ഹാഷിഷ് ഓയിലും മെത്താംഫിറ്റമിനുമായി യുവാവ് പിടിയിൽ
പാലക്കാട്: ഓപറേഷൻ തണ്ടറിന്‍റെ ഭാഗമായി എക്സൈസ് നടത്തിയ വാഹന പരിശോധനയിൽ, ബസിൽ കടത്തിക്കൊണ്ടുവരികയായിരുന്ന 420.692 ഗ്രാം ഹാഷിഷ് ഓയിലും 0.527 ഗ്രാം മെത്താംഫിറ്റമിനുമായി മലപ്പുറം സ്വദേശി പിടിയിൽ. മലപ്പുറം ഏറനാട് വലിയ പറമ്പിൽ വീട്ടിൽ അനന്തു ഭാസ്കറാണ് (31) പിടിയിലായത്.
പാലക്കാട് എക്സൈസ് എൻഫോഴ്സ്മെന്റ് ആൻഡ് ആന്റി നർകോട്ടിക് സ്പെഷൽ സ്ക്വാഡ് സർക്കിൾ ഇൻസ്പെക്ടർ എൻ. നൗഫലും സംഘവും ചേർന്ന് നടത്തിയ പരിശോധനയിലാണ് പാമ്പംപള്ളം ടോൾ പ്ലാസയിൽ കോയമ്പത്തൂരിൽ നിന്ന് പാലക്കാട് ഭാഗത്തേക്ക്‌ പ്രവേശിക്കുന്ന ടോൾ ഗേറ്റിന് സമീപത്തെ ലേബർ ക്യാമ്പിന് മുൻവശത്തെ റോഡരികിൽ വെച്ച് പ്രതിയെ പിടികൂടിയത്. ഇയാൾക്കെതിരെ എൻ.ഡി.പി.എസ് നിയമപ്രകാരം കേസെടുത്തു. പരിശോധനയിൽ പാലക്കാട് ഇ.ഇ ആൻഡ് എ.എൻ.എസ്.എസിലെ പ്രിവന്റീവ് ഓഫിസർ എസ്. സുജിത് കുമാർ, പ്രിവന്റീവ് ഓഫിസർ ഗ്രേഡ് കെ. ആനന്ദ്, സിവിൽ എക്സൈസ് ഓഫിസർമാരായ എൻ. രജിത്ത്, ഡി. കിഷോർ, വനിത സിവിൽ എക്സൈസ് ഓഫിസർ വി. അർച്ചന എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.