പാലപ്പിള്ളി ജനവാസ മേഖലയിൽ അമ്പതോളം കാട്ടാനകൾ; നാട്ടുകാർ ഭീതിയിൽ

ആ​മ്പ​ല്ലൂ​ർ: പാ​ല​പ്പി​ള്ളി, കു​ണ്ടാ​യി, ചൊ​ക്ക​ന മേ​ഖ​ല​യി​ൽ അ​മ്പ​തോ​ളം കാ​ട്ടാ​ന​ക​ൾ ഒ​ന്നി​ച്ചെ​ത്തി​യ​ത് പ്ര​ദേ​ശ​വാ​സി​ക​ളെ ഭീ​തി​യി​ലാ​ഴ്ത്തി. തോ​ട്ടം തൊ​ഴി​ലാ​ളി​ക​ൾ താ​മ​സി​ക്കു​ന്ന പാ​ഡി​ക​ൾ​ക്ക് സ​മീ​പ​ത്തു​ള്ള തോ​ട്ട​ത്തി​ലും ആ​ദി​വാ​സി കോ​ള​നി​യി​ലേ​ക്കു​ള്ള റോ​ഡി​ലു​മാ​ണ് കാ​ട്ടാ​ന​ക്കൂ​ട്ട​ത്തെ ക​ണ്ട​ത്.

16 കു​ട്ടി​യാ​ന​ക​ളും കൂ​ട്ട​ത്തി​ലു​ണ്ട്. ഇ​ത്ര​യേ​റെ ആ​ന​ക​ൾ ജ​ന​വാ​സ മേ​ഖ​ല​യി​ൽ ഒ​ന്നി​ച്ചി​റ​ങ്ങു​ന്ന​ത് ആ​ദ്യ​മാ​ണെ​ന്ന് നാ​ട്ടു​കാ​ർ പ​റ​യു​ന്നു. മൂ​ന്ന് ദി​വ​സ​മാ​യി ആ​ന​ക്കൂ​ട്ടം പ​ല ഭാ​ഗ​ങ്ങ​ളി​ലാ​യി നി​ല​യു​റ​പ്പി​ച്ചി​രി​ക്കു​ക​യാ​ണ്. രാ​ത്രി​യി​ൽ പാ​ഡി​ക​ളു​ടെ അ​രി​കി​ൽ എ​ത്തു​ന്ന കാ​ട്ടാ​ന​ക്കൂ​ട്ട​ത്തി​ന്‍റെ ചി​ന്നം​വി​ളി കേ​ട്ട് ഭീ​തി​യോ​ടെ​യാ​ണ് തൊ​ഴി​ലാ​ളി​ക​ൾ ക​ഴി​യു​ന്ന​ത്. ഉ​റ​ക്ക​മൊ​ഴി​ച്ച് കാ​ട്ടാ​ന​ക​ളെ തു​ര​ത്തു​ക​യാ​ണ് ഇ​വ​ർ.

പാ​ട്ട​കൊ​ട്ടി​യും പ​ട​ക്കം പൊ​ട്ടി​ച്ചും ആ​ന​ക​ളെ കാ​ടു​ക​യ​റ്റാ​ൻ ശ്ര​മി​ക്കു​ന്നു​ണ്ടെ​ങ്കി​ലും അ​തൊ​ന്നും പ​ല​പ്പോ​ഴും ഫ​ല​വ​ത്താ​കാ​റു​മി​ല്ല. പ​ക​ൽ സ​മ​യ​ങ്ങ​ളി​ൽ മു​പ്ലി പു​ഴ​യി​ലും തോ​ട്ട​ങ്ങ​ളി​ലു​മാ​ണ് ആ​ന​ക​ൾ ഇ​റ​ങ്ങു​ന്ന​ത്. അ​തി​രാ​വി​ലെ റ​ബ​ർ തോ​ട്ട​ങ്ങ​ളി​ൽ ടാ​പ്പി​ങ്ങി​നാ​യി ഇ​റ​ങ്ങു​ന്ന തൊ​ഴി​ലാ​ളി​ക​ളാ​ണ് മേ​ഖ​ല​യി​ൽ ഏ​റേ​യും. കാ​ട്ടാ​ന​ക​ളെ കൊ​ണ്ട് പൊ​റു​തി​മു​ട്ടി​യി​രി​ക്കു​ന്ന പ്ര​ദേ​ശ​വാ​സി​ക​ളു​ടെ ഭീ​തി​യ​ക​റ്റാ​ൻ വ​ന​പാ​ല​ക​ർ വേ​ണ്ട​ത്ര ഇ​ട​പെ​ട​ൽ ന​ട​ത്തു​ന്നി​ല്ലെ​ന്നാ​ണ് തോ​ട്ടം തൊ​ഴി​ലാ​ളി​ക​ളു​ടെ പ​രാ​തി.