മ​ഹാ​ത്മാ ഗാ​ന്ധി റോ​ഡ് സ​ഞ്ചാ​ര യോ​ഗ്യ​മാ​ക്കി​യി​ല്ല; വി​ക​സ​ന​സ​മി​തി യോ​ഗ​ത്തി​ൽ ഇ​റ​ങ്ങി​പ്പോ​ക്ക്

ഏ​ങ്ങ​ണ്ടി​യൂ​ർ: മ​ഹാ​ത്മാ ഗാ​ന്ധി റോ​ഡ് പ​ഞ്ചാ​യ​ത്ത് ഏ​റ്റെ​ടു​ത്ത് വ​ർ​ഷ​ങ്ങ​ൾ പി​ന്നി​ട്ടി​ട്ടും സ​ഞ്ചാ​ര​യോ​ഗ്യ​മാ​ക്കാ​ത്ത​തി​ൽ പ്ര​തി​ഷേ​ധി​ച്ച് ഗ്രാ​മ​പ​ഞ്ചാ​യ​ത്തി​ന്റെ 2023-24 സാ​മ്പ​ത്തി​ക വ​ർ​ഷ​ത്തെ വി​ക​സ​ന സെ​മി​നാ​റിൽ വി​വി​ധ രാ​ഷ്ട്രീ​യ പാ​ർ​ട്ടി​ക​ൾ കൂ​ട്ട​ത്തോ​ടെ ഇ​റ​ങ്ങി​പ്പോ​ക്ക് ന​ട​ത്തി.

ചേ​റ്റു​വ പ​ടി​ഞ്ഞാ​റ് ഭാ​ഗം ഒ​ന്നാം വാ​ർ​ഡി​ൽ ജ​നം തി​ങ്ങി​ത്താ​മ​സി​ക്കു​ന്ന ഇ​സ്മാ​യി​ൽ ഹാ​ജി, ചെ​മ്പ​ൻ​ത​റ, മ​ന്ന​ത്ത്, തൂ​മ്പ​ൻ ത​റ മേ​ഖ​ല​ക​ളെ കൂ​ട്ടി​യോ​ജി​പ്പി​ച്ച മ​ഹാ​ത്മാ ഗാ​ന്ധി റോ​ഡ് പ​ഞ്ചാ​യ​ത്ത് ഏ​റ്റെ​ടു​ത്തി​ട്ട് വ​ർ​ഷ​ങ്ങ​ൾ ക​ഴി​ഞ്ഞെ​ങ്കി​ലും ഒ​രു​വ​ക ഫ​ണ്ടും പാ​സാ​ക്കി​യി​ട്ടി​ല്ല.

12 വ​ർ​ഷ​ത്തോ​ള​മാ​യി റോ​ഡി​ന് പ​രി​സ​ര​വാ​സി​ക​ൾ സ്ഥ​ലം വി​ട്ടു​കൊ​ടു​ത്തി​ട്ട്. ഈ ​വ​ർ​ഷ​ത്തെ വി​ക​സ​ന ക​ര​ട് രേ​ഖ​യി​ലും ഈ ​റോ​ഡി​നെ ത​ഴ​ഞ്ഞ​തി​ൽ പ്ര​തി​ഷേ​ധി​ച്ചാ​ണ് ആ​ർ.​എം.​പി നേ​താ​വ് ആ​ർ.​എം. ഷം​സു ക​ര​ട് രേ​ഖ തി​രി​ച്ചേ​ൽ​പി​ച്ച് ആ​ദ്യ ഇ​റ​ങ്ങി​പ്പോ​ക്ക് ന​ട​ത്തി​യ​ത്.

തു​ട​ർ​ന്ന് ജ​ന​താ​ദ​ൾ സെ​ക്കു​ല​ർ ലെ​ഫ്റ്റ് നേ​താ​വ് വ​ലി​യ​ക​ത്ത് സെ​യ്തു, മു​സ്‍ലിം ലീ​ഗ് പ​ഞ്ചാ​യ​ത്ത് പ്ര​സി​ഡ​ന്റ് ആ​ർ.​എം. സി​ദി​യ്, കോ​ൺ​ഗ്ര​സ് നേ​താ​വ് പി.​എം. അ​ബ്ദു​റ​ഹ്മാ​ൻ എ​ന്നി​വ​രും യോ​ഗം ബ​ഹി​ഷ്ക​രി​ച്ച് ഇ​റ​ങ്ങി​പ്പോ​വു​ക​യാ​യി​രു​ന്നു. റോ​ഡ് ന​ന്നാ​ക്കാ​ത്ത​തി​ൽ ഇ​തു​വ​ഴി​യു​ള്ള യാ​ത്ര ദു​രി​ത​മാ​ണ്.

ഒ​രു​മാ​സം മു​മ്പ് പ​ണി​യെ​ടു​ക്കാ​ൻ പോ​യ തൊ​ഴി​ലു​റ​പ്പ് തൊ​ഴി​ലാ​ളി​യാ​യ വീ​ട്ട​മ്മ വീ​ണ് പ​രി​ക്കേ​റ്റ​തോ​ടെ താ​ങ്ങി വീ​ൽ​ചെ​യ​റി​ൽ ഇ​രു​ത്തി അ​ര കി​ലോ​മീ​റ്റ​റോ​ളം സ​ഞ്ച​രി​ച്ച് ആം​ബു​ല​ൻ​സി​ൽ ക​യ​റ്റി​ ആ​ശു​പ​ത്രി​യി​ലെ​ത്തി​ച്ച​ത് ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു. യാ​ത്ര​ദു​രി​തം ചൂ​ണ്ടി​ക്കാ​ട്ടി​യാ​ണ് യോ​ഗം ബ​ഹി​ഷ്ക​രി​ച്ച​ത്.