ഷ്രെഡ്ഡിങ് യൂനിറ്റിലെ മാലിന്യക്കൂമ്പാരം; പ്രശ്നം പഠിച്ച് അടിയന്തര റിപ്പോർട്ട് സ​മ​ർ​പ്പി​ക്കാ​ൻ നി​ർ​ദേ​ശം

മ​ല​പ്പു​റം: ന​ഗ​ര​സ​ഭ​യി​ലെ ഷ്രെ​ഡ്ഡി​ങ് യൂ​നി​റ്റി​ൽ മാ​ലി​ന്യം നി​റ​ഞ്ഞ​തോ​ടെ പ്ര​ശ്നം പ​ഠി​ച്ച് അ​ടി​യ​ന്ത​ര റി​പ്പോ​ർ​ട്ട് സ​മ​ർ​പ്പി​ക്കാ​ൻ കൗ​ൺ​സി​ൽ യോ​ഗ​ത്തി​ൽ തീ​രു​മാ​നം. വി​ഷ​യം പ​ഠി​ച്ച് താ​ൽ​ക്കാ​ലി​ക പ്ര​തി​വി​ധി അ​ട​ക്കം ത​യാ​റാ​ക്കി ജൂ​ൺ 10ന​കം റി​പ്പോ​ർ​ട്ടാ​ക്കി ന​ഗ​ര​സ​ഭ ഹെ​ൽ​ത്ത് സൂ​പ്പ​ർ​വൈ​സ​ർ കൗ​ൺ​സി​ലി​ന് സ​മ​ർ​പ്പി​ക്കാ​നാ​ണ് തീ​രു​മാ​നം.

റി​പ്പോ​ർ​ട്ട് ന​ൽ​കി​യി​ല്ലെ​ങ്കി​ൽ ബ​ന്ധ​പ്പെ​ട്ട​വ​ർ​ക്കെ​തി​രെ ന​ട​പ​ടി​യെ​ടു​ക്കേ​ണ്ടി വ​രു​മെ​ന്ന് ന​ഗ​ര​സ​ഭ അ​ധ്യ​ക്ഷ‍ൻ മു​ജീ​ബ് കാ​ടേ​രി അ​റി​യി​ച്ചു. ഖ​നി ഖ​ര​മാ​ലി​ന്യ ഷ്രെ​ഡ്ഡി​ങ് യൂ​നി​റ്റി​ലെ യ​ന്ത്രം ത​ക​രാ​റി​ലാ​യ​തോ​ടെ ന​ഗ​ര​സ​ഭ പ​രി​സ​രം മാ​ലി​ന്യം നി​റ​ഞ്ഞ് നി​ൽ​ക്കു​ക​യാ​ണ്. ഒ​ന്ന​ര മാ​സ​മാ​യി യ​ന്ത്രം ത​ക​രാ​റി​ലാ​ണ്. ഓ​രോ ദി​വ​സ​വും ന​ഗ​ര​സ​ഭ പ​രി​സ​ര​ത്ത് മാ​ലി​ന്യത്തോ​ത് കൂ​ടി​യ​തോ​ടെ പ​ക​രം താ​ൽക്കാ​ലി​ക​മാ​യി മ​റ്റൊ​രു കേ​ന്ദ്ര​ത്തി​ലേ​ക്ക് മാ​റ്റാ​നാ​ണ് അ​ധി​കൃ​ത​ർ തീ​രു​മാ​നി​ച്ച​ത്. ഇ​തി​ന്റെ ഭാ​ഗ​മാ​യി

40-ാം വാ​ർ​ഡ് പെ​രു​മ്പ​റ​മ്പി​ൽ സ്വ​കാ​ര്യ വ്യ​ക്തി​യു​ടെ സ്ഥ​ലം ക​ണ്ടെ​ത്തി. എ​ന്നാ​ൽ വാ​ട​ക നി​ശ്ച​യി​ക്കു​ന്ന​തി​ലെ സാ​ങ്കേ​തി​ക ത​ട​സ്സം കാ​ര​ണം താ​ൽ​ക്കാ​ലി​ക കേ​ന്ദ്ര​ത്തി​ലേ​ക്കു​ള്ള മാ​ലി​ന്യം നീ​ക്കം സാ​ധ്യ​മാ​യി​ല്ല. ക​ണ്ടെ​ത്തി​യ സ്ഥ​ല​ത്തി​ന്റെ ആ​ധാ​ര​വും സ​മീ​പ പ്ര​ദേ​ശ​ങ്ങ​ളി​ലെ അ​ഞ്ച് ആ​ധാ​ര​ങ്ങ​ളും ല​ഭി​ച്ചാ​ൽ മാ​ത്ര​മേ വാ​ട​ക നി​ശ്ച​യി​ക്കാ​ൻ ക​ഴി​യു​വെ​ന്നാ​ണ് ഉ​ദ്യോ​ഗ​സ്ഥ​ർ കൗ​ൺ​സി​ൽ യോ​ഗ​ത്തി​ൽ ന​ൽ​കി​യ വി​ശ​ദീ​ക​ര​ണം. മാ​ലി​ന്യ​നീ​ക്കം നീ​ളു​ന്ന​ത് ന​ഗ​ര​സ​ഭ പ​രി​സ​രം മാ​ലി​ന്യകൂ​മ്പാ​ര​ത്തി​ലേ​ക്കും ആ​രോ​ഗ്യ പ്ര​ശ്ന​ങ്ങ​ളി​ലേ​ക്കും ന​യി​ക്കു​മെ​ന്ന് കൗ​ൺ​സി​ല​ർ​മാ​ർ യോ​ഗ​ത്തി​ൽ ഉ​ന്ന​യി​ച്ചു.

മ​ഴ ക​ന​ത്ത സാ​ഹ​ച​ര്യ​ത്തി​ൽ മാ​ലി​ന്യ​ത്തി​ൽ​നി​ന്ന് രോ​ഗ വ്യാ​പ​ന​ത്തി​നും സാ​ധ്യ​ത​യു​ണ്ടെ​ന്ന് അം​ഗ​ങ്ങ​ൾ വി​വ​രി​ച്ചു. പ്ലാ​സ്റ്റി​ക് മാ​ലി​ന്യ​ത്തി​ന് പ​ക​രം ഭ​ക്ഷ​ണ മാ​ലി​ന്യ​ങ്ങ​ള​ട​ക്കം സ്വീ​ക​രി​ക്കു​ന്ന​താ​ണ് പ്ര​ശ്നം ഗു​രു​ത​ര​മാ​ക്കാ​ൻ വ​ഴി​വെ​ച്ച​തെ​ന്ന് പ്ര​തി​പ​ക്ഷം ആ​രോ​പി​ച്ചു. അ​ശാ​സ്ത്രീ​യ രീ​തി ഒ​ഴി​വാ​ക്കി ഹ​രി​ത​ക​ർ​മ സേ​നാം​ഗ​ങ്ങ​ൾ​ക്ക് കൃ​ത്യ​മാ​യി നി​ർ​ദേ​ശം ന​ൽ​കി മാ​ലി​ന്യ ശേ​ഖ​ര​ണം കാ​ര്യ​ക്ഷ​മ​മാ​ക്ക​ണ​മെ​ന്നും പ്ര​തി​പ​ക്ഷം ചൂ​ണ്ടി​ക്കാ​ട്ടി. പ്ര​ശ്നം അ​ടി​യ​ന്തര പ്രാ​ധാ​ന്യ​ത്തോ​ടെ പ​രി​ഹ​രി​ക്കാ​ൻ ശ്ര​മി​ക്കു​മെ​ന്ന് യോ​ഗ​ത്തി​ൽ അ​ധ്യ​ക്ഷ​ത വ​ഹി​ച്ച അ​ധ്യ​ക്ഷ​ൻ മു​ജീ​ബ് കാ​ടേ​രി വ്യ​ക്ത​മാ​ക്കി.

ലൈ​സ​ൻ​സ് പു​തു​ക്ക​ൽ: അ​ന​ധി​കൃ​ത​മാ​യി പി​ഴ ഈ​ടാ​ക്കി​യെ​ന്ന്

മ​ല​പ്പു​റം: അ​നു​മ​തി​യി​ല്ലാ​തെ ലൈ​സ​ൻ​സ് പു​തു​ക്കാ​നെ​ത്തി​യ വ്യാ​പാ​രി​ക​ളി​ൽ​നി​ന്ന് അ​ന​ധി​കൃ​ത​മാ​യി പി​ഴ ഈ​ടാ​ക്കി​യെ​ന്ന് ആ​രോ​പ​ണ​വു​മാ​യി കൗ​ൺ​സി​ല​ർ​മാ​ർ. ഭ​ര​ണ​പ​ക്ഷ കൗ​ൺ​സി​ല​ർ​മാ​രാ​ണ് ആ​രോ​പ​ണ​വു​മാ​യി രം​ഗ​ത്തു​വ​ന്ന​ത്. സ​ർ​ക്കാ​ർ വ്യാ​പാ​രി​ക​ൾ​ക്ക് ലൈ​സ​ൻ​സ് പു​തു​ക്കാ​ൻ കാ​ലാ​വ​ധി നീ​ട്ടി ന​ൽ​കി​യി​ട്ടും പു​തു​ക്കാ​നെ​ത്തി​യ​വ​രു​ടെ കൈ​യി​ൽ​നി​ന്ന് അ​ന​ധി​കൃ​ത​മാ​യി പി​ഴ ഈ​ടാ​ക്കി​യെ​ന്നും ഇ​ത് ന​ഗ​ര​സ​ഭ​ക്കെ​തി​രെ വ​ലി​യ പ​രാ​തി​ക്ക് ഇ​ട​വ​രു​ത്തി​യെ​ന്നും അം​ഗ​ങ്ങ​ൾ ചൂ​ണ്ടി​ക്കാ​ട്ടി. ഇ​തോ​ടെ അ​ധ്യ​ക്ഷ​ൻ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രി​ൽ​നി​ന്ന് വി​ശ​ദീ​ക​ര​ണം തേ​ടി. വി​ഷ​യ​ത്തി​ൽ ഉ​ദ്യോ​ഗ​സ്ഥ​ർ വി​ശ​ദീ​ക​ര​ണ​വു​മാ​യി രം​ഗ​ത്തുവ​ന്നു. പി​ഴ ഈ​ടാ​ക്കി​യ​വ​രി​ൽ അ​ധി​ക​വും മു​ൻ വ​ർ​ഷ​ങ്ങ​ളി​ലെ ലൈ​സ​ൻ​സ് പു​തു​ക്കാ​ത്ത​ത് ശ്ര​ദ്ധ​യി​ൽ​പ്പെ​ട്ട​തോ​ടെ​യാ​ണ് പി​ഴ ഈ​ടാ​ക്കി​യ​തെ​ന്ന് ഉ​ദ്യോ​ഗ​സ്ഥ​ർ യോ​ഗ​ത്തി​ൽ വ്യ​ക്ത​മാ​ക്കി.

വ്യാ​പാ​രി​ക​ൾ ന​ഗ​ര​സ​ഭ സെ​ക്ര​ട്ട​റി​ക്ക് പ​രാ​തി ന​ൽ​കി​യ​തോ​ടെ ന​ട​പ​ടി നി​ർ​ത്തി​വെ​ച്ചെ​ന്നും ഉ​ദ്യോ​ഗ​സ്ഥ​ർ വി​ശ​ദീ​ക​രി​ച്ചു. പു​തു​ക്കാ​ൻ സ​ർ​ക്കാ​ർ കാ​ലാ​വ​ധി നീ​ട്ടി ന​ൽ​കി​യ സാ​ഹ​ച​ര്യ​ത്തി​ൽ പി​ഴ ഈ​ടാ​ക്കാ​ൻ അ​നു​മ​തി ഉ​ണ്ടോ‍യെ​ന്ന് പ​രി​ശോ​ധി​ക്കു​മെ​ന്നും ഇ​ല്ലെ​ങ്കി​ൽ ബ​ന്ധ​പ്പെ​ട്ട​വ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും അ​ധ്യ​ക്ഷ​ന്‍ വ്യ​ക്ത​മാ​ക്കി. വീ​ഴ്ച​യു​ണ്ടെ​ങ്കി​ൽ ന​ട​പ​ടി എ​ടു​ക്കു​ന്ന​തി​ൽ തെ​റ്റി​ല്ലെ​ന്ന് പ്ര​തി​പ​ക്ഷ​വും ചൂ​ണ്ടി​ക്കാ​ട്ടി.