കൂറ്റനാട്: തൃത്താല വെസ്റ്റ് മുടവന്നൂരിൽനിന്ന് 83 കിലോ കഞ്ചാവ് പിടികൂടി. എക്സൈസ് എൻഫോഴ്സ്മെൻറ് സക്വാഡിന് ലഭിച്ച രഹസ്യ വിവരത്തിെൻറ അടിസ്ഥാനത്തിൽ തൃത്താല വെസ്റ്റ് മുടവന്നൂരിലെ പന്നി ഫാമായി പ്രവർത്തിച്ചിരുന്ന സ്ഥലത്ത് നടത്തിയ പരിശോധനയിലാണ് രണ്ട് ഡ്രമ്മിൽ സൂക്ഷിച്ച 83 കിലോ കഞ്ചാവാണ് പിടികൂടിയത്.
ആകെ 125 കിലോ ഉണ്ടായിരുെന്നങ്കിലും 42 കിലോ പ്രതി ഇതിനകം വില്പന നടത്തിയിരുന്നു. വിപണിയിൽ 50 ലക്ഷം രൂപക്ക് മുകളിൽ വില വരുന്നതാണിത്. സംഭവവുമായി ബന്ധപ്പെട്ട് തൃത്താല തച്ചറംകുന്ന് അമീർ എന്ന അബ്ബാസിനെ (39) അറസ്റ്റ് ചെയ്തു. ഇയാള് മറ്റൊരു കേസിൽകൂടി പ്രതിയാണെത്ര. തൃത്താല എക്സൈസ് റേഞ്ചിന് തുടർനടപടികൾക്കായി പ്രതിയെ കൈമാറി.
സ്റ്റേറ്റ് എക്സൈസ് എൻഫോഴ്സ്മെൻറ് സ്ക്വാഡിലെ സി.െഎ ടി. അനികുമാർ, എക്സൈസ് സി.െഎ ജി. കൃഷ്ണകുമാർ, ഇൻസ്പെക്ടർമാരായ ടി.ആർ. മുകേഷ് കുമാർ, എസ്. മധുസൂദൻ നായർ, പ്രിവൻറിവ് ഓഫിസർ മുസ്തഫ, സിവിൽ എക്സൈസ് ഓഫിസർമാരായ പി. സുബിൻ, എസ്. ഷംനാദ്, ആർ. രാജേഷ്, കെ. മുഹമ്മദ് അലി, എൻ.എൽ. അഖിൽ, രജിത്ത് ആർ. നായർ എക്സൈസ് ഡ്രൈവറായ രാജീവ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.