കു​ടി​വെ​ള്ളം മു​ട്ടി​യി​ട്ട് 22 നാ​ൾ

വാ​ടാ​ന​പ്പ​ള്ളി: ഏ​ങ്ങ​ണ്ടി​യൂ​രി​ൽ ചേ​റ്റു​വ ഉ​ൾ​പ്പെ​ടെ വാ​ട്ട​ർ അ​തോ​റി​റ്റി​യു​ടെ കു​ടി​വെ​ള്ള വി​ത​ര​ണം നി​ല​ച്ചി​ട്ട് 22 ദി​വ​സം പി​ന്നി​ട്ടു. ഏ​പ്രി​ൽ പ​ത്തി​നാ​ണ് അ​വ​സാ​ന​മാ​യി ഇ​വി​ടേ​ക്ക് പൈ​പ്പ് ലൈ​ൻ വ​ഴി കു​ടി​വെ​ള്ളം എ​ത്തി​യ​ത്. കൊ​ടി​യ വേ​ന​ലി​ൽ ജ​ലം ല​ഭ്യ​മാ​യി​രു​ന്ന പ​ല​യി​ട​ങ്ങ​ളി​ലും ഭൂ​മി വ​റ്റി​വ​ര​ണ്ട് ജ​ലം ല​ഭ്യ​മാ​കാ​ത്ത അ​വ​സ്ഥ​യാ​ണ്. നോ​മ്പ് പെ​രു​ന്നാ​ൾ, വി​ഷു, തെ​ര​ഞ്ഞെ​ടു​പ്പ്, ചേ​റ്റു​വ ച​ന്ദ​ന​ക്കു​ടം തു​ട​ങ്ങി​യ സു​പ്ര​ധാ​ന സ​മ​യ​ങ്ങ​ളി​ൽ പ്ര​ദേ​ശ​ത്തെ ജ​ന​ങ്ങ​ൾ കു​ടി​വെ​ള്ളം ല​ഭ്യ​മാ​കാ​തെ ദു​രി​ത​മ​നു​ഭ​വി​ക്കു​ക​യാ​ണ്.

ചേ​റ്റു​വ, പ​ട​ന്ന, ചി​പ്പി​മാ​ട് മേ​ഖ​ല​യി​ലാ​ണ് ദു​രി​താ​വ​സ്ഥ. കു​ടി​ക്കാ​നും ഭ​ക്ഷ​ണം പാ​കം​ചെ​യ്യാ​നും വ​സ്ത്ര​ങ്ങ​ൾ ക​ഴു​കാ​നും കു​ളി​ക്കാ​നും വെ​ള്ള​മി​ല്ലാ​തെ ജ​നം വ​ല​യു​ക​യാ​ണ്. വാ​ട്ട​ർ അ​തോ​റി​റ്റി​യു​ടെ വെ​ള്ളം കി​ട്ടാ​താ​യ​തോ​ടെ സ്വ​കാ​ര്യ വെ​ള്ള വി​ത​ര​ണ​ക്കാ​ർ വി​ത​ര​ണം​ചെ​യ്യു​ന്ന ശു​ദ്ധ​ജ​ലം അ​റു​നൂ​റും എ​ഴു​നൂ​റും രൂ​പ​വ​രെ ചെ​ല​വി​ട്ട് വാ​ങ്ങി​യാ​ണ് അ​ത്യാ​വ​ശ്യ​ത്തി​ന് ഇ​പ്പോ​ൾ ഉ​പ​യോ​ഗി​ക്കു​ന്ന​ത്.

കു​ടി​വെ​ള്ള വി​ഷ​യ​ത്തി​ൽ എം.​എ​ൽ.​എ, ത്രി​ത​ല പ​ഞ്ചാ​യ​ത്ത് ഭ​ര​ണ​സ​മി​തി​ക​ൾ, ജ​ല​വി​ഭ​വ വ​കു​പ്പ് തു​ട​ങ്ങി​യ അ​ധി​കാ​രി​ക​ൾ തു​ട​രു​ന്ന നി​സ്സം​ഗ​ത അ​ങ്ങേ​യ​റ്റം അ​പ​ല​പ​നീ​യ​മാ​ണെ​ന്ന് എ​ങ്ങ​ണ്ടി​യൂ​ർ പ​ഞ്ചാ​യ​ത്ത് മു​ൻ അം​ഗ​വും ഡി.​സി.​സി അം​ഗ​വു​മാ​യ ഇ​ർ​ഷാ​ദ് കെ. ​ചേ​റ്റു​വ ആ​രോ​പി​ച്ചു. വി​ഷ​യ​ത്തി​ന് അ​ടി​യ​ന്ത​ര പ​രി​ഹാ​രം കാ​ണാ​ൻ ജി​ല്ല ഭ​ര​ണ​കൂ​ട​മു​ൾ​പ്പെ​ടെ ഇ​ട​പെ​ട​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

കൊടുങ്ങല്ലൂരിലേക്കുള്ള പൈപ്പ് ലൈൻ തകർന്നു

മാ​ള: ക​രി​ങ്ങോ​ൾ​ച്ചി​റ-​പു​ത്ത​ൻ​ചി​റ പൊ​തു​മ​രാ​മ​ത്ത് റോ​ഡി​ൽ ര​ണ്ടി​ട​ത്താ​യി പൈ​പ്പ് ത​ക​ർ​ന്ന് കു​ടി​വെ​ള്ള വി​ത​ര​ണം നി​ല​ച്ചു. വൈ​ന്ത​ല പ​മ്പി​ങ് കേ​ന്ദ്ര​ത്തി​ൽ​നി​ന്ന് കൊ​ടു​ങ്ങ​ല്ലൂ​ർ ഭാ​ഗ​ത്തേ​ക്കു​ള്ള കു​ടി​വെ​ള്ള വി​ത​ര​ണ പൈ​പ്പ് ലൈ​ൻ ആ​ണ് ത​ക​ർ​ന്ന​ത്. ഇ​തോ​ടെ കൊ​ടു​ങ്ങ​ല്ലൂ​രി​ലേ​ക്കു​ള്ള കു​ടി​വെ​ള്ളം വി​ത​ര​ണം മു​ട​ങ്ങി. രാ​ത്രി​യി​ലാ​ണ് സം​ഭ​വം. നേ​ര​ത്തേ ഇ​വി​ടെ പൈ​പ്പ് ത​ക​ർ​ന്ന് റോ​ഡ് ക​ട്ട വി​രി​ച്ച് കെ​ട്ടി​യ ഭാ​ഗം ഇ​തി​നി​ടെ വീ​ണ്ടും ത​ക​ർ​ത്തു. പു​ന​ർ​നി​ർ​മാ​ണ​ത്തി​നി​ട​യി​ൽ 50 മീ​റ്റ​റി​നു​ള്ളി​ൽ മ​റ്റൊ​രി​ട​ത്ത് പൈ​പ്പ് ത​ക​ർ​ന്നി​ട്ടു​ണ്ട്.

റോ​ഡി​ന് ഒ​രു വ​ശം എ​സ്ക​വേ​റ്റ​ർ ഉ​പ​യോ​ഗി​ച്ച് പൊ​ളി​ച്ച് വെ​ള്ളം മോ​ട്ടോ​ർ ഉ​പ​യോ​ഗി​ച്ച് ഒ​ഴു​ക്കി വി​ട്ടു. വെ​ള്ളം വ​റ്റി​യാ​ൽ മാ​ത്ര​മാ​ണ് പൈ​പ്പ് ത​ക​ർ​ച്ച ഒ​ഴി​വാ​ക്കാ​നാ​വൂ.