ആ​ൾ​ക്ക​ട​ലാ​യി തൃശൂർ

തൃ​ശൂ​ർ: ആ​ർ​ത്ത​ല​ച്ചെ​ത്തി​യ പു​രു​ഷാ​ര നി​റ​വി​ൽ പൂ​ര​ത്തി​ന് ഏ​ഴ​ഴ​ക്. 36 മ​ണി​ക്കൂ​ർ നി​ളു​ന്ന താ​ള മേ​ള പെ​രു​ക്ക​ത്തി​ൽ മു​ങ്ങി​യ പൂ​ര​ത്തി​ന് ഇ​ക്കു​റി എ​ത്തി​യ​ത് വ​ൻ ജ​നാ​വ​ലി. മ​ഴ​യു​ടെ അ​ക​മ്പ​ടി ഉ​ണ്ടാ​യി​ട്ടും പൂ​ര​ത്ത​ലേ​ത്ത് വീ​ർ​പ്പു​മു​ട്ടി​യ ന​ഗ​രം പി​ന്നെ​യും ആ​ൾ​ക്ക​ട​ലാ​യി. പൂ​ര​പ്പ​ന്ത​ലു​ക​ളും ച​മ​യ പ്ര​ദ​​ർ​ശ​ന​വു​മൊ​ക്കെ കാ​ണാ​ൻ ജ​നം ഒ​ഴു​കി​യെ​ത്തി.

പു​ല​ർ​ച്ചെ ഘ​ട​ക​പൂ​ര​ങ്ങ​ൾ​ക്കൊ​പ്പം പ്ര​ദ​ക്ഷി​ണ​വ​ഴി​ക​ളി​ലൂ​ടെ ആ​ര​വ​ങ്ങ​ളു​മാ​യി തേ​ക്കി​ൻ​കാ​ടി​ലേ​ക്ക് ഒ​ഴു​കി​യ പു​രു​ഷാ​രം പി​ന്നെ ഓ​രോ നി​മി​ഷ​ങ്ങ​ളി​ലും മെ​ക്സി​ക്ക​ൻ തി​ര​മാ​ല​ക​ളാ​യി അ​ല​യ​ടി​ക്കു​ക​യാ​യി​രു​ന്നു. ഞാ​യ​റി​ന് പി​ന്നാ​ലെ മേ​യ് അ​വ​ധി കൂ​ടി പൂ​ര​ത്തി​നാ​യി നീ​ക്കി​വെ​ച്ച് തെ​ക്കും വ​ട​ക്കും സാം​സ്കാ​രി​ക ന​ഗ​രി​യി​ലേ​ക്ക് ഒ​ഴു​കു​ക​യാ​യി​രു​ന്നു. അ​തു​കൊ​ണ്ട് ത​ന്നെ കു​ടും​ബ​ങ്ങ​ൾ ഏ​റെ എ​ത്തി​യ പൂ​രം കൂ​ടി​യാ​ണി​ത്​. കു​ട്ടി​ക​ളും സ്ത്രീ​ക​ളും മു​തി​ർ​ന്ന​വ​രും വൃ​ദ്ധ​രു​മൊ​ക്കെ​യാ​യി കു​ടും​ബ​വു​മാ​യി പൂ​രം കാ​ണാ​നെ​ത്തി​യ​വ​രാ​ൽ ത​ട്ട​കം നി​റ​ഞ്ഞു. ഭി​ന്ന​ശേ​ഷി​ക്കാ​ർ​ക്ക് പ്ര​ത്യേ​ക സൗ​ക​ര്യം കൂ​ടി ഒ​രു​ക്കി​യ​തി​നാ​ൽ ഭി​ന്ന​ശേ​ഷി സൗ​ഹൃ​ദ​വു​മാ​യി ഇ​ക്കു​റി പൂ​രം. രാ​വി​ലെ മു​ത​ൽ കു​ട്ടി​ക​ളു​ടെ ക​ല​പി​ല​യാ​യി​രു​ന്നു എ​ങ്ങും.

ഘ​ട​ക​പൂ​ര​ങ്ങ​ൾ​ക്ക്​ പി​ന്നാ​ലെ മ​ഠ​ത്തി​ൽ വ​ര​വും തു​ട​ർ​ന്ന്​ ശ്രീ​മൂ​ല സ്ഥാ​ന​ത്തെ മേ​ള​വും പു​ള​കം​കൊ​ള്ളി​ച്ച ഇ​ല​ഞ്ഞി​ത്ത​റ​മേ​ള​വും പി​ന്നാ​ലെ കു​ട​മാ​റ്റ​വും ആ​സ്വ​ദി​ച്ച്​ പൂ​രാ​വേ​ശ​ത്തി​ൽ കു​ടും​ബ​ങ്ങ​ൾ അ​ലി​ഞ്ഞു. അ​തി​നി​ടെ പൂ​രം പ്ര​ദ​ർ​ശ​നം കാ​ണാ​നും സ​മ​യം ക​ണ്ടെ​ത്തി.

കു​ടും​ബ​ത്തി​ലെ മു​തി​ർ​ന്ന​വ​ർ മേ​ള​പ്പെ​രു​ക്ക​വും വാ​ദ്യ​ഘോ​ഷ​വു​മൊ​ക്കെ ആ​സ്വ​ദി​ച്ച്​ പു​തി​യ ത​ല​മു​റ​ക്ക്​ അ​വ മ​ന​സി​ലാ​ക്കി കൊ​ടു​ക്കു​ന്ന​തും കാ​ണാ​മാ​യി​രു​ന്നു. ഒ​ടു​ക്കം വ​ണ്ണി​ൽ വ​ർ​ണ​വി​സ്മ​യം പെ​യ്യു​ന്ന വെ​ടി​ക്കെ​ട്ടും ആ​സ്വ​ദി​ച്ച്​ പ​ക​ൽ​പൂ​ര​വും ക​ണ്ട്​ പൂ​ര​ക്ക​ഞ്ഞി​യും കു​ടി​ച്ച്​ മ​ട​ങ്ങു​ന്ന ത​ര​ത്തി​ലാ​ണ്​ മി​ക്ക​വ​രു​ടെ​യും യാ​ത്ര പ​ദ്ധ​തി. സ്ത്രീ ​സൗ​ഹൃ​ദ പൂ​ര​മെ​ന്ന ഖ്യാ​തി പ​ര​ത്തി​യ​തി​നാ​ൽ വ​ൻ​തോ​തി​ലാ​ണ്​ സ്ത്രീ ​കൂ​ട്ടാ​യ്മ​ക​ൾ പൂ​രം നു​ക​രാ​ൻ എ​ത്തി​യ​ത്.