ആരോഗ്യപ്രവർത്തകർക്കടക്കം രണ്ടുപേർക്ക് കോവിഡ്; കല്ലുവാതുക്കൽ പഞ്ചായത്തിൽ അതിജാഗ്രത

ആരോഗ്യപ്രവർത്തകർക്കടക്കം രണ്ടുപേർക്ക് കോവിഡ്; കല്ലുവാതുക്കൽ പഞ്ചായത്തിൽ അതിജാഗ്രതരോഗബാധിതരരെ കൊല്ലം ഹോക്കി സ്​റ്റേഡിയത്തിലെ ഫസ്​റ്റ്​ ലൈൻ ട്രീറ്റ്മൻെറ് സൻെററിൽ പ്രവേശിപ്പിച്ചുപാരിപ്പള്ളി: കല്ലുവാതുക്കൽ പഞ്ചായത്തിൽ വീണ്ടും കോവിഡ് ബാധ. ആരോഗ്യപ്രവർത്തകർക്കടക്കം രണ്ടുപേർക്കാണ് പുതുതായി രോഗം സ്​ഥിരീകരിച്ചത്. കുളമട കഴുത്തുംമൂട് സ്വദേശിയാണ് ആരോഗ്യപ്രവർത്തക. തിരുവനന്തപുരത്ത് ആശുപത്രിയിലെ ജീവനക്കാരിയാണിവർ. ഒപ്പം ജോലിചെയ്യുന്ന യുവതിക്ക് രോഗം കണ്ടെത്തിയതിനെത്തുടർന്ന് കഴിഞ്ഞ 25 മുതൽ ഇവർ ക്വാറൻറീനിലായിരുന്നു. സ്രവപരിശോധനയിൽ നെഗറ്റിവായതിനെത്തുടർന്ന് പുറത്തിറങ്ങിയിരുന്നു. വീണ്ടും രോഗലക്ഷണങ്ങൾ വന്നതോടെ നടത്തിയ പരിശോധനയിലാണ് സ്​ഥിരീകരണമുണ്ടായത്. ജില്ല ജയിലിൽ റിമാൻഡിൽ കഴിഞ്ഞിരുന്ന കല്ലുവാതുക്കൽ ഈഴായിക്കോട് സ്വദേശിയായ യുവാവ് കഴിഞ്ഞ 30 നാണ് പുറത്തിറങ്ങിയത്. രോഗലക്ഷണങ്ങൾ കണ്ടതിനാൽ നടത്തിയ പരിശോധനയിൽ ഫലം പോസിറ്റിവായി. ഇരുവരെയും കൊല്ലം ഹോക്കി സ്​റ്റേഡിയത്തിൽ പ്രവർത്തിക്കുന്ന ഫസ്​റ്റ്​ ലൈൻ ട്രീറ്റ്മൻെറ് സൻെററിൽ പ്രവേശിപ്പിച്ചു.കല്ലവാതുക്കലിൽ അതിജാഗ്രതക്ക് നിർദേശിച്ചിരിക്കുകയാണ്. ഈഴായിക്കോട് സ്വദേശിയായ യുവാവ് ചിറക്കരയിലെ വീട്ടിൽ നടന്ന സംസ്​കാരച്ചടങ്ങിൽ പങ്കെടുത്തിരുന്നു. ഇത്തിക്കര ബ്ലോക്ക് പഞ്ചായത്തിലെ ഒരംഗം, ചിറക്കര പഞ്ചായത്തിലെ ചില അംഗങ്ങൾ എന്നിവരടക്കം അന്ന് അവിടെയുണ്ടായിരുന്ന എല്ലാവരോടും ക്വാറൻറീനിൽ പോകാൻ നിർദേശിച്ചിട്ടുണ്ട്. രോഗം സ്​ഥിരീകരിച്ചവർ എത്തിയ മടത്തറ റോഡിലെ പെ​േട്രാൾ പമ്പും പാരിപ്പള്ളിയിലെയും കല്ലുവാതുക്കലിലെയും ചില വ്യാപാരസ്​ഥാപനങ്ങളും അടപ്പിച്ചിട്ടുണ്ട്. ചാത്തന്നൂർ ഇൻസ്പെക്ടർ ജസ്​റ്റിൻ ജോണിനാണ് സമ്പർക്കപ്പട്ടിക തയാറാക്കാനുള്ള ചുമതല. പ്രാഥമിക പട്ടികയിലുള്ള 30 പേരുടെ സാമ്പിൾ പരിശോധന ഉടൻ നടത്തും.