കുന്നംകുളം ആനായ്ക്കലിൽനിന്ന് മയക്കുമരുന്നുമായി
പിടിയിലായ പ്രതികൾ
കുന്നംകുളം: എം.ഡി.എം.എയും കഞ്ചാവുമായി നാലംഗ സംഘത്തെ നാട്ടുകാര് പിടികൂടി പൊലീസിലേൽപിച്ചു. ആനായ്ക്കല് പൊന്നരാശരി വീട്ടില് സജീഷ് (28), ഇരിങ്ങപ്പുറം ചിറവിള പുത്തന്വീട്ടില് ഹരികൃഷ്ണന് (26), ചൊവ്വല്ലൂര്പ്പടി ചൂണ്ടപുരക്കല് വീട്ടില് ശരത്ത് (30), അരിയന്നൂര് കക്കാട്ട് പറമ്പില് വീട്ടില് അഭിജിത്ത് (28) എന്നിവരെയാണ് പിടികൂടിയത്.
വെള്ളിയാഴ്ച പുലർച്ച രണ്ടോടെയാണ് നാട്ടുകാര് പ്രതികളെ പിടികൂടി പൊലീസിന് കൈമാറിയത്. ഇവരിൽനിന്ന് എട്ട് ഗ്രാം എം.ഡി.എം.എയും 18 ഗ്രാം കഞ്ചാവും പിടിച്ചെടുത്തു. ആനായ്ക്കലിൽ സ്വകാര്യ വ്യക്തിയുടെ കെട്ടിടത്തിൽ മയക്കുമരുന്ന് വിതരണം നടക്കുന്നുവെന്ന വിവരത്തെ തുടർന്നാണ് നാട്ടുകാർ സംഘം ചേർന്ന് എത്തിയത്. പ്രതികളെ കുന്നംകുളം സി.ഐ യു.കെ. ഷാജഹാൻ അറസ്റ്റ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.