പൈപ്പ് പൊട്ടി റോഡ് തകർന്നു

പത്തനംതിട്ട: ആനപ്പാറ, കണ്ണങ്കര എന്നിവിടങ്ങളിൽ റോഡിലെ കുഴികൾ വലിയ അപകടമുണ്ടാക്കുന്നു. റോഡ് നിശ്ശേഷം തകർന്ന് വലിയ കുഴികളാണ് രൂപപ്പെട്ടത്. വാട്ടർ അതോറിറ്റിയുടെ പൈപ്പ് പൊട്ടിയാണ് റോഡ് കൂടുതൽ ഭാഗവും തകർന്നത്. ഇരുചക്രവാഹനത്തിൽ സഞ്ചരിക്കുന്നവർ കുഴികളിൽ വീഴുന്നുണ്ട്. രാത്രിയിലും അപകടം ഉണ്ടാകാറുണ്ട്. മഴയത്ത് കുഴികളിൽ ചളിവെള്ളവും കെട്ടിക്കിടക്കുകയാണ്. റോഡിലെ കുഴികൾ അടക്കാൻ അടിയന്തര നടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു. -------- photo.. കണ്ണങ്കരയിൽ റോഡ് തകർന്ന നിലയിൽ