തിരുവനന്തപുരം സബ് കലക്ടറായി എം.എസ്. മാധവിക്കുട്ടി ചുമതലയേറ്റു. എൻജിനീയറിങ് ബിരുദധാരിയായ മാധവിക്കുട്ടി 2018 ബാച്ച് ഐ.എ.എസ് ഉദ്യോഗസ്ഥയാണ്. കൊല്ലം മാടന്‍നടയാണ് സ്വദേശം. ഫോര്‍ട്ട് കൊച്ചിയില്‍ അസി.കലക്ടറായി സേവനമനുഷ്ഠിച്ചുവരുകയായിരുന്നു. ഭര്‍ത്താവ് കൃഷ്ണരാജ് 2015 ബാച്ച് ഐ.പി.എസ് ഉദ്യോഗസ്ഥനാണ്. കണ്ടെയ്ന്‍മൻെറ് സോൺ തിരുവനന്തപുരം: നെയ്യാറ്റിൻകര മുനിസിപ്പാലിറ്റിയിലെ മൂന്നുകല്ലിൻമൂട്, തൊളിക്കോട് ഗ്രാമപഞ്ചായത്തിലെ ചായം (പേരയത്തുപാറ പ്രദേശം), കാട്ടാക്കട ഗ്രാമപഞ്ചായത്തിലെ ചന്ദ്രമംഗലം, ആമച്ചൽ എന്നീ വാർഡുകളെ കണ്ടെയ്ന്‍മൻെറ് സോണായി കലക്ടര്‍ ഡോ. നവജ്യോത് ഖോസ പ്രഖ്യാപിച്ചു. ഈ വാര്‍ഡുകളോട് ചേര്‍ന്നുള്ള പ്രദേശങ്ങളിലും ജാഗ്രത പുലര്‍ത്തണം. അടിയന്തര ആവശ്യങ്ങള്‍ക്കല്ലാതെ ആരും കണ്ടെയ്ന്‍മൻെറ് സോണിന് പുറത്തുപോകരുത്. തൊളിക്കോട് ഗ്രാമപഞ്ചായത്തിലെ കണിയാരംകോട്, പനക്കോട്, തൊളിക്കോട്, മാറനല്ലൂര്‍ ഗ്രാമപഞ്ചായത്തിലെ മേലരിയോട്, കിളിക്കോട്ടുകോണം, തിരുവനന്തപുരം കോര്‍പറേഷന് കീഴിലെ ലക്ഷ്മി നഗര്‍, ചൈതന്യ ഗാര്‍ഡന്‍സ്(കേശവദാസപുരം വാര്‍ഡ്) എന്നീ പ്രദേശങ്ങളെ കണ്ടെയ്ന്‍മൻെറ് സോണില്‍ നിന്നും ഒഴിവാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.