മാള: മാള പൊലീസ് സ്റ്റേഷന് മുന്നിൽ യുവതീ-യുവാക്കളുടെ വീട്ടുകാർ തമ്മിൽ കൈയാങ്കളി. യുവതിക്കൊപ്പം കാമുകെൻറ വീട്ടുകാർ മാള സ്റ്റേഷനിലെത്തിയപ്പോഴാണ് സംഭവം. ഇരുകൂട്ടർക്കുമെതിരെ പൊലീസ് കേസെടുത്തതായി ഇൻസ്പെക്ടർ വി. സജിൻ ശശി പറഞ്ഞു. പെൺകുട്ടിയെ കഴിഞ്ഞ നാലിന് കാണാതായെന്ന് കാണിച്ച് വീട്ടുകാർ മാള പൊലീസിൽ പരാതി നൽകിയിരുന്നു. തുടർന്ന് പൊലീസ് യുവാവിനെ വിളിച്ച് സ്റ്റേഷനിൽ ഹാജരാകാൻ ആവശ്യപ്പെട്ടു. ഇതനുസരിച്ച് പെൺകുട്ടിയെയും കൊണ്ട് വീട്ടുകാർ എത്തി. തുടർന്നാണ് വീട്ടുകാർ തമ്മിൽ വാഗ്വാദവും തുടർന്ന് കൈയാങ്കളിയിലും എത്തിയത്. പൊലീസ് ഇരുകൂട്ടരെയും പിടിച്ചുമാറ്റാൻ ശ്രമിച്ചു. ഇവരിൽ ഒരാൾ കൈയിൽ കരുതിരിയുന്ന കമ്പിവടി ഉപയോഗിച്ചു മർദിച്ചതായും പറയുന്നു. കൂടുതൽ പൊലീസ് എത്തി സംഘർഷം ഉണ്ടാക്കിയവരെ പിടിച്ചുമാറ്റി. ഇരുകൂട്ടരും ബന്ധുക്കളാണ്. സംഭവത്തിൽ കമ്പിവടി ഉപയോഗിച്ച് മർദിച്ചതിനു ഉൾപ്പെടെ പൊലീസ് കേസെടുത്തിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.