നസീബ് യാത്രക്കിടെ
വാടാനപ്പള്ളി: വാടാനപ്പള്ളി സ്വദേശി നസീബ് ദുബൈയിൽനിന്ന് ബൈക്കിൽ തിരിച്ച യാത്ര 70 ദിവസം പിന്നിട്ട് ഞായറാഴ്ച വാടാനപ്പള്ളിയിൽ എത്തും. സഞ്ചാരിയും വാടാനപ്പള്ളി ഫ്രണ്ട്സ് അസോസിയേഷൻ അംഗവുമായ നസീബ് വീണ്ടും ചരിത്രം കുറിക്കുകയാണ്.
ഇന്ത്യ, നേപ്പാൾ, ഭൂട്ടാൻ യാത്രകൾക്ക് ശേഷമാണ് ഇക്കുറി നസീബ് തന്റെ ബൈക്കിൽ യു.എ.ഇയിൽനിന്ന് സ്വന്തം നാട്ടിലേക്ക് ലോങ് റൈഡ് നടത്തിയത്. മേയ് മൂന്നിന് രാവിലെ 8.30നാണ് ദുബൈ ഫ്രെയിമിനെ സാക്ഷിയാക്കി നസീബ് യാത്രക്ക് തുടക്കമിട്ടത്. 12 രാജ്യങ്ങളുടെ സംസ്കാരവും ഭൂപ്രകൃതിയും തൊട്ടറിഞ്ഞുള്ള യാത്രയായിരുന്നു.
യു.എ.ഇ, സൗദി അറേബ്യ, ജോർദാൻ, ഇറാഖ്, സിറിയ, തുർക്കി, ജോർജിയ, റഷ്യ, കസാഖ്സ്ഥാൻ, ചൈന, നേപ്പാൾ, ഇന്ത്യ എന്നീ രാജ്യങ്ങളിലൂടെയായിരുന്നു യാത്ര. വാടാനപ്പള്ളി പുതിയവീട്ടിൽ അഹമ്മദ് ഹാജിയുടെ മകനായ മുഹമ്മദ് നസീബ് ദുബൈയിൽ ഇന്റീരിയർ ഡിസൈനറാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.