പത്തനംതിട്ട: തക്കാളിപ്പനി ജില്ലയിലെ കൂടുതൽ പ്രദേശങ്ങളിലേക്ക് വ്യാപിക്കുന്നു. തിങ്കളാഴ്ച വെച്ചൂച്ചിറയിൽ രോഗബാധ റിപ്പോർട്ട് ചെയ്തു. എന്നാൽ, ഇതുസംബന്ധിച്ച ഒരുവിവരവും ആരോഗ്യവകുപ്പ് പുറത്തുവിടുന്നില്ല. സാധാരണ രോഗബാധ റിപ്പോർട്ട് ചെയ്യുമ്പോൾ ജാഗ്രത പാലിക്കാൻ ആരോഗ്യവകുപ്പ് മുന്നറിയിപ്പ് നൽകുന്നതാണ്. സംസ്ഥാനത്ത് കൊല്ലത്തുനിന്നാണ് കൂടുതൽ കേസുകൾ ഇതിനകം റിപ്പോർട്ട് ചെയ്തിട്ടുള്ളത്. ഇതിന് പിന്നാലെയാണ് പത്തനംതിട്ട, ആലപ്പുഴ ജില്ലകളിലും രോഗബാധ സ്ഥിരീകരിച്ചത്.
വൈറസ് രോഗമായ തക്കാളിപ്പനി അഞ്ചു വയസ്സിൽ താഴെയുള്ള കുട്ടികളെയാണ് ബാധിക്കുന്നത്. കൈവെള്ളയിലും കാൽവെള്ളയിലും പൃഷ്ഠഭാഗത്തും വായ്ക്കുള്ളിലും ചുവന്ന കുരുക്കളും തടിപ്പുകളുമാണ് പ്രധാന ലക്ഷണം. കടുത്തപനിയും അസഹ്യമായ വേദനയും ഉണ്ടാകും. അഞ്ചുദിവസത്തിനുശേഷം രോഗത്തിന് ശമനമുണ്ടാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.