മ​ല​പ്പു​റം ഡി​പ്പോ​യി​ലും ഷോ​പ്​ ഓ​ൺ വീ​ൽ​സ്​ വ​രു​ന്നു

മ​ല​പ്പു​റം: കെ.​എ​സ്.​ആ​ർ.​ടി.​സി മ​ല​പ്പു​റം ഡി​പ്പോ​യി​ലും ഷോ​പ്​ ഓ​ൺ വീ​ൽ​സ്​ പ​ദ്ധ​തി തു​ട​ങ്ങു​ന്നു. ഇ​തി​നാ​യി എ​ട​പ്പാ​ൾ ക​ണ്ട​ന​കം റീ​ജ​ന​ൽ വ​ർ​ക്ക്​​ഷോ​പ്പി​ൽ​നി​ന്ന്​ മൂ​ന്ന്​ പ​ഴ​യ ബ​സു​ക​ൾ ഡി​പ്പോ​യി​ൽ എ​ത്തി​ച്ചു. ക​ട്ട​പ്പു​റ​ത്താ​യ പ​ഴ​യ ബ​സു​ക​ൾ അ​റ്റ​കു​റ്റ​പ്പ​ണി ന​ട​ത്തി മോ​ടി​പി​ടി​പ്പി​ച്ച്​ വി​ൽ​പ​ന കേ​ന്ദ്ര​ങ്ങ​ളാ​ക്കു​ന്ന പ​ദ്ധ​തി​യാ​ണ്​ ഷോ​പ്​ ഓ​ൺ വീ​ൽ​സ്. പെ​രി​ന്ത​ൽ​മ​ണ്ണ ഡി​പ്പോ​യി​ൽ മാ​ത്ര​മാ​ണ്​ ജി​ല്ല​യി​ൽ ഈ ​രീ​തി​യി​ൽ വി​ൽ​പ​ന കേ​ന്ദ്ര​ങ്ങ​ൾ തു​ട​ങ്ങി​യി​രി​ക്കു​ന്ന​ത്. മി​ൽ​മ​യു​ടെ സ്റ്റാ​ളാ​ണ് പെ​രി​ന്ത​ൽ​മ​ണ്ണ​യി​ൽ​ സ​ജ്ജീ​ക​രി​ച്ചി​രി​ക്കു​ന്ന​ത്. ഇ​ത്​ വി​ജ​യ​ക​ര​മാ​യ​തു​കൊ​ണ്ടാ​ണ്​ മ​റ്റ്​ ഡി​പ്പോ​ക​ളി​ലേ​ക്ക്​ കൂ​ടി വ്യാ​പി​പ്പി​ക്കു​ന്ന​ത്.

20,000 രൂ​പ​യാ​ണ്​ മി​നി​മം വാ​ട​ക​യാ​യി നി​ശ്ച​യി​ച്ചി​രി​ക്കു​ന്ന​ത്. ടെ​ൻ​ഡ​റി​ൽ കൂ​ടു​ത​ൽ തു​ക വാ​ട​ക​യി​ന​ത്തി​ൽ ക്വാ​ട്ട്​ ചെ​യ്യു​ന്ന​വ​ർ​ക്ക്​ ബ​സ്​ ല​ഭി​ക്കും. ഇ​ത്​ അ​റ്റ​കു​റ്റ​പ്പ​ണി ചെ​യ്ത്​ മോ​ടി​പി​ടി​പ്പി​ക്കു​ന്ന ജോ​ലി​ക​ൾ സം​രം​ഭ​ക​ർ ചെ​യ്യ​ണം. ഡി​പ്പോ​യി​ലെ എ.​ടി.​എം കൗ​ണ്ട​റി​ന്​ പി​റ​കി​ലാ​ണ്​ ര​ണ്ട്​ ബ​സു​ക​ൾ അ​നു​വ​ദി​ക്കു​ക. മൂ​ന്നാ​മ​ത്തെ ബ​സ്​ നേ​ര​ത്തേ സ്റ്റേ​ഷ​ന​റി സ്റ്റാ​ൾ ഉ​ണ്ടാ​യി​രു​ന്ന മു​ൻ​ഭാ​ഗ​ത്തും അ​നു​വ​ദി​ക്കും. ബ​സു​ക​ൾ മോ​ടി​പി​ടി​പ്പി​ക്കു​ന്ന സ​മ​യ​ത്തു​ള്ള വൈ​ദ്യു​തി ഡി​പ്പോ​യി​ൽ​നി​ന്ന്​ ല​ഭി​ക്കും. ഇ​തി​നു​ള്ള തു​ക ന​ൽ​കി​യാ​ൽ മ​തി​യാ​കും. ഷോ​പ്​ സ​ജ്ജീ​ക​രി​ച്ച​തി​ന്​ ശേ​ഷം കെ.​എ​സ്.​ഇ.​ബി​യി​ൽ​നി​ന്ന്​​ വൈ​ദ്യു​തി ക​ണ​ക്ഷ​ൻ എ​ടു​ക്ക​ണം. ബ​സു​ക​ൾ ല​ഭ്യ​മാ​കു​ന്ന മു​റ​ക്ക്​ നി​ല​മ്പൂ​ർ, പൊ​ന്നാ​നി ഡി​പ്പോ​ക​ളി​ൽ കൂ​ടി ഷോ​പ്​ ഓ​ൺ വീ​ൽ​സ്​ പ​ദ്ധ​തി ന​ട​പ്പാ​ക്കു​മെ​ന്നും കൂ​ടു​ത​ൽ സം​രം​ഭ​ക​ർ ഇ​തു​മാ​യി സ​ഹ​ക​രി​ക്കു​മെ​ന്നാ​ണ്​ പ്ര​തീ​ക്ഷ​യെ​ന്നും ജി​ല്ല ട്രാ​ൻ​സ്​​പോ​ർ​ട്ട്​ ഓ​ഫി​സ​ർ മു​ഹ​മ്മ​ദ്​ അ​ബ്​​ദു​ന്നാ​സ​ർ അ​റി​യി​ച്ചു.