ന​ഗ​ര​സ​ഭ​ക്ക് സ്വ​കാ​ര്യ സ്ഥാ​പ​ന​ങ്ങ​ളുടെ വാ​ട​ക കു​ടി​ശ്ശി​ക​ കോ​ടി​ക​ൾ

പാ​ല​ക്കാ​ട്: ന​ഗ​ര​ത്തി​ലെ സ​ർ​ക്കാ​ർ സ്ഥാ​പ​ന​ങ്ങ​ൾ​ക്ക് പു​റ​മേ സ്വ​കാ​ര്യ സ്ഥാ​പ​ന​ങ്ങ​ളും വാ​ട​ക​യി​ന​ത്തി​ൽ ന​ഗ​ര​സ​ഭ​ക്ക് ന​ൽ​കാ​നു​ള്ള​ത് ര​ണ്ട് കോ​ടി​യി​ല​ധി​കം രൂ​പ. ന​ഗ​ര​സ​ഭ​യു​ടെ കീ​ഴി​ലു​ള്ള വി​വി​ധ കോം​പ്ല​ക്സു​ക​ളി​ലാ​യി പ്ര​വ​ർ​ത്തി​ക്കു​ന്ന സ്വ​കാ​ര്യ സ്ഥാ​പ​ന​ങ്ങ​ളെ​ല്ലാം ചേ​ർ​ന്നാ​ണ് ഇ​ത്ര​യും തു​ക അ​ട​ക്കാ​നു​ള്ള​ത്. വ​ർ​ഷ​ങ്ങ​ളാ​യു​ള്ള കു​ടി​ശ്ശി​ക​യാ​ണി​ത്.2019 മു​ത​ൽ വാ​ട​ക കു​ടി​ശ്ശി​ക​യു​ള്ള​വ​രു​ണ്ട്. പ​തി​നാ​യി​ര​ങ്ങ​ൾ മു​ത​ൽ ല​ക്ഷ​ങ്ങ​ൾ വ​രെ​യാ​ണ് പ​ല​ർ​ക്കും കു​ടി​ശ്ശി​ക​യു​ള്ള​ത്.

പി.​ഡി.​എ കോം​പ്ല​ക്സി​ൽ പ്ര​വ​ർ​ത്തി​ക്കു​ന്ന ഒ​രു സ്വ​കാ​ര്യ സ്ഥാ​പ​നം മാ​ത്രം ഒ​രു കോ​ടി​യി​ല​ധി​കം രൂ​പ​യാ​ണ് വാ​ട​ക ന​ൽ​കാനു​ള്ള​ത്.എ​ന്നാ​ൽ സ്വ​കാ​ര്യ സ്ഥാ​പ​ന​ങ്ങ​ളെ വ​ഴി​വി​ട്ട് സ​ഹാ​യി​ക്കു​ന്ന​തി​ന്‍റെ ഭാ​ഗ​മാ​യാ​ണ് കു​ടി​ശ്ശി​ക പി​രി​ക്കു​ന്ന​തി​ൽ ന​ഗ​ര​സ​ഭ വ​ൻ​വീ​ഴ്ച വ​രു​ത്തി​യ​തെ​ന്നും പ്ര​തി​കാ​ര ന​ട​പ​ടി സ്വീ​ക​രി​ക്കു​ന്ന​ത് സ​ർ​ക്കാ​ർ സ്ഥാ​പ​ന​മാ​യ സു​ൽ​ത്താ​ൻ​പേ​ട്ട ലൈ​ബ്ര​റി​യോ​ട് മാ​ത്ര​മാ​ണെ​ന്നും സം​സ്കാ​ര സാ​ഹി​തി ജി​ല്ല ചെ​യ​ർ​മാ​ൻ ബോ​ബ​ൻ മാ​ട്ടു​മ​ന്ത ആ​രോ​പി​ച്ചു.

സ​ർ​ക്കാ​ർ സ്ഥാ​പ​ന​ങ്ങ​ളും സ്വ​കാ​ര്യ സ്ഥാ​പ​ന​ങ്ങ​ളും കോ​ടി​ക​ൾ വാ​ട​ക കു​ടി​ശ്ശി​ക വ​രു​ത്തി​യി​ട്ടും ഇ​ത് കൃ​ത്യ​മാ​യി പി​രി​ച്ചെ​ടു​ക്കാ​നു​ള്ള ന​ട​പ​ടി ന​ഗ​ര​സ​ഭ സ്വീ​ക​രി​ക്കു​ന്നി​ല്ല.ഇ​തി​നി​ട​യി​ൽ പ​ല സ്വ​കാ​ര്യ വ്യ​ക്തി​ക​ളും കോ​ട​തി​യെ സ​മീ​പി​ച്ച് വാ​ട​ക ഒ​ടു​ക്കാ​ൻ സ​മ​യം നീ​ട്ടി​വാ​ങ്ങു​ന്ന​തും പ​തി​വാ​ണ്. ന​ഗ​ര​സ​ഭ​യു​ടെ മൗ​ന​സ​മ്മ​ത​ത്തി​ലാ​ണ് അ​നു​കൂ​ല വി​ധി സ​മ്പാ​ദി​ക്കു​ന്ന​തെ​ന്നും ഇ​തി​നു പി​ന്നി​ലും അ​ഴി​മ​തി​യാ​ണെ​ന്നും ബോ​ബ​ൻ മാ​ട്ടു​മ​ന്ത ആ​രോ​പി​ച്ചു.

കു​ടി​യി​റ​ക്ക​ൽ ഭീ​ഷ​ണി​യി​ലു​ള്ള സു​ൽ​ത്താ​ൻ​പേ​ട്ട ലൈ​ബ്ര​റി​ക്ക് കു​ടി​ശ്ശി​ക അ​ട​ക്കാ​തെ പു​തി​യ സ്ഥ​ലം അ​നു​വ​ദി​ക്കി​ല്ലെ​ന്നും അ​നു​വ​ദി​ച്ചാ​ൽ ഓ​ഡി​റ്റി​ങ്ങി​ൽ പ്ര​ശ്നം വ​രു​മെ​ന്നാ​ണ് ചെ​യ​ർ​പേ​ഴ്സ​ൻ ക​ഴി​ഞ്ഞ ദി​വ​സം വ്യ​ക്ത​മാ​ക്കി​യ​ത്. എ​ന്നാ​ൽ മൂ​ന്ന് കോ​ടി രൂ​പ ലൈ​ബ്ര​റി സെ​സ് ഇ​ന​ത്തി​ൽ ന​ഗ​ര​സ​ഭ സം​സ്ഥാ​ന ലൈ​ബ്ര​റി കൗ​ൺ​സി​ലി​ന് ന​ൽ​കാ​നു​ണ്ട്.

വ​ർ​ഷ​ത്തി​ൽ ര​ണ്ടു​ത​വ​ണ​യാ​യി ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ പി​രി​ച്ചെ​ടു​ക്കു​ന്ന ലൈ​ബ്ര​റി സെ​സ് വി​വ​ര​ങ്ങ​ൾ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ റ​വ​ന്യൂ വ​ര​വ് രേ​ഖ​പ്പെ​ടു​ത്തു​ന്ന ര​ജി​സ്റ്റ​ർ ഓ​ഫ് റ​സീ​റ്റ്സി​ൽ പ്ര​ത്യേ​ക​മാ​യി ചേ​ർ​ക്ക​ണ​മെ​ന്നും ആ​ദ്യ​പാ​ദ​ത്തി​ലെ സെ​സ് ഏ​പ്രി​ൽ 30ന​ക​വും ര​ണ്ടാം പാ​ദ​ത്തി​ലേ​ത് ന​വം​ബ​ർ 30ന​ക​വും ലൈ​ബ്ര​റി കൗ​ൺ​സി​ലി​ന് കൈ​മാ​റ​ണ​മെ​ന്നു​മാ​ണ് നി​യ​മം.വ​സ്തു നി​കു​തി​ക്കൊ​പ്പം ലൈ​ബ്ര​റി സെ​സ് ഇ​ന​ത്തി​ൽ പി​രി​ച്ച മൂ​ന്നു കോ​ടി രൂ​പ എ​വി​ടെ പോ​യെ​ന്ന് ന​ഗ​ര​സ​ഭ വ്യ​ക്ത​മാ​ക്ക​ണ​മെ​ന്നും ബോ​ബ​ൻ മാ​ട്ടു​മ​ന്ത ആ​വ​ശ്യ​പ്പെ​ട്ടു.