ഇതരമതക്കാരിയോട് പ്രണയം; യുവാവിനെ മർദിച്ച് കൊന്നു

ബംഗളൂരു: കർണാടകയിലെ കലബുറഗിയിൽ ഇതര മതത്തിലുള്ള യുവതിയെ പ്രണയിച്ച യുവാവിനെ പെൺകുട്ടിയുടെ ബന്ധുക്കൾ കൊലപ്പെടുത്തി. കലബുറഗി വാടി ടൗൺ ഭീമനഗർ ലേഔട്ട് സ്വദേശി വിജയ കംബ്ലെ (25) ആണ് ക്രൂരമായി കൊല്ലപ്പെട്ടത്. സംഭവത്തിൽ പെൺകുട്ടിയുടെ സഹോദരൻ ഷഹാബുദ്ദീൻ (29), സുഹൃത്ത് നവാസ് (26) എന്നിവരെ പൊലീസ് അറസ്റ്റ് ചെയ്തു. നടന്നത് ദുരഭിമാനക്കൊലയാണെന്ന് പൊലീസ് പറഞ്ഞു. മറ്റൊരു മതത്തിലെ പെൺകുട്ടിയെ പ്രണയിച്ചതുമായി ബന്ധപ്പെട്ട് പെൺകുട്ടിയുടെ ബന്ധുക്കൾ വിജയയെ ഭീഷണിപ്പെടുത്തിയിരുന്നു.