അഞ്ചാലുംമൂട്: മാല മോഷണക്കേസിലെ മുഖ്യപ്രതി പിടിയിലായി. മങ്ങാട് കിളികൊല്ലൂർ നെടിയവിളവീട്ടിൽ ഗണേശൻ (36) ആണ് പിടിയിലായത്. കഴിഞ്ഞമാസം ഒമ്പതിന് അഞ്ചാലുംമൂട് പോസ്റ്റ് ഓഫിസിന് പിറകിലൂടെയുള്ള റോഡിലൂടെ നടന്നുപോകുകയായിരുന്ന സ്ത്രീയുടെ മാല പൊട്ടിച്ച കേസിലാണ് അറസ്റ്റ്. സംഭവത്തിനുശേഷം ഒളിവിലായിരുന്ന ഇയാൾ ജില്ല കോടതിയിൽ മുൻകൂർ ജാമ്യത്തിന് ശ്രമിച്ചെങ്കിലും കോടതി ജാമ്യാപേക്ഷ തള്ളി. തുടർന്ന് ഇയാൾ വ്യാഴാഴ്ച പരവൂർ കോടതിയിൽ കീഴടങ്ങുന്നതിനിടയിൽ അഞ്ചാലുംമൂട് പൊലീസ് അറസ്റ്റ് ചെയ്ത് കോടതിയിൽ ഹാജരാക്കുകയായിരുന്നു. കേസിലെ രണ്ടും മൂന്നും പ്രതികൾ നേരേത്ത പിടിയിലായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.