പൂക്കോട്ടുംപാടം: മധുരാക്ഷരങ്ങൾ പകർന്ന് നൽകി കൊതി തീരാതെ മായ ടീച്ചർ പടയിറങ്ങി. പൂക്കോട്ടുംപാടം ഗവ. ഹയർ സെക്കൻഡറി സ്കൂളിൽ ഹൈസ്കൂളിലും ഹയർ സെക്കൻഡറിയിലും മലയാളം അധ്യാപികയായി 37 വർഷത്തെ സേവനം പൂർത്തിയാക്കിയാണ് മായ ഔദ്യോഗിക ജീവിതം അവസാനിപ്പിക്കുന്നത്. സഹപ്രവർത്തകരും രക്ഷിതാക്കളും സ്കൂളിൽ നടന്ന ചടങ്ങിൽ പ്രൗഢ ഗംഭീരമായ യാത്രയയപ്പ് നൽകി. ഹൈസ്കൂളിൽനിന്ന് വിരമിക്കുന്ന അധ്യാപകൻ ഉണ്ണികൃഷ്ണനെയും ഉപഹാരം നൽകി ആദരിച്ചു. പി.ടി.എ പ്രസിഡന്റ് കെ.എം. സുബൈർ പരിപാടി ഉദ്ഘാടനം ചെയ്തു. പ്രിൻസിപ്പൽ എൽ.വൈ. സുജ അധ്യക്ഷത വഹിച്ചു. സ്റ്റാഫ് സെക്രട്ടറി എ. റിയാസ് ബാബു, എ. മനോജ് കുമാർ, ഇ.ടി. ഗിരീഷ്, കെ. സിദ്ദീഖ്, സി.വി. അനിത, ജെസി ജേക്കബ് തുടങ്ങിയവർ സംസാരിച്ചു. ഫോട്ടോppm4 പൂക്കോട്ടുംപാടം ഗവ. ഹയർ സെക്കൻഡറി സ്കൂളിൽനിന്ന് വിരമിക്കുന്ന അധ്യാപിക മായക്ക് സഹപ്രവർത്തകർ ഉപഹാരം നൽകുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.