മലപ്പുറം: വിവിധ ആവശ്യങ്ങൾ ഉന്നയിച്ച് കേരള അയേൺ ഫാബ്രിക്കേഷൻ ആൻഡ് എൻജിനിയറിങ് യൂനിറ്റ് അസോസിയേഷൻ ചൊവ്വാഴ്ച രാവിലെ ഒമ്പതിന് കലക്ടറേറ്റ് ധർണയും മാർച്ചും സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. നജീബ് കാന്തപുരം എം.എൽ.എ ഉദ്ഘാടനം ചെയ്യും. ഇരുമ്പ് ഉൽപ്പന്നങ്ങളുടെ അമിതമായ വില കയറ്റവും പൊല്യൂഷൻ കൺട്രോൾ ബോർഡിന്റെ നിയമങ്ങളും ലൈസൻസില്ലാത്തവർ നടത്തുന്ന മൊബൈൽ വെൽഡിങ് വർക്കുകളുടെ കടന്നുകയറ്റവും മൂലം സ്ഥാപനങ്ങൾ പ്രതിസന്ധിയിലാണെന്നും നിയമ വിരുദ്ധ പ്രവർത്തനങ്ങളെ നിരോധിക്കാൻ സർക്കാൻ തയാറാവണമെന്നാവശ്യപ്പെട്ടാണ് പ്രതിഷേധം. വാർത്തസമ്മേളനത്തിൽ കെ.ഐ.എഫ്.ഇ.യു.എ ജില്ല പ്രസിഡന്റ് ഒ. സതീശ് കുമാർ, സെക്രട്ടറി കെ.ടി. മുഹമ്മദ് ഹനീഫ്, ട്രഷറർ സിദ്ദീഖ് മുൽത്താൻ, സംസ്ഥാന ജോ. സെക്രട്ടറി എ.പി. ശങ്കരനുണ്ണി എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.