റോഡ് ടാറിങ് കഴിഞ്ഞിട്ട് രണ്ടാഴ്ച: പതിവ് തെറ്റിക്കാതെ പൊളിക്കാൻ വാ​ട്ട​ർ അ​തോ​റി​റ്റി

ചാ​ല​ക്കു​ടി: ര​ണ്ടാ​ഴ്ച മു​മ്പ് പു​ന​ർ​നി​ർ​മി​ച്ച റോ​ഡ് കു​ത്തി​പ്പൊ​ളി​ക്കാ​നെ​ത്തി​യ വാ​ട്ട​ർ അ​തോ​റി​റ്റി ഉ​ദ്യോ​ഗ​സ്ഥ​രും നാ​ട്ടു​കാ​രും ത​മ്മി​ൽ ത​ർ​ക്കം. ഇ​തേ​തു​ട​ർ​ന്ന് വാ​ട്ട​ർ അ​തോ​റി​റ്റി ഉ​ദ്യോ​ഗ​സ്ഥ​ർ തി​രി​ച്ചു​പോ​യി. മേ​ലൂ​ർ - കോ​ട്ട​മു​റി റോ​ഡി​ൽ ആ​ശു​പ​ത്രി​ക്ക് സ​മീ​പ​മാ​ണ് റോ​ഡ് കു​ത്തി​പ്പൊ​ളി​ക്കാ​ൻ മ​ണ്ണു​മാ​ന്തി യ​ന്ത്ര​വും മ​റ്റ് യ​ന്ത്ര​സാ​മ​ഗ്രി​ക​ളു​മാ​യി വാ​ട്ട​ർ അ​തോ​റി​റ്റി​ക്കാ​ർ വ​ന്ന​ത്.

പൈ​പ്പ് പൊ​ട്ടി വെ​ള്ളം പാ​ഴാ​കു​ന്ന​ത് സം​ബ​ന്ധി​ച്ച് റോ​ഡ് സം​ര​ക്ഷ​ണ സ​മി​തി പ്ര​വ​ർ​ത്ത​ക​ർ വാ​ട്ട​ർ അ​തോ​റി​റ്റി​ക്ക് പ​രാ​തി ന​ൽ​കി​യി​രു​ന്നു. റോ​ഡ് കു​ത്തി​പ്പൊ​ളി​ക്കാ​ൻ ഒ​രു​ങ്ങു​മ്പോ​ഴാ​ണ് നാ​ട്ടു​കാ​ർ എ​ത്തി​യ​ത്. കു​ത്തി​പ്പൊ​ളി​ച്ചാ​ൽ പ​ക​രം റോ​ഡ് ഇ​പ്പോ​ഴ​ത്തെ ഗു​ണ​മേ​ന്മ​യോ​ടെ അ​റ്റ​കു​റ്റ​പ്പ​ണി ചെ​യ്ത് ത​രാ​നു​ള്ള ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ഉ​ദ്യോ​ഗ​സ്ഥ​രോ​ടും ക​രാ​റു​കാ​ര​നോ​ടും ആ​വ​ശ്യ​പ്പെ​ട്ടു.

എ​ന്നാ​ൽ അ​തൊ​ന്നും ത​ങ്ങ​ൾ​ക്ക് ക​ഴി​യി​ല്ലെ​ന്ന് പ​റ​ഞ്ഞ​തോ​ടെ​യാ​ണ് ത​ർ​ക്കം ഉ​ട​ലെ​ടു​ത്ത​ത്. കു​ത്തി​പ്പൊ​ളി​ച്ച റോ​ഡ് ശ​രി​യാ​ക്കാ​ൻ പി.​ഡ​ബ്ല്യൂ.​ഡി​യു​ടെ ഭാ​ഗ​ത്തു​നി​ന്നും ക​രാ​റു​കാ​ര​ന്‍റെ ഭാ​ഗ​ത്തു​നി​ന്നും ആ​രും വ​രി​ല്ലെ​ന്ന് വാ​ട്ട​ർ അ​തോ​റി​റ്റി എ​ൻ​ജി​നീ​യ​ർ വ്യ​ക്ത​മാ​ക്കി. അ​ങ്ങ​നെ ചെ​യ്യാ​തെ പു​തി​യ റോ​ഡ് കു​ത്തി​പ്പൊ​ളി​ക്കു​ന്ന​ത് ശ​രി​യ​ല്ലെ​ന്നാ​യി നാ​ട്ടു​കാ​ർ. തു​ട​ർ​ന്ന് വാ​ട്ട​ർ അ​തോ​റി​റ്റി അ​ധി​കൃ​ത​ർ പി​ൻ​വാ​ങ്ങി. ഇ​ക്കാ​ര്യ​ത്തി​ൽ പി.​ഡ​ബ്ല്യു.​ഡി ഇ​ട​പെ​ട​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.