പാലക്കാട്: വാളയാറിൽ വാഹനപരിശോധനക്കിടെ 94.5 ഗ്രാം എം.ഡി.എം.എയുമായി യുവാവ് അറസ്റ്റിൽ. കണ്ണൂർ തലശ്ശേരി കൂത്തുപറമ്പ് പാറൽദേശത്ത് അഞ്ജലി വീട്ടിൽ ഫഹദി(32)നെയാണ് എക്സൈസ് പിടികൂടിയത്.
ഞായറാഴ്ച രാവിലെ 10.45ന് വാളയാർ എക്സൈസ് ചെക്ക്പോസ്റ്റിലാണ് സംഭവം. ഹൈദരാബാദിൽനിന്ന് എറണാകുളത്തേക്ക് പോകുകയായിരുന്ന എയർ ബസിലെ യാത്രക്കാരനിൽനിന്നാണ് മയക്കുമരുന്ന് കണ്ടെടുത്തത്. ഗുളിക രൂപത്തിലായിരുന്നു സൂക്ഷിച്ചിരുന്നത്. യുവാവിനെതിരെ എൻ.ഡി.പി.എസ് നിയമ പ്രകാരം കേസെടുത്തു.
എക്സൈസ് ഇൻസ്പെക്ടർ എൻ. പ്രേമാനന്ദ കുമാറിന്റെ നേതൃത്വത്തിൽ നടത്തിയ വാഹന പരിശോധനയിൽ അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്) വി. ദേവകുമാർ, സന്തോഷ്, സിവിൽ എക്സൈസ് ഓഫിസർമാരായ സതീഷ്, പ്രദീപ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.