ര​ണ്ട് ദി​വ​സ​മാ​യി മകൻ വി​ളി​ച്ചി​ട്ടും ഫോ​ൺ എ​ടു​​ത്തില്ല, പൊ​ലീ​സ് കതകു പൊളിച്ചപ്പോൾ കണ്ടത് ദാ​രു​ണ​മാ​യ കാ​ഴ്ച

റാ​ന്നി: പ്ര​വാ​സി​ക​ളാ​യ വ​യോ​ദ​മ്പ​തി​ക​ളു​ടെ ദു​രൂ​ഹ​മ​ര​ണ​ത്തി​ൽ മു​ക്കാ​ലു​മ​ൺ ഗ്രാ​മം ഞെ​ട്ടി. പ​ഴ​വ​ങ്ങാ​ടി മു​ക്കാ​ലു​മ​ൺ ച​ക്ക​ത​റ​യി​ൽ വീ​ട്ടി​ൽ സ്ക​റി​യ മാ​ത്യു (ബാ​ബു -75), ഭാ​ര്യ അ​ന്ന​മ്മ (70) എ​ന്നി​വ​രെ വ്യാ​ഴാ​ഴ്ച ഒ​രു മ​ണി​യോ​ടെ​യാ​ണ് മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ആ​ത്മ​ഹ​ത്യ​യാ​ണെ​ന്നാ​ണ്​ പൊ​ലീ​സി​ന്‍റെ പ്രാ​ഥ​മി​ക നി​ഗ​മ​ന​മെ​ങ്കി​ലും മ​ര​ണ​ത്തി​ൽ ദു​രൂ​ഹ​ത നി​ല​നി​ൽ​ക്കു​ന്നു. കു​ടും​ബ​ത്തി​ന് സാ​മ്പ​ത്തി​ക പ്ര​യാ​സ​മി​ല്ല. ഇ​ട്ടി​യ​പ്പാ​റ ടൗ​ണി​ൽ നി​ര​വ​ധി ക​ട​ക​ൾ വാ​ട​ക​ക്ക്​ കൊ​ടു​ത്തി​ട്ടു​ണ്ട്. ഏ​ക​മ​ക​ൻ ദീ​പു സ്​​ക​റി​യ​ക്ക്​ എ​റ​ണാ​കു​ള​ത്താ​ണ്​ ജോ​ലി. അ​ന്ന​മ്മ ദീ​ർ​ഘ​കാ​ലം അ​ബൂ​ദ​ബി​യി​ൽ ന​ഴ്സാ​യി​രു​ന്നു. ഭ​ർ​ത്താ​വ് സ്ക​റി​യ​യും യു.​എ.​ഇ​യി​ൽ ജോ​ലി​യാ​യി​രു​ന്നു.

മു​ക്കാ​ലു​മ​ൺ എ​സ്.​എ​ൻ.​ഡി.​പി സ്കൂ​ളി​നു സ​മീ​പ​മാ​ണ്​ താ​മ​സി​ച്ചി​രു​ന്ന​ത്. മ​ക​ൻ ജോ​ലി​ക്കു പോ​കു​മ്പോ​ൾ ഇ​രു​വ​രും ഒ​റ്റ​ക്കാ​യി​രു​ന്നു താ​മ​സം. തി​ങ്ക​ളാ​ഴ്ച​യാ​ണ് മ​ക​ൻ എ​റ​ണാ​കു​ള​ത്തേ​ക്ക്​ പോ​യ​ത്. ര​ണ്ട് ദി​വ​സ​മാ​യി വി​ളി​ച്ചി​ട്ടും ഫോ​ൺ എ​ടു​ക്കാ​ത്ത​തി​നെ തു​ട​ർ​ന്ന് അ​യ​ൽ​വാ​സി​ക​ളെ വി​വ​രം അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് പൊ​ലീ​സും വാ​ർ​ഡ് മെം​ബ​ർ അ​നീ​ഷും ചേ​ർ​ന്ന് ക​ത​ക് പൊ​ളി​ച്ച് അ​ക​ത്ത് ക​ട​ന്ന​പ്പോ​ഴാ​ണ് ദാ​രു​ണ​മാ​യ കാ​ഴ്ച ക​ണ്ട​ത്. സ്​​ക​റി​യ ക​ട്ടി​ലി​ൽ മ​രി​ച്ചു​കി​ട​ക്കു​ന്ന​താ​യും അ​ന്ന​മ്മ തി​ണ്ണ​യി​ലെ ഫാ​നി​ൽ തൂ​ങ്ങി മ​രി​ച്ച നി​ല​യി​ലു​മാ​ണ്​ കാ​ണ​പ്പെ​ട്ട​ത്. അ​ന്ന​മ്മ ചൊ​വ്വാ​ഴ്ച വൈ​കി​ട്ട് 5.19 വ​രെ ഫോ​ൺ ഉ​പ​യോ​ഗി​ച്ച​താ​യി ക​ണ്ടെ​ത്തി​യി​ട്ടു​ണ്ട്. പ​ത്ത​നം​തി​ട്ട​യി​ൽ​നി​ന്ന് ഫോ​റ​ൻ​സി​ക് വി​ദ​ഗ്ധ​രും മ​റ്റും വീ​ട്ടി​ലെ​ത്തി പ​രി​ശോ​ധ​ന ന​ട​ത്തി. റാ​ന്നി പൊ​ലീ​സ്​ മേ​ൽ​ന​ട​പ​ടി സ്വീ​ക​രി​ച്ചു.