കൊല്ലങ്കോട്: ഗോവിന്ദാപുരത്ത് 15 ഗ്രാം എം.ഡി.എം.എ പിടികൂടിയ കേസിൽ ചില്ലറ വിതരണക്കാരൻ അറസ്റ്റിൽ. എലപ്പുള്ളിപാറ കാക്കത്തോട് ഷിയാസ് (28) ആണ് കൊല്ലങ്കോട് പൊലീസിന്റെ പിടിയിലായത്. കഴിഞ്ഞ 13ന് ഗോവിന്ദാപുരം ബസ് സ്റ്റാൻഡിൽ എം.ഡി.എം.എയുമായി മഹാരാഷ്ട്ര സ്വദേശി ആരോഗ്യരാജ് മുതലിയാർ (30) പിടിയിലായിരുന്നു.
കൊല്ലങ്കോട്, മുതലമട, നെന്മാറ പ്രദേശങ്ങളിൽ ലഹരി കടത്തും ഉപയോഗവും വിൽപനയും വ്യാപകമായതിനെ തുടർന്ന് നടത്തിയ അന്വേഷണത്തിലാണ് എം.ഡി.എം.എ ചില്ലറ വിൽപനക്കാരനെ പിടികൂടിയതെന്ന് സർക്കിൾ ഇൻസ്പെക്ടർ എ. വിപിൻദാസ് പറഞ്ഞു. മധു, രാധാമണി, ആർ. ഗുരുവായൂരപ്പൻ, യു. ഉമേഷ് എന്നിവർ അന്വേഷണ സംഘത്തിൽ ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.