അമീബിക് മസ്തിഷ്ക ജ്വരം; മെഡിക്കൽ കോളജിൽ അഞ്ചുപേർ ചികിത്സയിൽ

തി​രു​വ​ന​ന്ത​പു​രം/ നെ​യ്യാ​റ്റി​ൻ​ക​ര: ത​ല​സ്ഥാ​ന​ജി​ല്ല​യെ​യും ആ​ശ​ങ്ക​യി​ലാ​ഴ്ത്തി​യി​രി​ക്കു​ന്ന അ​മീ​ബി​ക് മ​സ്തി​ഷ്ക ജ്വ​ര​ത്തി​ന് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ അ​ഞ്ചു​പേ​ർ ചി​കി​ത്സ​യി​ൽ. രോ​ഗം ബാ​ധി​ച്ച് ജൂ​ലൈ 23ന് ​മ​രി​ച്ച അ​തി​യ​ന്നൂ​ർ മ​രു​തം​കോ​ട് ക​ണ്ണ​റ​വി​ള അ​നു​ലാ​ൽ ഭ​വ​നി​ൽ പ്ര​ഭാ​ക​ര​ൻ-​സു​നി​ത ദ​മ്പ​തി​ക​ളു​ടെ മ​ക​ൻ അ​ഖി​ലി​ന്റെ (27) സ​ഹോ​ദ​ര​നും (22) മൂ​ന്നു സു​ഹൃ​ത്തു​ക്ക​ളും (22,24,26) പേ​രൂ​ർ​ക്ക​ട മ​ണ്ണാ​മൂ​ല സ്വ​ദേ​ശി​യാ​യ 39കാ​ര​നു​മാ​ണ് നി​ല​വി​ൽ ചി​കി​ത്സ​യി​ലു​ള്ള​ത്.

39കാ​ര​ന്‍റെ നി​ല അ​തി​ഗു​രു​ത​ര​മാ​ണ്. മ​റ്റു നാ​ലു​പേ​രി​ൽ ഒ​രാ​ൾ സാ​ധാ​ര​ണ നി​ല​യി​ലാ​യി. ഇ​യാ​ളെ ഐ.​സി.​യു​വി​ൽ​നി​ന്ന് മാ​റ്റി. ബാ​ക്കി​യു​ള്ള മൂ​ന്നു​പേ​രു​ടെ ആ​രോ​ഗ്യ​നി​ല​യി​ൽ പു​രോ​ഗ​തി​യു​ണ്ടെ​ന്നും ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. അ​തി​ഗു​രു​ത​രാ​വ​സ്ഥ​യി​ലു​ള്ള പേ​രൂ​ർ​ക്ക​ട മ​ണ്ണാ​മൂ​ല സ്വ​ദേ​ശി​യു​ടെ രോ​ഗ ഉ​റ​വി​ടം വ്യ​ക്ത​മ​ല്ല.

ക​ഠി​ന​മാ​യ പ​നി​യും ത​ല​വേ​ദ​ന​യു​മാ​യി ക​ഴി​ഞ്ഞ​മാ​സം 21നാ​ണ് അ​ഖി​ലി​നെ മെ​ഡി​ക്ക​ൽ​കോ​ള​ജി​ൽ പ്ര​വേ​ശി​പ്പി​ച്ച​ത്. രോ​ഗ​നി​ർ​ണ​യം പു​രോ​ഗ​മി​ക്കു​ന്ന​തി​നി​ടെ 23ന് ​മ​രി​ച്ചു. മ​രി​ച്ച അ​ഖി​ലും ചി​കി​ത്സ​യി​ലു​ള്ള നാ​ലു​പേ​രും നെ​ല്ലി​മൂ​ട് കാ​വി​ൻ​കു​ള​ത്ത് കു​ളി​ച്ച​വ​രാ​ണ്. ഈ ​കു​ള​ത്തി​ൽ​നി​ന്ന് രോ​ഗം പ​ക​ർ​ന്നെ​ന്നാ​യി​രു​ന്നു സം​ശ​യം. ഈ ​കു​ളം പ​ഞ്ചാ​യ​ത്ത് അ​ധി​കൃ​ത​ർ വ​ല​കെ​ട്ടി അ​ട​ച്ചു. വെ​ള്ളം പ​രി​ശോ​ധ​ന​ക്കും അ​യ​ച്ചു. എ​ന്നാ​ൽ, തി​ങ്ക​ളാ​ഴ്ച ഫ​ലം വ​ന്ന​പ്പോ​ൾ വെ​ള്ള​ത്തി​ൽ രോഗാണു സാ​ന്നി​ധ്യം ക​ണ്ടെ​ത്താ​നാ​യി​ല്ല. ഫ​ലം നെ​ഗ​റ്റി​വാ​യ​തോ​ടെ ഉ​റ​വി​ടം ക​ണ്ടെ​ത്താ​നു​ള്ള പ്ര​വ​ർ​ത്ത​ന​ങ്ങ​ൾ ആ​രോ​ഗ്യ​വ​കു​പ്പ് ഊ​ർ​ജി​ത​മാ​ക്കി.

ജാ​ഗ്ര​ത​പു​ല​ർ​ത്ത​ണം

തി​രു​വ​ന​ന്ത​പു​രം: തി​രു​വ​ന​ന്ത​പു​ര​ത്ത് അ​മീ​ബി​ക് മെ​നി​ഞ്ചോ എ​ന്‍സെ​ഫ​ലൈ​റ്റി​സ് (അ​മീ​ബി​ക് മ​സ്തി​ഷ്‌​ക ജ്വ​രം) സ്ഥി​രീ​ക​രി​ച്ച സാ​ഹ​ച​ര്യ​ത്തി​ല്‍ പാ​യ​ല്‍ പി​ടി​ച്ച​തോ മൃ​ഗ​ങ്ങ​ളെ കു​ളി​പ്പി​ക്കു​ന്ന​തോ ആ​യ കു​ള​ങ്ങ​ളി​ലെ വെ​ള്ളം ഉ​പ​യോ​ഗി​ക്കു​ന്ന​വ​ര്‍ മു​ന്‍ക​രു​ത​ലു​ക​ളെ​ടു​ക്ക​ണ​മെ​ന്ന്​ ആ​രോ​ഗ്യ​വ​കു​പ്പ്. മ​ലി​ന​മാ​യ വെ​ള്ള​ത്തി​ല്‍ കു​ളി​ക്കു​ക​യോ മു​ഖം ക​ഴു​കു​ക​യോ ചെ​യ്യ​രു​ത്. ഇ​ത്ത​രം കു​ള​ങ്ങ​ളി​ല്‍ കു​ളി​ക്കു​ന്ന​വ​ര്‍ക്ക് തീ​വ്ര​മാ​യ ത​ല​വേ​ദ​ന, പ​നി, ഓ​ക്കാ​നം, ഛര്‍ദി, ക​ഴു​ത്ത് തി​രി​ക്കാ​ന്‍ ബു​ദ്ധി​മു​ട്ട് തു​ട​ങ്ങി​യ രോ​ഗ​ല​ക്ഷ​ണ​ങ്ങ​ള്‍ ക​ണ്ടാ​ല്‍ അ​തു പ​റ​ഞ്ഞ് ചി​കി​ത്സ തേ​ടേ​ണ്ട​താ​ണ്.

അ​മീ​ബി​ക് മെ​നി​ഞ്ചോ എ​ന്‍സെ​ഫ​ലൈ​റ്റി​സു​മാ​യി ബ​ന്ധ​പ്പെ​ട്ടു​ള്ള പ്ര​തി​രോ​ധം, രോ​ഗ​നി​ര്‍ണ​യം, ചി​കി​ത്സ എ​ന്നി​വ സം​ബ​ന്ധി​ച്ച സാ​ങ്കേ​തി​ക മാ​ര്‍ഗ​രേ​ഖ അ​ടു​ത്തി​ടെ രാ​ജ്യ​ത്ത് ആ​ദ്യ​മാ​യി പു​റ​ത്തി​റ​ക്കി​യി​രു​ന്നു.

ഈ ​മാ​ര്‍ഗ​രേ​ഖ അ​നു​സ​രി​ച്ചാ​യി​രി​ക്കും ചി​കി​ത്സ. വ​യ​നാ​ട് ഉ​രു​ള്‍പൊ​ട്ട​ല്‍, അ​മീ​ബി​ക് മ​സ്തി​ഷ്‌​ക ജ്വ​രം എ​ന്നി​വ​യു​ടെ സാ​ഹ​ച​ര്യ​ത്തി​ല്‍ സ്റ്റേ​റ്റ് ലെ​വ​ല്‍ റാ​പി​ഡ് റെ​സ്‌​പോ​ണ്‍സ് ടീം ​യോ​ഗം ചേ​ര്‍ന്ന് സം​സ്ഥാ​ന​ത്തെ പൊ​തു​സാ​ഹ​ച​ര്യം വി​ല​യി​രു​ത്തി. തി​രു​വ​ന​ന്ത​പു​ര​ത്ത് മ​ര​ണ​മ​ട​ഞ്ഞ​യാ​ള്‍ക്ക് അ​മീ​ബി​ക് മ​സ്തി​ഷ്‌​ക ജ്വ​രം സ്ഥി​രീ​ക​രി​ച്ച​തി​ന് പു​റ​മേ, മെ​ഡി​ക്ക​ല്‍ കോ​ള​ജി​ല്‍ ചി​കി​ത്സ​യി​ലു​ള്ള മൂ​ന്നു​പേ​ര്‍ക്ക് കൂ​ടി രോ​ഗം സ്ഥി​രീ​ക​രി​ച്ചി​ട്ടു​ണ്ടെ​ന്ന്​ മ​ന്ത്രി വീ​ണാ ജോ​ർ​ജ്​ അ​റി​യി​ച്ചു.

വേ​ന​ല്‍ക്കാ​ല​ത്ത് വെ​ള്ള​ത്തി​ന്റെ അ​ള​വ് കു​റ​യു​ന്ന​തോ​ടെ​യാ​ണ് അ​മീ​ബ വ​ര്‍ധി​ക്കു​ക​യും കൂ​ടു​ത​ലാ​യി കാ​ണു​ക​യും ചെ​യ്യു​ന്ന​ത്. വെ​ള്ള​ത്തി​ലി​റ​ങ്ങു​മ്പോ​ള്‍ അ​ടി​ത്ത​ട്ടി​ലെ ചേ​റി​ലു​ള്ള അ​മീ​ബ വെ​ള്ള​ത്തി​ല്‍ ക​ല​ങ്ങു​ക​യും മൂ​ക്കി​ലൂ​ടെ ശ​രീ​ര​ത്തി​ല്‍ പ്ര​വേ​ശി​ക്കു​ക​യും ചെ​യ്യു​ന്നു. രോ​ഗ​ല​ക്ഷ​ണ​ങ്ങ​ൾ പ്ര​ക​ട​മാ​യാ​ൽ സ്വ​യം ചി​കി​ത്സ പാ​ടി​ല്ലെ​ന്ന് ജി​ല്ല മെ​ഡി​ക്ക​ൽ ഓ​ഫി​സ​ർ അ​റി​യി​ച്ചു.

രോ​ഗ ല​ക്ഷ​ണ​ങ്ങ​ൾ

തീ​വ്ര​മാ​യ ത​ല​വേ​ദ​ന, പ​നി, ഓ​ക്കാ​നം, ഛർ​ദി, ക​ഴു​ത്ത് തി​രി​ക്കാ​ൻ ബു​ദ്ധി​മു​ട്ട്, വെ​ളി​ച്ച​ത്തി​ലേ​ക്ക് നോ​ക്കാ​നു​ള്ള ബു​ദ്ധി​മു​ട്ട് തു​ട​ങ്ങി​യ​വ​യാ​ണ് പ്രാ​ഥ​മി​ക ല​ക്ഷ​ണ​ങ്ങ​ൾ.

കു​ഞ്ഞു​ങ്ങ​ളി​ൽ കാ​ണ​പ്പെ​ടു​ന്ന രോ​ഗ​ല​ക്ഷ​ണ​ങ്ങ​ൾ

ഭ​ക്ഷ​ണം ക​ഴി​ക്കാ​നു​ള്ള വി​മു​ഖ​ത, നി​ഷ്‌​ക്രി​യ​രാ​യി കാ​ണ​പ്പെ​ടു​ക, സാ​ധാ​ര​ണ​മ​ല്ലാ​ത്ത പ്ര​തി​ക​ര​ണ​ങ്ങ​ൾ എ​ന്നി​വ. രോ​ഗം ഗു​രു​ത​രാ​വ​സ്ഥ​യി​ലാ​യാ​ൽ അ​പ​സ്മാ​രം, ബോ​ധ​ക്ഷ​യം, ഓ​ർ​മ​ക്കു​റ​വ് തു​ട​ങ്ങി​യ ല​ക്ഷ​ണ​ങ്ങ​ളും പ്ര​ക​ട​മാ​കു​ന്നു. രോ​ഗ​ല​ക്ഷ​ണ​ങ്ങ​ൾ പ്ര​ക​ട​മാ​യാ​ൽ എ​ത്ര​യും വേ​ഗം ചി​കി​ത്സ ല​ഭ്യ​മാ​ക്ക​ണം. കെ​ട്ടി​ക്കി​ട​ക്കു​ന്ന വെ​ള്ള​ത്തി​ൽ കു​ളി​ക്കു​ന്ന​വ​ർ ആ ​വി​വ​രം ഡോ​ക്ട​റെ അ​റി​യി​ക്ക​ണം. 

പ്ര​തി​രോ​ധ മാ​ർ​ഗ​ങ്ങ​ൾ

• കെ​ട്ടി​ക്കി​ട​ക്കു​ന്ന വെ​ള്ള​ത്തി​ൽ കു​ളി​ക്കു​ന്ന​തും ഡൈ​വ് ചെ​യ്യു​ന്ന​തും ഒ​ഴി​വാ​ക്ക​ണം.
• വാ​ട്ട​ർ തീം ​പാ​ർ​ക്കു​ക​ളി​ലേ​യും സ്വി​മ്മി​ങ്​ പൂ​ളു​ക​ളി​ലേ​യും വെ​ള്ളം കൃ​ത്യ​മാ​യി ക്ലോ​റി​നേ​റ്റ് ചെ​യ്ത് ശു​ദ്ധ​മാ​ണെ​ന്ന് ഉ​റ​പ്പാ​ക്ക​ണം. ജ​ല​സ്രോ​ത​സ്സു​ക​ളി​ൽ കു​ളി​ക്കു​മ്പോ​ൾ മൂ​ക്കി​ലേ​ക്ക് വെ​ള്ളം ക​യ​റാ​തി​രി​ക്കാ​ൻ ശ്ര​ദ്ധി​ക്ക​ണം. മ​ലി​ന​മാ​യ വെ​ള്ള​ത്തി​ൽ മു​ങ്ങി കു​ളി​ക്കു​ന്ന​തും, മു​ഖ​വും വാ​യും ശു​ദ്ധ​മ​ല്ലാ​ത്ത വെ​ള്ള​ത്തി​ൽ ക​ഴു​കു​ന്ന​തും പൂ​ർ​ണ​മാ​യും ഒ​ഴി​വാ​ക്ക​ണം.

നീ​ന്ത​ൽ​ക്കു​ള​ങ്ങ​ളി​ൽ പാ​ലി​ക്കേ​ണ്ട ശു​ചി​ത്വ നി​ർ​ദേ​ശ​ങ്ങ​ൾ

• ആ​ഴ്ച​യി​ൽ ഒ​രി​ക്ക​ൽ വെ​ള്ളം പൂ​ർ​ണ​മാ​യും ഒ​ഴു​ക്കി​ക്ക​ള​യ​ണം
• സ്വി​മ്മി​ങ്​ പൂ​ളി​ന്റെ വ​ശ​ങ്ങ​ളും ത​റ​യും ബ്ര​ഷ് ഉ​പ​യോ​ഗി​ച്ച് ഉ​ര​ച്ച് ക​ഴു​ക​ണം
• പ്ര​ത​ല​ങ്ങ​ൾ ന​ന്നാ​യി ഉ​ണ​ങ്ങാ​ൻ അ​നു​വ​ദി​ക്ക​ണം
• നീ​ന്ത​ൽ​ക്കു​ള​ങ്ങ​ളി​ലെ ഫി​ൽ​റ്റ​റു​ക​ൾ വൃ​ത്തി​യാ​ക്കി ഉ​പ​യോ​ഗി​ക്ക​ണം
• പു​തു​താ​യി നി​റ​യ്ക്കു​ന്ന വെ​ള്ളം ക്ലോ​റി​നേ​റ്റ് ചെ​യ്ത​തി​നു​ശേ​ഷം ഉ​പ​യോ​ഗി​ക്ക​ണം
• വെ​ള്ള​ത്തി​ൻ​റെ അ​ള​വി​ന​നു​സ​രി​ച്ച് അ​ഞ്ച്​ ഗ്രാം ​ക്ലോ​റി​ൻ/ 1000 ലി​റ്റ​ർ വെ​ള്ള​ത്തി​ന് ആ​നു​പാ​തി​ക​മാ​യി ക്ലോ​റി​നേ​റ്റ് ചെ​യ്യ​ണം.
• ക്ലോ​റി​ൻ ലെ​വ​ൽ 0.5 പി.​പി.​എം മു​ത​ൽ മൂ​ന്ന്​ പി.​പി.​എം ആ​യി നി​ല​നി​ർ​ത്ത​ണം
• വി​വ​ര​ങ്ങ​ൾ​ക്ക് ദി​ശ 1056, 0471- 2552056, 104