മാനന്തവാടി: ഇന്ത്യയിലെ മികച്ച ക്ഷീര സഹകരണ സംഘങ്ങൾക്ക് കേന്ദ്ര സർക്കാർ നൽകുന്ന ഗോപാൽ രത്ന അവാർഡ് വയനാട്ടിലെ ദീപ്തിഗിരി ക്ഷീരോൽപാദക സഹകരണ സംഘം ഏറ്റുവാങ്ങി.
മൂന്നു ലക്ഷം രൂപയും പ്രശസ്തിപത്രവുമടങ്ങിയ അവാർഡ് ഗുജറാത്തിലെ ആനന്ദിൽ നടന്ന ചടങ്ങിൽവെച്ച് കേന്ദ്ര മൃഗസംരക്ഷണ, ക്ഷീര വികസന മന്ത്രി പർഷോത്തം റുപാലയിൽനിന്ന് സംഘം പ്രസിഡൻറ് എച്ച്.ബി. പ്രദീപ് മാസ്റ്ററും സെക്രട്ടറി പി.കെ. ജയപ്രകാശുമാണ് ഏറ്റുവാങ്ങിയത്.
മിൽമ മലബാർ മേഖല മികച്ച ക്ഷീര സംഘങ്ങൾക്കു നൽകുന്ന ഈ വർഷത്തെ ജില്ല, മേഖല അവാർഡുകളും ദീപ്തിഗിരി ക്ഷീരസംഘത്തിന് ലഭിച്ചിരുന്നു. കർഷകരുടെ പിന്തുണയും ജീവനക്കാരുടെയും ഭരണസമിതിയുടെ കൂട്ടായ പ്രവർത്തനവുമാണ് അവാർഡ് ലഭിക്കാൻ ഇടയാക്കിയതെന്ന് പ്രസിഡൻറ് എച്ച്.ബി. പ്രദീപ് മാസ്റ്റർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.