നിലമ്പൂർ: വഴിക്കടവ് കണ്ടെയിൻമെൻറ് വാർഡിൽപെട്ട പൂവ്വത്തിപ്പൊയിൽ ഡീസൻറ്കുന്നിൽ കാട്ടാനക്കൂട്ടത്തിെൻറ വിളയാട്ടം. റബർ, തെങ്ങ്, കമുക്, വാഴ, കപ്പ, തീറ്റപ്പുൽ എന്നിവ വ്യാപകമായി നശിപ്പിച്ചു. സോളാർവേലി തകർത്താണ് ആനക്കൂട്ടം വ്യാഴാഴ്ച പുലർച്ച കൃഷിയിടത്തിലിറങ്ങിയത്. പടിഞ്ഞേറ്റകര സുനിൽ കുമാറിെൻറ റബർ മരങ്ങളുടെയും തെങ്ങുകളുടെയു തൊലിചീന്തിയെടുത്തു.
പടിഞ്ഞാറ്റേതിൽ വിനോദിെൻറ കമുകുകൾ പാടേ നശിപ്പിച്ചു. തച്ചറക്കുന്നൻ മുഹമ്മദിെൻറ ഒരു ഏക്കറോളം സ്ഥലത്തെ വാഴ, കപ്പ, ചേമ്പ്, ചേന എന്നിവയും നശിപ്പിച്ചു. രാമത്തുപറമ്പിൽ ഗോപാലെൻറ തീറ്റപ്പുൽ കൃഷിയും നശിപ്പിച്ചാണ് കാട്ടാനക്കൂട്ടം സമീപം നെല്ലിക്കുത്ത് വനത്തിലേക്ക് പുലർച്ച മടങ്ങിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.