ഉ​ദ്ഘാ​ട​നം ക​ഴി​ഞ്ഞ് നാ​ല്​ മാ​സം; തൃ​ക്കു​ളം സ്കൂ​ൾ കെ​ട്ടി​ടം കൈ​മാ​റി​യി​ല്ല

തി​രൂ​ര​ങ്ങാ​ടി: ഉ​ദ്ഘാ​ട​നം ക​ഴി​ഞ്ഞ് നാ​ല്​ മാ​സ​മാ​യി​ട്ടും പു​തു​താ​യി നി​ർ​മി​ച്ച തൃ​ക്കു​ളം ഹൈ​സ്കൂ​ൾ കെ​ട്ടി​ടം കൈ​മാ​റി​യി​ല്ല. സം​സ്ഥാ​ന സ​ർ​ക്കാ​റി​ന്‍റെ പൊ​തു വി​ദ്യാ​ഭ്യാ​സ സം​ര​ക്ഷ​ണ യ​ജ്ഞ​ത്തി​ന്‍റെ ഭാ​ഗ​മാ​യി 3.25 കോ​ടി ല​ക്ഷം കി​ഫ്ബി ഫ​ണ്ട് ഉ​പ​യോ​ഗി​ച്ച് നി​ർ​മി​ച്ച കെ​ട്ടി​ട​മാ​ണ് ഇ​തു​വ​രെ കൈ​മാ​റാ​തെ നി​ൽ​ക്കു​ന്ന​ത്. 2021 സെ​പ്റ്റം​ബ​ർ 14ന് ​വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി​യു​ടെ അ​ധ്യ​ക്ഷ​ത​യി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഓ​ൺ​ലൈ​ൻ വ​ഴി​യാ​ണ് കെ​ട്ടി​ട ഉ​ദ്ഘാ​ട​നം നി​ർ​വ​ഹി​ച്ച​ത്. കെ​ട്ടി​ട​ത്തി​ൽ ടൈ​ൽ വി​രി​ക്കു​ന്ന പ​ണി ഇ​തു​വ​രെ പൂ​ർ​ത്തി​യാ​യി​ട്ടി​ല്ല. ഓ​രോ മാ​സ​വും സ്കൂ​ൾ കൈ​മാ​റും എ​ന്ന് പ​റ​യു​ക​യ​ല്ലാ​തെ ഇ​തു​വ​രെ കൈ​മാ​റി കി​ട്ടി​യി​ട്ടി​ല്ലെ​ന്ന് സ്കൂ​ൾ അ​ധി​കൃ​ത​ർ പ​റ​യു​ന്നു.

തൃ​ക്കു​ളം ഹൈ​സ്കൂ​ളി​ലെ പ​ഴ​യ യു.​പി കെ​ട്ടി​ടം പൊ​ളി​ച്ചാ​ണ് മൂ​ന്ന് നി​ല​ക​ളി​ലാ​യി പു​തി​യ കെ​ട്ടി​ടം പ​ണി​ത​ത്. യു.​പി വി​ഭാ​ഗ​ത്തി​ന് വേ​ണ്ടി ത​ന്നെ​യാ​ണ് പു​തി​യ കെ​ട്ടി​ടം ഉ​പ​യോ​ഗി​ക്കു​ക. താ​ഴെ നി​ല​യി​ൽ ഓ​ഫി​സും ര​ണ്ട് സ്റ്റാ​ഫ് മു​റി​ക​ളും ക​മ്പ്യൂ​ട്ട​ർ ലാ​ബും ഒ​ന്നും ര​ണ്ടും നി​ല​ക​ളി​ലാ​യി ക്ലാ​സ് മു​റി​ക​ളു​മാ​യി 12 റൂ​മോ​ട് കൂ​ടി​യ കെ​ട്ടി​ട​മാ​ണ് ഉ​ദ്ഘാ​ട​നം നി​ർ​വ​ഹി​ച്ച് ഇ​തു​വ​രെ കൈ​മാ​റാ​തെ കി​ട​ക്കു​ന്ന​ത്. ഇ​തു​മൂ​ലം എ​ൽ.​പി മു​ത​ൽ ഹൈ​സ്കൂ​ൾ വ​രെ​യു​ള്ള കു​ട്ടി​ക​ൾ പ​ഠി​ക്കാ​ൻ ഏ​റെ പ്ര​യാ​സ​പ്പെ​ടു​ന്നു​ണ്ട്. പ​ണി തീ​ർ​ത്ത് കി​ഫ്ബി​യു​ടെ പ​രി​ശോ​ധ​ന​യും ക​ഴി​ഞ്ഞ് പു​തി​യ കെ​ട്ടി​ട​ത്തി​ൽ എ​ന്ന് പ​ഠ​നം തു​ട​ങ്ങാ​നാ​വും എ​ന്ന​തി​ന് ഇ​തു​വ​രെ അ​ധി​കൃ​ത​ർ വ്യ​ക്ത​മാ​യ മ​റു​പ​ടി​യും ന​ൽ​കു​ന്നി​ല്ല. പ​ഴ​യ കെ​ട്ടി​ട​ത്തി​ൽ ഉ​ണ്ടാ​യി​രു​ന്ന സ​മാ​ന എ​ണ്ണം ക്ലാ​സ്​​മു​റി​ക​ൾ ത​ന്നെ​യാ​ണ് പു​തി​യ കെ​ട്ടി​ട​ത്തി​ലു​മു​ള്ളൂ എ​ന്ന പ​രാ​തി ഇ​തി​നോ​ട​കം ഉ​യ​ർ​ന്നി​ട്ടു​ണ്ട്. 1909ൽ ​മ​ല​ബാ​ർ എ​ല​മെൻറ​റി ബോ​ർ​ഡി​ന് കീ​ഴി​ൽ എ​ൽ.​പി സ്കൂ​ൾ ആ​യി തു​ട​ങ്ങി​യ സ്കൂ​ൾ 2013ലാ​ണ് ഗ​വ. ഹൈ​സ്കൂ​ളാ​യി ഉ​യ​ർ​ത്തി​യ​ത്. 2012 വി​ദ്യാ​ർ​ഥി​ക​ൾ സ്കൂ​ളി​ൽ നി​ല​വി​ൽ പ​ഠി​ക്കു​ന്നു​ണ്ട്. ച​രി​ത്ര പ്ര​സി​ദ്ധ​മാ​യ ഈ ​ഗ​വ. സ്കൂ​ളി​നോ​ടാ​ണ് അ​ധി​കൃ​ത​രു​ടെ അ​വ​ഗ​ണ​ന.