കരിപ്പൂർ വിമാനത്താവള സി.ഇ.ആർ ഫണ്ട് നാട്ടിൽ വിനിയോഗിക്കാൻ ധാരണ; വെള്ളക്കെട്ട് പരിഹരിക്കാൻ മൂന്നരക്കോടി രൂപ

കൊ​ണ്ടോ​ട്ടി: ക​രി​പ്പൂ​ര്‍ വി​മാ​ന​ത്താ​വ​ള​ത്തി​ന്റെ കോ​ര്‍പ​റേ​റ്റ് എ​ന്‍വ​യോ​ണ്‍മെ​ന്റ​ല്‍ റെ​സ്‌​പോ​ണ്‍സി​ബി​ലി​റ്റി (സി.​ഇ.​ആ​ര്‍) ഫ​ണ്ട് വി​മാ​ന​ത്താ​വ​ള​ത്തി​ന്റെ പ​രി​സ​ര പ്ര​ദേ​ശ​ങ്ങ​ളി​ലെ വി​വി​ധ ആ​വ​ശ്യ​ങ്ങ​ള്‍ക്കും വി​ക​സ​ന​ത്തി​നു​മാ​യി വി​നി​യോ​ഗി​ക്കാ​ന്‍ ധാ​ര​ണ. മ​ല​പ്പു​റം ക​ല​ക്ട​റേ​റ്റി​ല്‍ ചേ​ര്‍ന്ന ഉ​ന്ന​ത​ത​ല യോ​ഗ​ത്തി​ലാ​ണ് സു​പ്ര​ധാ​ന തീ​രു​മാ​നം. നേ​ര​ത്തെ വി​മാ​ന​ത്താ​വ​ള പ​രി​സ​ര​ത്തെ ജ​ന​ങ്ങ​ളു​ടെ വി​വി​ധ പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​ന്‍ തു​ക അ​നു​വ​ദി​ക്കാ​തെ സി.​ഇ.​ആ​ര്‍ ഫ​ണ്ടി​ന്റെ ഭൂ​രി​ഭാ​ഗ​വും ക​ണ്ണൂ​ര്‍ പി​ണ​റാ​യി​യി​ലെ വ​യോ​ജ​ന മ​ന്ദി​രം പ​ദ്ധ​തി​ക്ക് അ​നു​വ​ദി​ച്ച​ത് വ​ലി​യ വി​വാ​ദം ഉ​യ​ര്‍ത്തി​യി​രു​ന്നു. ഇ​തി​നി​ടെ​യാ​ണ് പു​തി​യ സ​ര്‍ക്കാ​ര്‍ അ​ധി​കാ​ര​ത്തി​ല്‍ വ​ന്ന ശേ​ഷം ഫ​ണ്ട് വി​നി​യോ​ഗം സം​ബ​ന്ധി​ച്ച് പു​തി​യ ധാ​ര​ണ.

മ​ഴ പെ​യ്യു​മ്പോ​ള്‍ വി​മാ​ന​ത്താ​വ​ള​ത്തി​ല്‍ നി​ന്നു​ള്ള വെ​ള്ള​വും മാ​ലി​ന്യ​ങ്ങ​ളും വ​ന്‍തോ​തി​ല്‍ താ​ഴെ ജ​ന​വാ​സ കേ​ന്ദ്ര​ങ്ങ​ളി​ലേ​ക്കും കൃ​ഷി​യി​ട​ങ്ങ​ളി​ലേ​ക്കും കു​ത്തി​യൊ​ലി​ച്ചെ​ത്തു​ന്ന​ത് വ്യാ​പ​ക പ​രാ​തി​ക​ള്‍ക്ക് ഇ​ട​യാ​ക്കു​ന്നു​ണ്ട്.

ഈ ​പ്ര​ശ്‌​നം ശാ​ശ്വ​ത​മാ​യി പ​രി​ഹ​രി​ക്കാ​ന്‍ 3.5 കോ​ടി രൂ​പ സി.​ഇ.​ആ​ര്‍ ഫ​ണ്ടി​ല്‍ നി​ന്ന് അ​നു​വ​ദി​ക്കും. വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​നു​ള്ള ശാ​സ്ത്രീ​യ​മാ​യ പ​രി​ഹാ​ര സം​വി​ധാ​ന​ങ്ങ​ള്‍ക്കാ​ണ് തു​ക വി​നി​യോ​ഗി​ക്കു​ക​യെ​ന്ന് യോ​ഗ​ത്തി​ല്‍ അ​ധി​കൃ​ത​ര്‍ വ്യ​ക്ത​മാ​ക്കി. ആ​രോ​ഗ്യ​മേ​ഖ​ല​യി​ലും സ​ഹാ​യം ല​ഭ്യ​മാ​കും. കൊ​ണ്ടോ​ട്ടി താ​ലൂ​ക്ക് ആ​ശു​പ​ത്രി​ക്ക് 10 ഡ​യാ​ലി​സി​സ് മെ​ഷീ​നു​ക​ള്‍ ല​ഭ്യ​മാ​ക്കും. വി​മാ​ന​ത്താ​വ​ള​ത്തി​ന്റെ പ​ടി​ഞ്ഞാ​റു​ഭാ​ഗ​ത്തെ അ​പ​ക​ട​സാ​ധ്യ​ത​യു​ള്ള എ​സ് വ​ള​വ് നി​ക​ത്തി റോ​ഡ് ന​വീ​ക​രി​ക്കു​ന്ന​തി​നു​ള്ള നി​രാ​ക്ഷേ​പ പ​ത്രം ഉ​ട​ന്‍ ന​ല്‍കു​മെ​ന്നും വി​മാ​ന​ത്താ​വ​ള അ​ധി​കൃ​ത​ര്‍ അ​റി​യി​ച്ചു.

ഏ​റെ​ക്കാ​ല​മാ​യി പ്ര​ദേ​ശ​വാ​സി​ക​ള്‍ ഉ​ന്ന​യി​ച്ചു​വ​രു​ന്ന പ്ര​ധാ​ന റോ​ഡ് സു​ര​ക്ഷാ പ്ര​ശ്‌​ന​ത്തി​ന് ഇ​തോ​ടെ പ​രി​ഹാ​ര​മാ​കും. വി​മാ​ന​ത്താ​വ​ള പ​രി​സ​ര​ത്ത് വീ​ടു​ക​ളും മ​റ്റ് കെ​ട്ടി​ട​ങ്ങ​ളും നി​ര്‍മി​ക്കു​ന്ന​തി​ന് വി​മാ​ന​ത്താ​വ​ള അ​തോ​റി​റ്റി​യു​ടെ നി​രാ​ക്ഷേ​പ പ​ത്രം നി​ര്‍ബ​ന്ധ​മാ​ക്കി​യ​തി​നെ തു​ട​ര്‍ന്ന് ജ​ന​ങ്ങ​ള്‍ നേ​രി​ടു​ന്ന ബു​ദ്ധി​മു​ട്ടു​ക​ളും യോ​ഗ​ത്തി​ല്‍ ച​ര്‍ച്ച​യാ​യി.

ഇ​ക്കാ​ര്യ​ത്തി​ല്‍ ക​ല​ക്ട​ര്‍ പ്ര​ത്യേ​ക​മാ​യി പു​ന​പ​രി​ശോ​ധ​ന ന​ട​ത്തും. വി​മാ​ന​ത്താ​വ​ള​ത്തി​ലെ വി​വി​ധ തൊ​ഴി​ല​വ​സ​ര​ങ്ങ​ളി​ല്‍ ത​ദ്ദേ​ശ​വാ​സി​ക​ള്‍ക്ക് മു​ന്‍ഗ​ണ​ന ഉ​റ​പ്പാ​ക്കാ​നും യോ​ഗ​ത്തി​ല്‍ തീ​രു​മാ​ന​മാ​യി. ഇ​തി​നാ​യി പ്ര​ദേ​ശ​വാ​സി​ക​ളാ​യ ഉ​ദ്യോ​ഗാ​ര്‍ഥി​ക​ളു​ടെ കൃ​ത്യ​മാ​യ പ​ട്ടി​ക ത​യ്യാ​റാ​ക്കി വി​മാ​ന​ത്താ​വ​ള അ​ധി​കൃ​ത​ര്‍ക്ക് കൈ​മാ​റും.

യോ​ഗ​ത്തി​ൽ ക​ല​ക്ട​ര്‍ ഡോ.​വി​ന​യ് ഗോ​യ​ൽ അ​ധ്യ​ക്ഷ​ത വ​ഹി​ച്ചു. ടി.​വി. ഇ​ബ്രാ​ഹിം എം.​എ​ല്‍.​എ, വി​മാ​ന​ത്താ​വ​ള ഡ​യ​റ​ക്ട​ര്‍ മു​കേ​ഷ് യാ​ദ​വ്, ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളി​ലെ ജ​ന​പ്ര​തി​നി​ധി​ക​ള്‍, വി​വി​ധ വ​കു​പ്പ് മേ​ധാ​വി​ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.