തെരുവുനായ്ക്കൾ കുറുകെ ചാടി: ഓട്ടോ അപകടത്തിൽപെട്ടു

വർക്കല: തെരുവുനായ്ക്കൾ കുറുകെ ചാടിയതുമൂലം ഓട്ടോ അപകടത്തിൽപെട്ടു. ഡ്രൈവർക്കും ഓട്ടോയിലുണ്ടായിരുന്ന നാല് കോളജ് വിദ്യാർഥിനികൾക്കും പരിക്കേറ്റു. ചൊവ്വാഴ്ച വൈകീട്ട് മൂന്നരയോടെ പാലച്ചിറ ജങ്ഷന് സമീപത്താണ് അപകടമുണ്ടായത്. വർക്കല എസ്.എൻ കോളജ് ജങ്ഷനിൽനിന്ന് പാലച്ചിറയിലേക്ക് ഓട്ടോയിൽ പോകവെയായിരുന്നു അപകടം. ജ്യോതിക, ഹൃദ്യ എന്നിവർക്ക് അപകടത്തിൽ സാരമായി പരിക്കുണ്ട്.