ചങ്ങരംകുളം: മതേതര ഭാരതമെന്ന മഹിതപാരമ്പര്യം തകർത്ത് ഏതെങ്കിലും ഒരുസംസ്കാരം അടിച്ചേൽപിക്കാനുള്ള നീക്കം ഒറ്റക്കെട്ടായി ചെറുക്കുമെന്ന് മുൻ രാജ്യസഭാംഗം സി. ഹരിദാസ് അഭിപ്രായപ്പെട്ടു. തിരുവേഗപ്പുറ മുഹമ്മദ് മുസ്ലിയാരുടെ വിയോഗത്തിന്റെ 27ാം ആണ്ടിന് തുടക്കംകുറിച്ച് മാങ്ങാട്ടൂരിൽ നടന്ന സാംസ്കാരിക സംഗമത്തിൽ മഹല്ല് കമ്മിറ്റിയുടെ ആദരം ഏറ്റുവാങ്ങി സംസാരിക്കുകയായിരുന്നു അദ്ദേഹം. കുഞ്ഞിമോൻ മുസ്ലിയാർ അധ്യക്ഷത വഹിച്ചു. കാലടി പഞ്ചായത്ത് പ്രസിഡന്റ് അസ്ലം തിരുത്തി ഉദ്ഘാടനം ചെയ്തു. കേരള മദ്റസാധ്യാപക ക്ഷേമബോർഡ് ഡയറക്ടർ സിദ്ദീഖ് മൗലവി അയിലക്കാട് മുഖ്യപ്രഭാഷണം നടത്തി. ഫോട്ടോ: സി. ഹരിദാസിനെ മാങ്ങാട്ടൂർ മഹല്ല് കമ്മിറ്റി ആദരിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.