ​ന്നാ​ൽ, താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റി​യ​ത് ജ​ന​ങ്ങ​ളെ ദു​രി​ത​ത്തി​ലാ​ക്കി​യി​ട്ടു​ണ്ട്. മൂ​ന്ന് ക്യാ​മ്പു​ക​ളി​ലാ​യി 32 കു​ടും​ബ​ങ്ങ​ളി​ലാ​യി 117 പേ​രെ​യാ​ണ് മാ​റ്റി​പ്പാ​ർ​പ്പി​ച്ച​ത്. കാ​ഞ്ഞി​ര​ങ്ങാ​ട് വി​ല്ലേ​ജി​ലെ പെ​രി​ഞ്ചേ​രി മ​ല ഉ​ന്ന​തി​യി​ലെ കു​ടും​ബ​ങ്ങ​ളെ പെ​രി​ഞ്ചേ​രി മ​ല അം​ഗ​ൻ​വാ​ടി​യി​ലേ​ക്കു മാ​റ്റി.

ഗ​ർ​ത്ത​മു​ണ്ടാ​യ​തി​നെ തു​ട​ർ​ന്ന് പു​ളി​ഞ്ഞാ​ൽ നെ​ല്ലി​ക്ക​ച്ചാ​ൽ ഉ​ന്ന​തി​യി​ലെ ആ​റ് കു​ടും​ബ​ങ്ങ​ളെ പു​ളി​ഞ്ഞാ​ൽ ഗ​വ. ഹൈ​സ്കൂ​ളി​ലെ ക്യാ​മ്പി​ലേ​ക്കും പ​ന​മ​രം മാ​ത്തൂ​ർ വ​യ​ൽ ഉ​ന്ന​തി​യി​ലെ ആ​റ് കു​ടും​ബ​ങ്ങ​ളെ പ​ന​മ​രം ഗ​വ. ഹൈ​സ്കൂ​ളി​ലെ ക്യാ​മ്പി​ലേ​ക്കും മാ​റ്റി​പ്പാ​ർ​പ്പി​ച്ചു.

മാ​ന​ന്ത​വാ​ടി ഇ​ല്ല​ത്തു​വ​യ​ലി​ൽ വെ​ള്ളം പൊ​ങ്ങി​ത്തു​ട​ങ്ങി​യ​തോ​ടെ ര​ണ്ട് കു​ടും​ബ​ങ്ങ​ൾ മാ​റി​ത്താ​മ​സി​ച്ചു. പെ​രു​വ​ക ക​മ്മ​ന റോ​ഡി​ൽ ക​രി​ന്തി​രി​ക്ക​ട​വി​ൽ റോ​ഡി​ൽ വെ​ള്ളം ക​യ​റി​യ​തി​നാ​ൽ അ​തു​വ​ഴി​യു​ള്ള ഗ​താ​ഗ​തം നി​ല​ച്ചു. വ​ള്ളി​യൂ​ർ​ക്കാ​വ് പാ​ട്ടു​പു​ര​യി​ലേ​ക്കും വെ​ള്ളം ക​യ​റി​ത്തു​ട​ങ്ങി​യി​ട്ടു​ണ്ട്.

എ​ട​വ​ക ചൊ​വ്വ​യി​ലെ വ​യ​ലി​ലും വെ​ള്ളം ക​യ​റി. വെ​ള്ളി​യാ​ഴ്ച രാ​വി​ലെ 10ഓ​ടെ ബാ​ണാ​സു​ര സാ​ഗ​ർ ഡാ​മി​ന്റെ ഒ​രു ഷ​ട്ട​ർ പ​ത്ത് മീ​റ്റ​റോ​ളം ഉ​യ​ർ​ത്തി. ഷ​ട്ട​ർ തു​റ​ന്ന​തോ​ടെ പു​തു​ശ്ശേ​രി ക​ട​വ്, പാ​ലി​യ​ണ, പ​ന​മ​രം കൂ​ട​ൽ​ക്ക​ട​വ് മേ​ഖ​ല​ക​ളി​ലെ പു​ഴ​ക​ളി​ൽ ജ​ല​നി​ര​പ്പ് ഉ​യ​ർ​ന്നി​ട്ടു​ണ്ട്. മാ​ന​ന്ത​വാ​ടി താ​ലൂ​ക്കി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന ക​ൺ​ട്രോ​ൾ റൂം ​സ​ജ്ജ​മാ​ക്കി​യി​ട്ടു​ണ്ട്.