മ​ന​വും മാ​ന​വും നി​റ​ച്ച് പെ​യ്തി​റ​ങ്ങി പൂ​ര​ക്കാ​ഴ്ച

തൃ​ശൂ​ർ: കെ​​ങ്കേ​മം എ​ന്ന്​ പ​റ​യ​ണം. സാ​മ്പി​ൾ വെ​ടി​ക്കെ​ട്ടി​ൽ​ത​ന്നെ ഇ​ത്ത​വ​ണ പൂ​രം അ​ത്ര ‘സിം​പി​ൾ’ ആ​വി​ല്ലെ​ന്ന സൂ​ച​ന ത​ന്ന പൂ​രം സം​ഘാ​ട​ക​ർ വി​ളം​ബ​ര​വും ക​ട​ന്ന്​ പൂ​രം നാ​ളി​ൽ മി​ന്നി​ച്ചു. പു​ഴ ​പോ​ലെ പ​ല ദി​ക്കു​ക​ളി​ൽ​നി​ന്ന്​ ഒ​ഴു​കി​യെ​ത്തി​യ ജ​ന​സ​ഹ​സ്ര​ങ്ങ​ളെ ആ​വേ​ശ​ത്തി​ലാ​റാ​ടി​ച്ച്​ കു​ട​മാ​റ്റ​വും രാ​ത്രി പൂ​ര​ങ്ങ​ളു​ടെ വ​ര​വും വ​രെ​യു​ള്ള ആ​ദ്യ നാ​ൾ അ​വ​സാ​നി​ച്ചു.

സ​ർ​ക്കാ​രും ജി​ല്ല ഭ​ര​ണ​കൂ​ട​വും ‘ഇ​റ​ങ്ങി​ക്ക​ളി​ച്ച’ പൂ​ര​ത്തി​ന്​ അ​തി​ന്‍റെ തി​ക​വ്​ പ്ര​ക​ട​മാ​യി​രു​ന്നു. ഓ​രോ അ​ണു​വും പി​ഴ​വി​ല്ലാ​തെ ന​ട​ക്കു​ന്നു​വെ​ന്ന്​ ഉ​റ​പ്പാ​ക്കാ​ൻ ഭ​ര​ണ സം​വി​ധാ​നം ഇ​ത്ര​യ​ധി​കം ശ്ര​മ​പ്പെ​ട്ട​തും ഇ​ത്ത​വ​ണ ക​ണ്ട പ്ര​ത്യേ​ക​ത​യാ​ണ്. ക​ണി​മം​ഗ​ലം ശാ​സ്താ​വി​ന്‍റെ വ​ര​വോ​ടെ ഘ​ട​ക പൂ​ര​ങ്ങ​ളു​ടെ വ​ര​വ്​ തു​ട​ങ്ങി​യ​ത്​ മു​ത​ൽ പൂ​ര​ന​ഗ​രം ആ​വേ​ശ​ത്തി​ലാ​യി​രു​ന്നു. അ​ന്ത​രീ​ക്ഷ​വും അ​നു​കൂ​ലം. പ​ല വ​ഴി​ക​ളി​ലൂ​ടെ തൃ​ശൂ​ർ ന​ഗ​ര​ത്തി​ലെ സ്വ​രാ​ജ്​ റൗ​ണ്ടി​ലേ​ക്ക്​ പ്ര​വേ​ശി​ച്ച പൂ​ര​ങ്ങ​ൾ​ക്കൊ​പ്പം അ​ത​ത്​ ത​ട്ട​ക നി​വാ​സി​ക​ളും ചേ​ർ​ന്ന​പ്പോ​ൾ അ​ക്ഷ​രാ​ർ​ഥ​ത്തി​ൽ ന​ഗ​രം പൂ​ര​ത്തി​ൽ മു​ങ്ങി. ആ​ന​പ്രേ​മി​ക​ൾ​ക്ക്, മേ​ളാ​സ്വാ​ദ​ക​ർ​ക്ക്, ഇ​തൊ​ന്നു​മ​ല്ലാ​തെ കാ​ഴ്ച​ക​ളി​ൽ​നി​ന്ന്​ കാ​ഴ്ച​ക​ളി​ലേ​ക്ക് അ​ല​ഞ്ഞ്​ ന​ട​ക്കു​ന്ന​വ​ർ​ക്ക്....​എ​ല്ലാ​വ​ർ​ക്കും വേ​ണ്ട വി​ഭ​വ​ങ്ങ​ൾ ന​ഗ​രം ന​ൽ​കി.

എ​ണ്ണം​പ​റ​ഞ്ഞ വാ​ദ്യ-​മേ​ള​ങ്ങ​ൾ, തെ​ച്ചി​ക്കോ​ട്ടു​കാ​വ്​ രാ​മ​ച​ന്ദ്ര​നും എ​റ​ണാ​കു​ളം ശി​വ​കു​മാ​റും ഗു​രു​വാ​യൂ​ർ ന​ന്ദ​നും അ​ട​ക്ക​മു​ള്ള കൊ​മ്പ​ന്മാ​രു​ടെ ത​ല​യെ​ടു​പ്പി​ന്‍റെ ച​ന്ത​മെ​ല്ലാം ആ​സ്വ​ദി​ച്ച്​ പ​ല​നാ​ടു​ക​ളി​ൽ​നി​ന്ന്​ എ​ത്തി​യ​വ​ർ ന​ഗ​രം കീ​ഴ​ട​ക്കി. പൂ​രം നാ​ളി​ലെ ആ​സ്വാ​ദ്യ ഇ​ന​മാ​യ കു​ട​മാ​റ്റം ഇ​ത്ത​വ​ണ ത്രി​ല്ല​ടി​പ്പി​ച്ചു. സ​ന്ധ്യ​യോ​ടെ തു​ട​ങ്ങാ​റു​ള്ള കു​ട​മാ​റ്റം ​തെ​ക്കോ​ട്ടി​റ​ക്കം ക​ഴി​ഞ്ഞ​തി​ന്​ പി​ന്നാ​ലെ, അ​ൽ​പ്പം നേ​ര​ത്തെ തു​ട​ങ്ങി​യെ​ങ്കി​ലും ‘കു​ട​ക​ളു​ടെ ര​ഹ​സ്യം’ പു​റ​ത്തെ​ടു​ത്തു​ക​ഴി​യാ​ത്ത​തി​നാ​ൽ നീ​ണ്ടു​പോ​യി. തി​രു​വ​മ്പാ​ടി​യും പാ​റ​മേ​ക്കാ​വും കു​ട​ക​ൾ മാ​റി മാ​റി മ​ത്സ​രി​ച്ച​​പ്പോ​ൾ നേ​രം ഇ​രു​ട്ടി​യ​ത​റി​യാ​തെ പ​തി​നാ​യി​ര​ങ്ങ​ൾ തെ​ക്കേ​ഗോ​പു​ര​ച്ചെ​രി​വി​ൽ ആ​ർ​ത്ത​ട്ട​ഹ​സി​ച്ച്​ നി​ന്നു. കു​ട​മാ​റ്റം ക​ഴി​ഞ്ഞ്​ പാ​റ​മേ​ക്കാ​വും തി​രു​വ​മ്പാ​ടി​യും പി​രി​ഞ്ഞ​തോ​ടെ രാ​ത്രി പൂ​ര​ങ്ങ​ളു​ടെ വ​ര​വാ​യി.

പൂ​രം ഇ​ന്നാ​ണ്​ ക​ലാ​ശി​ക്കു​ന്ന​ത്. പു​ല​ർ​ച്ചെ വെ​ടി​ക്കെ​ട്ടി​ന്​ ശേ​ഷം വി​ശ​ദ​മാ​യ വാ​ദ്യ-​മേ​ള​ങ്ങ​ൾ ക​ഴി​ഞ്ഞ്​ ഭ​ഗ​വ​തി​മാ​ർ വ​ട​ക്കും​നാ​ഥ​ന്‍റെ ശ്രീ​മൂ​ല​സ്ഥാ​ന​ത്ത്​ ഉ​പ​ചാ​രം ചൊ​ല്ലി ചെ​റി​യ കു​ട​മാ​റ്റ​വും ക​രി​മ​രു​ന്ന്​ പ്ര​യോ​ഗ​വും ന​ട​ത്തി മ​ഠ​ത്തി​ൽ രാ​ത്രി കൂ​ടി​യാ​റാ​ട്ട്​ ന​ട​ത്തി തി​രി​ച്ച്​ സ്വ​ക്ഷേ​ത്ര​ങ്ങ​ളി​ലെ​ത്തി ഉ​ത്രം വി​ള​ക്കാ​ഘോ​ഷി​ക്കു​ന്ന​തോ​ടെ ഒ​രു തൃ​ശൂ​ർ പൂ​രം കൂ​ടി ഓ​ർ​മ​ക​ളു​ടെ സൂ​ക്ഷി​പ്പി​ലേ​ക്ക്​ ചേ​രും.