പരിസരവാസികൾക്ക് ദുരിതമായി ജില്ല കോഴി വളർത്തൽ കേന്ദ്രം

ക​ഞ്ഞി​പ്പു​ര: ജി​ല്ല കോ​ഴി വ​ള​ർ​ത്ത​ൽ കേ​ന്ദ്രം പ​രി​സ​ര​വാ​സി​ക​ൾ​ക്ക് ദു​രി​തം വി​ത​ക്കു​ന്ന​താ​യി പ​രാ​തി. ആ​ത​വ​നാ​ട് ഗ്രാ​മ​പ​ഞ്ചാ​യ​ത്ത്‌ ആ​റാം വാ​ർ​ഡാ​യ ക​ഞ്ഞി​പ്പു​ര​യി​ൽ സ്ഥി​തി ചെ​യ്യു​ന്ന കേ​ന്ദ്ര​മാ​ണ് പൊ​ടി​ശ​ല്യം മൂ​ലം പ്ര​ദേ​ശ​വാ​സി​ക​ൾ​ക്ക് പ്ര​യാ​സം സൃ​ഷ്ടി​ക്കു​ന്ന​ത്. വ​ർ​ഷ​ങ്ങ​ളാ​യി ഇ​വി​ടെ സ്ഥി​തി ചെ​യ്യു​ന്ന സ്ഥാ​പ​ന​ത്തി​ൽ അ​ടു​ത്ത കാ​ല​ത്താ​യാ​ണ് പൊ​ടി​ശ​ല്യം തു​ട​ങ്ങി​യ​ത്. മു​മ്പ് ഒ​ന്നോ ര​ണ്ടോ ദി​വ​സം പ്രാ​യ​മു​ള്ള കോ​ഴി​ക്കു​ഞ്ഞു​ങ്ങ​ളെ കൊ​ണ്ടു​വ​ന്ന് 45 ദി​വ​സം വ​ള​ർ​ത്തി വി​ത​ര​ണം ചെ​യ്യു​ക​യാ​യി​രു​ന്നു ചെ​യ്തി​രു​ന്ന​ത്. ഇ​പ്പോ​ൾ ഇ​വി​ടെ ത​ന്നെ മു​ട്ട വി​രി​യി​ച്ച് വ​ള​ർ​ത്തു​ന്ന രീ​തി​യാ​ണ്. വ​ലി​യ കോ​ഴി​ക​ൾ വ​ന്ന​തോ​ടെ​യാ​ണ് പ്ര​ദേ​ശ​വാ​സി​ക​ൾ​ക്ക് ദു​രി​തം തു​ട​ങ്ങി​യ​ത്.

കോ​ഴി​ക​ൾ പാ​റു​ന്ന സ​മ​യ​ത്തും ഷെ​ഡു​ക​ൾ വൃ​ത്തി​യാ​ക്കു​ന്ന സ​മ​യ​ത്തും വ​ലി​യ പൊ​ടി​ശ​ല്യ​മാ​ണ്. വീ​ടു​ക​ൾ​ക്കു​ള്ളി​ൽ വ​രെ തൂ​വ​ലും പൊ​ടി​യും എ​ത്തു​ന്ന​താ​യി പ്ര​ദേ​ശ​വാ​സി​ക​ൾ പ​റ​ഞ്ഞു. ഇ​തി​നാ​ൽ ഭ​ക്ഷ​ണം ക​ഴി​ക്കാ​നോ തു​ണി​ക​ൾ ഉ​ണ​ക്കാ​നോ ക​ഴി​യു​ന്നി​ല്ല. നി​ര​വ​ധി പ​രാ​തി​ക​ൾ കൊ​ടു​ത്തെ​ങ്കി​ലും അ​ധി​കൃ​ത​ർ ഗൗ​ര​വ​ത്തി​ൽ എ​ടു​ക്കാ​ത്ത അ​വ​സ്ഥ​യാ​ണ്. സി.​പി.​എം ആ​ത​വ​നാ​ട് ലോ​ക്ക​ൽ ക​മ്മി​റ്റി അം​ഗ​വും പ​രി​സ​ര​വാ​സി​യു​മാ​യ ചാ​ര​ത്ത് രാ​ജേ​ഷ് ജി​ല്ല ക​ല​ക്ട​ർ​ക്ക് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ജി​ല്ലാ മ​ലി​നീ​ക​ര​ണ​നി​യ​ന്ത്ര​ണ​ബോ​ർ​ഡ് അ​ധി​കൃ​ത​ർ സ്ഥ​ലം സ​ന്ദ​ർ​ശി​ച്ചി​രു​ന്നു.

ബോ​ർ​ഡി​ന്റെ അ​നു​മ​തി ഇ​ല്ലാ​തെ​യാ​ണ് സ്ഥാ​പ​നം പ്ര​വ​ർ​ത്തി​ക്കു​ന്ന​തെ​ന്ന് ക​ണ്ടെ​ത്തി​യ​താ​യി രേ​ഖാ​മൂ​ലം അ​റി​യി​ച്ചി​ട്ടു​ണ്ടെ​ന്ന് രാ​ജേ​ഷ് പ​റ​ഞ്ഞു. മാ​ന​ദ​ണ്ഡ​ങ്ങ​ൾ പാ​ലി​ച്ച് മ​ലി​നീ​ക​ര​ണ നി​യ​ന്ത്ര​ണ​ബോ​ർ​ഡി​ന്റെ അം​ഗീ​കാ​രം നേ​ടി​യെ​ടു​ക്കാ​ൻ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും കോ​ഴി വ​ള​ർ​ത്ത​ൽ കേ​ന്ദ്രം അ​ധി​കൃ​ത​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്. പ്ര​ശ്ന​ങ്ങ​ൾ ഉ​ട​ൻ പ​രി​ഹ​രി​ക്കാ​ൻ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് ജി​ല്ലാ പ​ഞ്ചാ​യ​ത്ത്‌ സെ​ക്ര​ട്ട​റി​ക്ക് നി​ർ​ദേ​ശം ന​ൽ​കു​ക​യും ചെ​യ്തി​ട്ടു​ണ്ട്. എ​ന്നാ​ൽ, ശാ​ശ്വ​ത ന​ട​പ​ടി​ക​ൾ സ്വീ​ക​രി​ക്കാ​ൻ അ​ധി​കൃ​ത​ർ ത​യ്യാ​റാ​യി​ട്ടി​ല്ല. വീ​ടു​ക​ളോ​ട് ചേ​ർ​ന്ന ഷെ​ഡു​ക​ളി​ൽ നി​ന്ന് വ​ലി​യ കോ​ഴി​ക​ളെ മ​റ്റ് ഷെ​ഡു​ക​ളി​ലേ​ക്ക് മാ​റ്റാ​നും ചു​റ്റു​മ​തി​ൽ ഉ​യ​രം കൂ​ട്ടാ​നും അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്കാ​ൻ ജി​ല്ല പ​ഞ്ചാ​യ​ത്ത്‌ അ​ധി​കൃ​ത​ർ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. നി​ര​വ​ധി ത​വ​ണ പ​രി​സ​ര​വാ​സി​ക​ളു​ടെ പ്ര​ശ്ന​ങ്ങ​ൾ ജി​ല്ലാ പ​ഞ്ചാ​യ​ത്ത്‌ അ​ധി​കൃ​ത​രെ രേ​ഖാ​മൂ​ലം അ​റി​യി​ച്ചി​ട്ടും ആ​വ​ശ്യ​മാ​യ ഫ​ണ്ട്‌ അ​നു​വ​ദി​ക്കാ​നും ത​യാ​റാ​യി​ട്ടി​ല്ല. സം​സ്ഥാ​ന സ​ർ​ക്കാ​ർ താ​ലൂ​ക്ക​ടി​സ്ഥാ​ന​ത്തി​ൽ ന​ട​ത്തു​ന്ന പ​രാ​തി പ​രി​ഹാ​ര അ​ദാ​ല​ത്തി​ൽ പ​രാ​തി ന​ൽ​കി​യി​ട്ടു​ണ്ട്. മ​ന്ത്രി​മാ​ർ പ​ങ്കെ​ടു​ക്കു​ന്ന ഈ ​അ​ദാ​ല​ത്തി​ൽ പ്ര​ശ്ന​ങ്ങ​ൾ പ​രി​ഹ​രി​ക്ക​പ്പെ​ടു​മെ​ന്ന പ്ര​തീ​ക്ഷ​യി​ലാ​ണ് പ്ര​ദേ​ശ​വാ​സി​ക​ൾ.