അറസ്റ്റിലായ നിഖിലും, അഭിജിത്തും
പത്തനംതിട്ട: കൊറിയർ വഴി എത്തിച്ച എം.ഡി.എം.എ പൊലീസ് പിടികൂടി. സംഭവവുമായി ബന്ധപ്പെട്ട് രണ്ട് യുവാക്കളെ അറസ്റ്റ് ചെയ്തു. പത്തനംതിട്ട അഴൂർ മാലേത്ത് വീട്ടിൽ നിഖിൽ (28), അഴൂർ തെങ്ങുംചേരിൽ വീട്ടിൽ ജിത്ത് എന്ന ജി. അഭിജിത് (23) എന്നിവരാണ് പിടിയിലായത്.
നിഖിലിന്റെ വിലാസത്തിലാണ് രാസലഹരിമരുന്ന് എത്തിയത്. കൊറിയർ സർവിസ് സെന്ററിൽ എക്സ്റ്റൻഷൻ ബോർഡിൽ ഒളിപ്പിച്ച നിലയിലാണ് എം.ഡി.എം.എ ബാംഗളൂരുവിൽനിന്ന് എത്തിയത്.
പ്ലാസ്റ്റിക് കവർ ഉൾപ്പെടെ ആറ് ഗ്രാം തൂക്കംവരുന്ന പൊതിക്കുള്ളിൽ 4.5 ഗ്രാം എം.ഡി.എം.എയാണുള്ളത്. ജില്ല പൊലീസ് മേധാവിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ പത്തനംതിട്ട ഡിവൈ.എസ്.പിയുടെ നേതൃത്വത്തിൽ റെയ്ഡ് നടത്തുകയായിരുന്നു. നാർകോട്ടിക് സെൽ ഡിവൈ.എസ്.പി കെ.എ. വിദ്യാധരനും പരിശോധനയിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.