ടൗണുകളിൽ തെരുവുനായ് ശല്യം കൂടി

ഗൂഡല്ലൂർ: ഗൂഡല്ലൂർ പന്തല്ലൂർ താലൂക്കിലെ ടൗണുകളിലെല്ലാം തെരുവ് നായ്ക്കളുടെ ശല്യം വർധിച്ചു. വന്ധ്യംകരണ നടപടികൾ നിലച്ചതോടെയാണ് തെരുവ് നായ്ക്കളുടെ എണ്ണം നാൾക്കുനാൾ വർധിക്കുന്നത്. നായ്ക്കൾ റോഡിൽ കിടക്കുന്നതും കൂട്ടമായി ഓടുന്നതും വാഹനങ്ങൾക്കും മറ്റും ഭീഷണിയാവുകയാണ്. സ്കൂളിലേക്കും മറ്റും പോകുന്ന വിദ്യാർഥികളും കുട്ടികളും ഭീതിയിലാണ്​. ഗൂഡല്ലൂർ, പന്തല്ലൂർ, ചേരമ്പാടി, എരുമാട്, ദേവർ ഷോല ഉൾപ്പെടെയുള്ള ടൗണുകളിൽ നായ്ക്കളുടെ ശല്യം ഏറിയിട്ടുണ്ട്​. പഞ്ചായത്തുകളും നഗരസഭയും നടപടി സ്വീകരിക്കണമെന്നാണ് ആവശ്യം. GDR DOG: ചേരമ്പാടി ചുങ്കത്ത് പ്രധാന റോഡിൽ തെരുവ് നായ്ക്കൾ