കാട്ടുപന്നി ആക്രമണം: 50 കോഴികൾ ചത്തു

എടക്കര: കാട്ടുപന്നി ആക്രമണത്തിൽ അമ്പതോളം കോഴികൾ ചത്തു. എടക്കര ഇല്ലിക്കാട് കാഞ്ഞിരത്തിനാൽ രാജേഷ്-ലീന ദമ്പതികൾ ഉപജീവനത്തിനായി വളർത്തിയിരുന്ന കോഴികളാണ് ചത്തത്. ശനിയാഴ്ച രാത്രി എത്തിയ കാട്ടുപന്നി കൂട് തകർത്തതാണ് അമ്പതോളം കോഴികൾ ചാവാനിടയായത്. ഈ കുടുബത്തിന്റെ പ്രധാന വരുമാനമാർഗമാണ് ഇതുമൂലം നഷ്ടപ്പെട്ടത്. ഏതാനും ദിവസങ്ങളായി ഇല്ലിക്കാട്, കാപ്പുണ്ട, കൂളിമുണ്ട, വെള്ളാരംകുന്ന് പ്രദേശത്തുകാരുടെ കൃഷിയും വളർത്തുമൃഗങ്ങളെയും പക്ഷികളെയും അടക്കം അപായപ്പെടുത്തുന്ന കാട്ടുപന്നികളെ കൊന്നൊടുക്കാൻ നടപടി വേണമെന്ന് നാട്ടുകാർ ആവശ്യപ്പെട്ടു. mn edk- chicken കാട്ടുപന്നി ആക്രമണത്തിൽ ചത്ത കോഴികൾ