അരുവാപ്പുലം ഗ്രാമപഞ്ചായത്തിലെ വയോജന വിനോദയാത്ര ആലപ്പുഴ ബീച്ചിൽ
അരുവാപ്പുലം: അരുവാപ്പുലം ഗ്രാമപഞ്ചായത്തിലെ വയോജന ക്ലബുകളിലെ അംഗങ്ങള്ക്കായി വിനോദയാത്ര സംഘടിപ്പിച്ചു. ഊട്ടുപാറ, മ്ലാന്തടം എന്നീ വാര്ഡുകളിലാണ് വയോക്ലബുകള് പ്രവര്ത്തിക്കുന്നത്. വയോജനക്ഷേമത്തിനായി അരുവാപ്പുലം ഗ്രാമപഞ്ചായത്ത് പ്രത്യേകം തുക മാറ്റിവെച്ച് തയാറാക്കിയ നൂതന പ്രോജക്ട് ആയിരുന്നു വയോജനങ്ങളുടെ വിനോദ യാത്രയെന്ന് പ്രസിഡന്റ് രേഷ്മ മറിയം റോയി പറഞ്ഞു. ഗ്രാമപഞ്ചായത്തില് നിന്നും ആരംഭിച്ച് ആലപ്പുഴയില് ടൂറിസം വകുപ്പിന്റെ ബോട്ടിങിനു ശേഷം ആലപ്പുഴ ബീച്ചില് സായാഹ്നത്തില് ഒത്തുചേര്ന്നു. പ്രസിഡന്റ് രേഷ്മ മറിയം റോയി, ക്ഷേമകാര്യ സ്ഥിരം സമിതി അധ്യക്ഷന് വി. ശ്രീകുമാര്, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ഷീബ സുധീര്, ജനപ്രതിനിധികളായ വി.കെ. രഘു, ടി.ഡി. സന്തോഷ്, ടി.വി. ശ്രീലത, മിനി രാജീവ്, സൂപ്പര്വൈസർ വസുന്ദരാദേവി, ലക്ഷ്മി ആര്. നായര് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.