ഹരിത വിദ്യാലയ പുരസ്ക്കാരം മല്ലപ്പള്ളി: സി.എസ്.ഐ മധ്യകേരള മഹായിടവക പരിസ്ഥിതി വിഭാഗം ഏർപ്പെടുത്തിയ ഹരിത വിദ്യാലയം അവാർഡ് സി.എം.എസ് ഹൈസ്കൂളിന് ലഭിച്ചു. മന്ത്രി പി. പ്രസാദിൽനിന്ന് പ്രഥമാധ്യാപകൻ ഡബ്ല്യു.ജെ. വർഗീസ് അവാർഡ് ഏറ്റുവാങ്ങി. ബിഷപ് ഡോ. മലയിൽ സാബു കോശി ചെറിയാൻ അധ്യക്ഷതവഹിച്ചു. കോമളത്ത് മേജർ പാലം നിർമിക്കണം മലപ്പള്ളി: പ്രളയത്തിൽ തകർന്ന കോമളം പാലത്തിനുപകരം പുതിയ മേജർ പാലം നിർമിക്കണമെന്ന് ജനതാദൾ എസ് മേഖല സമ്മേളനം ആവശ്യപ്പെട്ടു. നിലവിലുള്ള പാലത്തിന്റെ നിർമാണത്തിലുണ്ടായ സാങ്കേതിക പിഴവുകൾ പരിഹരിച്ച് ഒരേസമയം ഇരു വശത്തേക്കും വാഹനങ്ങൾ പോകുന്ന വിധത്തിലും നടപ്പാതയും ഉൾപ്പെടുന്ന പാലമാണ് നിർമിക്കേണ്ടതെന്നും യോഗം ആവശ്യപ്പെട്ടു. ജില്ല പ്രസിഡൻറ് അലക്സ് കണ്ണമല ഉദ്ഘാടനം ചെയ്തു. ജയിംസ് വർഗീസ് അധ്യക്ഷതവഹിച്ചു. രാജൻ എം.ഈപ്പൻ, ജോൺ കുര്യൻ, ശ്രീലാൽ, പി.കെ. വർഗീസ്, കെ.കെ. ഉണ്ണി, പി.എം. ജോയി, മാത്യു കുര്യൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.