വെ​ള്ള​ക്കെ​ട്ട് ര​ണ്ട് കു​ടും​ബ​ങ്ങ​ൾ വീ​ടൊ​ഴി​ഞ്ഞു

പെ​രു​മ്പ​ട​പ്പ്: പ​ഞ്ചാ​യ​ത്തി​ലെ അ​യി​രൂ​ർ ഗ​വ​ർ​ണ​ർ ല​ക്ഷം വീ​ട് കോ​ള​നി​യി​ൽ വെ​ള്ള​ക്കെ​ട്ട്. ര​ണ്ട് കു​ടും​ബ​ങ്ങ​ൾ വീ​ടൊ​ഴി​ഞ്ഞു. അ​ഞ്ചി​ല​ധി​കം വീ​ടു​ക​ളാ​ണ് വെ​ള്ള​ക്കെ​ട്ടി​ലാ​യ​ത്. കോ​ള​നി​ക്ക് സ​മീ​പ​ത്തെ പാ​ട​ങ്ങ​ൾ മ​ണ്ണി​ട്ട് നി​ക​ത്തു​ക​യും പു​തി​യ​താ​യി നി​ർ​മി​ച്ച കോ​ൺ​ക്രീ​റ്റ് റോ​ഡും കാ​ര​ണ​മാ​ണ് വെ​ള്ളം ഒ​ഴി​ഞ്ഞു​പോ​കാ​ത്ത​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

മ​ഴ ക​ന​ത്താ​ൽ വെ​ള്ളം വീ​ടി​ന​ക​ത്തേ​ക്ക് ക​യ​റു​മെ​ന്ന സ്ഥി​തി​യാ​ണ്. ഇ​തി​നു​പു​റ​മെ മ​ഴ പെ​യ്താ​ൽ ചോ​ർ​ന്നൊ​ലി​ക്കു​ന്ന വീ​ടു​ക​ളി​ലാ​ണ് താ​മ​സം.

ഫ്ലാ​റ്റ് നി​ർ​മി​ക്കാ​നാ​യി സ്ഥ​ലം 2018ൽ ​സ്ഥ​ലം ഗ​വ​ർ​ണ​ർ ല​ക്ഷം വീ​ട് കോ​ള​നി പ​ദ്ധ​തി​യി​ൽ ഉ​ൾ​പ്പെ​ടു​ത്തി​യ​തോ​ടെ​യാ​ണ് ദു​രി​തം ആ​രം​ഭി​ച്ച​ത്.

ഗ​വ​ർ​ണ​ർ ല​ക്ഷം വീ​ട് പ​ദ്ധ​തി​യി​ൽ ഉ​ൾ​പ്പെ​ടു​ത്തി ഫ്ലാ​റ്റ് നി​ർ​മാ​ണം മു​ട​ങ്ങി​യ​തോ​ടെ മ​റ്റു സ​ർ​ക്കാ​ർ സ​ഹാ​യ​ങ്ങ​ളും ല​ഭ്യ​മ​ല്ല. ലൈ​ഫ് പ​ദ്ധ​തി​യോ മ​റ്റു പ​ദ്ധ​തി പ്ര​കാ​ര​മോ വീ​ട് നി​ർ​മി​ക്കാ​ൻ ക​ഴി​യി​ല്ലെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.

26 കു​ടും​ബ​ങ്ങ​ളാ​ണ് കോ​ള​നി​യി​ൽ താ​മ​സം. ഇ​തി​ൽ ര​ണ്ടെണ്ണം ഒഴികെ മറ്റെല്ലാം ഓ​ല വീ​ടു​ക​ളാ​ണ്. വ​ർ​ഷ​ങ്ങ​ൾ​ക്ക് മു​മ്പ് സ്വ​കാ​ര്യ​വ്യ​ക്തി സ്ഥ​ലം ന​ൽ​കി​യ​തോ​ടെ​യാ​ണ് ഈ ​കു​ടും​ബ​ങ്ങ​ൾ ഭൂ​മി​യി​ൽ താ​മ​സ​മാ​ക്കി​യ​ത്. മ​ഴ ഇ​നി​യും ശ​ക്ത​മാ​യാ​ൽ ചോ​ർ​ന്നൊ​ലി​ക്കു​ന്ന വീ​ടു​ക​ളി​ലേ​ക്ക് വെ​ള്ളം ഇ​ര​ച്ചു ക​യ​റു​മെ​ന്ന ഭീ​തി​യി​ലാ​ണ്.