ബൈക്കിലിരുന്ന്​ കുട നിവർത്തിയ വീട്ടമ്മ തെറിച്ച് വീണ് മരിച്ചു

കുന്നംകുളം: മകനോടൊപ്പം ബൈക്കിൽ സഞ്ചരിച്ച വീട്ടമ്മ റോഡിൽ തെറിച്ച് വീണ് മരിച്ചു. ചൊവ്വന്നൂർ കുട്ടൻകുളങ്ങര ദാസന്‍റെ ഭാര്യ ഷീജയാണ്​ (47) മരിച്ചത്. മഴ പെയ്തതോടെ പിറകിലിരുന്ന് കുട നിവർത്തിയ വീട്ടമ്മ തലയിടിച്ച് വീഴുകയായിരുന്നു.

ചൊവ്വാഴ്​ച രാവിലെ ചൊവ്വന്നൂർ മില്ലിന് മുന്നിലായിരുന്നു അപകടം. ഉടൻ കുന്നംകുളം റോയൽ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല.

മൃതദേഹം തൃശൂർ മെഡിക്കൽ കോളജ് ആശുപത്രി മോർച്ചറിയിൽ. മക്കൾ: നിഖിൽ, നീതു.