മലപ്പറും: എം.പി സ്ഥാനം രാജിവെച്ച പി.കെ കുഞ്ഞാലിക്കുട്ടിയുടെ നിലപാടിൽ പ്രതിഷേധിച്ച് എസ്.ഡി.പി.ഐ മലപ്പുറം ടൗണിൽ പ്രകടനം നടത്തി. ഫാസിസത്തെ പ്രതിരോധിക്കാെനന്ന് പറഞ്ഞ് വോട്ട് വാങ്ങി ഡൽഹിയിലെത്തിയ കുഞ്ഞാലിക്കുട്ടിയുടെ ഉള്ളിലിരിപ്പ് യു.പി.എ അധികാരത്തിൽ വരുമെന്നും തൻറെ മുൻഗാമി ഇ അഹമ്മദ് അനുഭവിച്ചിരുന്ന സുഖസൗകര്യങ്ങൾ തനിക്കും ലഭ്യമാകുമെന്നുമായിരുന്നു. എന്നാൽ മോദി അധികാരത്തിൽ വന്നതോടെ നിർണായക സമയങ്ങളിൽ പോലും സഭയിൽ ഹാജരാകാതിരിക്കുകയും ഏറ്റവും മോശം പാർലമെേന്‍ററിയൻ എന്ന ദുഷ്പേര് നേടുകയും ചെയ്തെന്ന് എസ്.ഡി.പി.ഐ ജില്ല സെക്രട്ടറി എം.പി മുസ്തഫ മാസ്റ്റർ പറഞ്ഞു. ടി.സിദ്ദീഖ് മാസ്റ്റർ, ഹംസ, ലത്തീഫ് വല്ലാഞ്ചിറ, അബൂബക്കർ, അബ്ദുസലാം, നസ്റുദ്ദീൻ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.