ലോറിക്കടിയിൽപ്പെട്ട് മധ്യവയസ്കന് ദാരുണാന്ത്യം

പെരുമ്പിലാവ്: ടോറസ് ലോറിക്കടിയിൽപ്പെട്ട് ബൈക്ക് യാത്രികനായ മധ്യവയസ്കന് ദാരുണാന്ത്യം. മറ്റം സ്വദേശി മുളയ്ക്കൽ കുര്യൻ (50) ആണ് മരിച്ചത്. പെരുമ്പിലാവ് - നിലമ്പൂർ സംസ്ഥാന പാതയിലെ

പെരുമ്പിലാവ് മദ്രസക്ക് സമീപത്ത് വെച്ച് ചൊവ്വാഴ്ച വൈകീട്ട് ആറരയോടെയായിരുന്നു അപകടം.

മുന്നിൽ പോയിരുന്ന മിനിലോറിയിൽ തട്ടി നിയന്ത്രണംവിട്ട് തെറിച്ചുവീണ ഇയാളുടെ ദേഹത്ത് ടോറസ് ലോറി കയറിയിറങ്ങുകയായിരുന്നു. ഹെൽമറ്റ് ധരിക്കാതിരുന്നത് അപകടത്തിന് ആക്കം കൂട്ടി. പൊലീസ് എത്തി മൃതദേഹം കുന്നംകുളം താലൂക്ക് ആശുപത്രി മോർച്ചറിയിലേക്ക് മാറ്റി.

ഒറ്റപ്പിലാവ് കെനോൺ ഗ്രാനൈറ്റ്സിലെ ഡ്രൈവറായിരുന്നു കുര്യൻ. ജോലി കഴിഞ്ഞ് വീട്ടിലേക്ക് പോകുമ്പോഴായിരുന്നു അപകടം. ഭാര്യ: ലീന. മക്കൾ: ആൻമരിയ, അനു.