പട്ടാമ്പി: കോവിഡ് 19നെ നേരിടാൻ ടാക്സികൾ ഒരുക്കം തുടങ്ങി. പൊതുഗതാഗതം തുടങ്ങിയെങ്കിലും ആളുകൾ ഭയംമൂലം ടാക്സികൾ ഉപയോഗിക്കാൻ മടിക്കുന്ന സാഹചര്യത്തിലാണ് പട്ടാമ്പി മോട്ടോർ വാഹന വകുപ്പ് പുതിയ നിർദേശം ടാക്സി ഉടമസ്ഥർക്ക് മുന്നിൽ വെച്ചത്.
താലൂക്കിൽ തൃത്താല ഏരിയയിൽ ആദ്യപടിയായി മൂന്ന് വാഹനങ്ങൾ എയർപോർട്ട് ടാക്സികൾ പോലെ ഡ്രൈവറുടെ ഏരിയ കാണാൻ കഴിയുന്ന തരത്തിലുള്ള മറകൾ സ്ഥാപിച്ച് വേർതിരിച്ചു. ഡ്രൈവർക്കും യാത്രക്കാർക്കും സുരക്ഷിതമായി യാത്ര ചെയ്യാൻ കഴിയുന്ന വിധത്തിലാണ് സംവിധാനം.
വാഹനങ്ങൾ തൃത്താല വി.ടി. ബൽറാം എം.എൽ.എ നിരത്തിലിറക്കി. പട്ടാമ്പി ജോയൻറ് ആർ.ടി.ഒ സി.യു. മുജീബ്, മോട്ടോർ വെഹിക്കിൾ ഇൻസ്പെക്ടർ അഷറഫ് സൂപ്പിൽ, കെ.ടി.ഡി.ഒ സെക്രട്ടറി സന്തോഷ് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.