മാ​ള ക​ട​വി​ന് ശാ​പ​മോ​ക്ഷ​മാ​യി​ല്ല

മാ​ള: ച​രി​ത്ര​മു​റ​ങ്ങു​ന്ന മാ​ള ക​ട​വി​ന് ശാ​പ​മോ​ക്ഷ​മാ​യി​ല്ല. പു​രാ​ത​ന കാ​ല​ത്ത് ദ്വീ​പാ​യി​രു​ന്ന മാ​ള​യി​ലേ​ക്ക് വി​വി​ധ വി​ഭാ​ഗ​ക്കാ​രും സം​സ്കാ​ര​ങ്ങ​ളും ക​ട​ന്നു​വ​ന്ന വ​ഴി​യാ​ണ് ഈ ​ക​ട​വ്. ക​ട​വി​ന്റെ പു​ന​രു​ദ്ധാ​ര​ണം, ബോ​ട്ടു​ജെ​ട്ടി നി​ർ​മാ​ണം, ജ​ല​പാ​ത​യു​ടെ പു​ന​രു​ജ്ജീ​വ​നം, ക​ട​വി​ന് സ​മീ​പ​മു​ള്ള യ​ഹൂ​ദ സി​ന​ഗോ​ഗ് ന​വീ​ക​ര​ണം എ​ന്നി​വ മു​സ് രി​സ് പ്രോ​ജ​ക്ടു​ക​ളു​ടെ ഭാ​ഗ​മാ​യി ന​ട​പ്പാ​വു​മെ​ന്ന സ്വ​പ്നം പ​ഴ​ങ്ക​ഥ​യാ​വു​ക​യാ​ണ്.

നെ​യ്ത​കു​ടി, പു​ത്ത​ൻ​ചി​റ, പൊ​യ്യ, കൃ​ഷ്ണ​ൻ​കോ​ട്ട, കോ​ട്ട​പ്പു​റം എ​ന്നീ പ്ര​ദേ​ശ​ങ്ങ​ളി​ലൂ​ടെ ഒ​ഴു​കി മാ​ള​യി​ലെ​ത്തി അ​വ​സാ​നി​ക്കു​ന്ന​താ​ണ് മാ​ള ചാ​ലി​ന്റെ ഘ​ട​ന. 2020ൽ ​കോ​ട്ട​പ്പു​റം കാ​യ​ലി​ൽ​നി​ന്ന് മാ​ള ചാ​ലി​ലേ​ക്ക് ബോ​ട്ട് ട്ര​യ​ൽ ന​ട​ത്തി​യി​രു​ന്നു.

ക​ട​വി​ൽ​നി​ന്ന് വി​നോ​ദ സ​ഞ്ചാ​രി​ക​ൾ​ക്ക് ബോ​ട്ട് സ​ർ​വി​സ് ന​ട​ത്തു​ന്ന​തി​ന് ഇ​തോ​ടെ വ​ഴി​യൊ​രു​ങ്ങി​യ​താ​യി അ​ധി​കൃ​ത​രു​ടെ പ്ര​ഖ്യാ​പ​നം വ​ന്നി​രു​ന്നു. യ​ഹൂ​ദ പൈ​തൃ​ക പ്ര​ദേ​ശ​ങ്ങ​ൾ സ​ന്ദ​ർ​ശി​ക്കാ​ൻ നി​ര​വ​ധി വി​ദേ​ശി​ക​ൾ ഇ​വി​ടെ എ​ത്തു​ന്നു​ണ്ട്. ജ​ല​പാ​ത വ​ഴി ഇ​വ​ർ​ക്ക് പ​റ​വൂ​ർ ജൂ​ത​സി​ന​ഗോ​ഗ് സ​ന്ദ​ർ​ശ​ന​വും സാ​ധ്യ​മാ​വും.

മാ​ള കി​ഴ​ക്കേ അ​ങ്ങാ​ടി​യി​ലെ ഗൗ​ഡ​സാ​ര​സ്വ ബ്രാ​ഹ്മ​ണ​സ​മൂ​ഹ​ത്തി​ന്റെ ക്ഷേ​ത്രം, തോ​മാ​ശ്ലീ​ഹ​യു​ടെ പാ​ദ​സ്പ​ർ​ശ​ന​മേ​റ്റ അ​മ്പ​ഴ​ക്കാ​ട് ച​ർ​ച്ച്, മാ​ള ഫൊ​റോ​ന ച​ർ​ച്ച്, ഇ​ന്ത്യ​യി​ലെ ര​ണ്ടാ​മ​ത്തെ ജു​മാ​മ​സ്ജി​ദാ​യി അ​റി​യ​പ്പെ​ടു​ന്ന മാ​ള ജു​മാ​മ​സ്ജി​ദ്, പ്ര​സി​ദ്ധി​യാ​ർ​ജി​ച്ച വ​ട​മ മേ​യ്ക്കാ​ട് മ​ന എ​ന്നി​ങ്ങ​നെ നി​ര​വ​ധി ആ​രാ​ധ​നാ​ല​യ​ങ്ങ​ളു​ടെ നി​ർ​മാ​ണ​ത്തി​ന് മാ​ള ക​ട​വു​മാ​യി ബ​ന്ധ​മു​ണ്ട്.

കനോ​ലി ക​നാ​ൽ വ​ഴി ചേ​റ്റു​വ പൊ​ന്നാ​നി, കാ​യം​കു​ളം എ​ന്നി​വി​ട​ങ്ങ​ളി​ലേ​ക്ക് ബോ​ട്ട് സ​ർ​വി​സ് നി​ല​വി​ലു​ണ്ടാ​യി​രു​ന്ന​താ​യി പ​ഴ​മ​ക്കാ​ർ പ​റ​യു​ന്നു. നേ​ര​ത്തേ ചാ​ല​ക്കു​ടി, വെ​ള്ളി​ക്കു​ള​ങ്ങ​ര, കോ​ടാ​ലി, കൊ​ര​ട്ടി തു​ട​ങ്ങി​യ നി​ര​വ​ധി പ്ര​ദേ​ശ​ങ്ങ​ളി​ൽ​നി​ന്നു​ള്ള കാ​ർ​ഷി​ക ഉ​ൽ​പ​ന്ന​ങ്ങ​ൾ മാ​ള ക​ട​വ് വ​ഴി​യാ​ണ് ച​ര​ക്കു​നീ​ക്കം ന​ട​ത്തി​യി​രു​ന്ന​ത്.