റോ​ഡി​ൽ കു​ഴി​യെ​ടു​ത്ത് തൊ​ഴി​ലാ​ളി​ക​ൾ സ്ഥ​ലം വി​ട്ടു; ദു​രി​ത​ത്തി​ലാ​യി നാ​ട്ടു​കാ​ർ

എ​ക​രൂ​ൽ: റി​ല​യ​ൻ​സ് ജി​യോ ക​മ്പ​നി​യു​ടെ ഒ​പ്റ്റി​ക്ക​ൽ ഫൈ​ബ​ർ ഇ​ന്റ​ർ​നെ​റ്റ് കേ​ബി​ൾ സ്ഥാ​പി​ക്കാ​ൻ റോ​ഡി​ൽ കു​ഴി​യെ​ടു​ത്ത് തൊ​ഴി​ലാ​ളി​ക​ൾ സ്ഥ​ലം വി​ട്ടു, ദു​രി​ത​ത്തി​ലാ​യി നാ​ട്ടു​കാ​രും യാ​ത്രി​ക​രും. ഒ​രാ​ഴ്ച മു​മ്പാ​ണ് എ​ക​രൂ​ൽ - ന​രി​ക്കു​നി റോ​ഡി​ൽ വ​ള്ളി​യോ​ത്ത് അ​ങ്ങാ​ടി​യു​ടെ ഹൃ​ദ​യ​ഭാ​ഗ​ത്ത് തൊ​ഴി​ലാ​ളി​ക​ളെ​ത്തി കു​ഴി​യെ​ടു​ത്ത​ത്. ര​ണ്ടു​ദി​വ​സ​ത്തെ പ്ര​വൃ​ത്തി​ക്ക് ശേ​ഷം റോ​ഡി​ന​ടി​യി​ൽ കേ​ബി​ൾ സ്ഥാ​പി​ക്കാ​ൻ കൊ​ണ്ടു​വ​ന്ന യ​ന്ത്രം അ​ട​ങ്ങി​യ വാ​ഹ​ന​വും ന​ടു​റോ​ഡി​ൽ നി​ർ​ത്തി​യി​ട്ടാ​ണ് ക​രാ​റു​കാ​ർ പോ​യ​ത്.

ഇ​തോ​ടെ പ്ര​ദേ​ശ​ത്ത് ഗ​താ​ഗ​ത ത​ട​സ്സം രൂ​ക്ഷ​മാ​യി. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലേ​ക്ക​ട​ക്കം ദീ​ർ​ഘ​ദൂ​ര ബ​സും മ​റ്റു സ്വ​കാ​ര്യ വാ​ഹ​ന​ങ്ങ​ളും സ​ഞ്ച​രി​ക്കു​ന്ന റോ​ഡാ​ണി​ത്. സ്കൂ​ൾ തു​റ​ന്ന​തോ​ടെ പ്ര​ദേ​ശ​ത്തെ എ​ൽ.​പി, യു.​പി, അം​ഗ​ൻ​വാ​ടി തു​ട​ങ്ങി​യ വി​ദ്യാ​ല​യ​ങ്ങ​ളി​ലേ​ക്ക് പോ​കു​ന്ന​വ​രും പ്ര​യാ​സ​ത്തി​ലാ​യി. റോ​ഡി​​ന്റെ ഒ​രു​വ​ശ​ത്ത് നി​ർ​ത്തി​യി​ട്ട ഡ്രി​ല്ലി​ങ് മെ​ഷീ​ൻ അ​ട​ങ്ങി​യ വാ​ഹ​ന​വും മ​റു​വ​ശ​ത്ത് വാ​ഹ​ന​ങ്ങ​ളു​ടെ തി​ര​ക്കും കാ​ര​ണം കാ​ൽ​ന​ട​യാ​ത്ര അ​സാ​ധ്യ​മാ​യ സ്ഥി​തി​യാ​ണ്. അ​ങ്ങാ​ടി​യി​ലെ പ​ള്ളി​യു​ടെ പ്ര​ധാ​ന ക​വാ​ട​ത്തി​ന്റെ മു​ന്നി​ലും ഉ​ൾ​പ്ര​ദേ​ശ​ത്തു​നി​ന്ന് പ്ര​ധാ​ന റോ​ഡി​ലേ​ക്ക് പ്ര​വേ​ശി​ക്കു​ന്ന പോ​ക്ക​റ്റ് റോ​ഡ് സം​ഗ​മി​ക്കു​ന്ന സ്ഥ​ല​ത്താ​ണ് കു​ഴി​യു​ള്ള​ത്.

നി​ർ​ത്തി​യി​ട്ട ക​മ്പ​നി​യു​ടെ വാ​ഹ​നം കാ​ര​ണം റോ​ഡി​ന്റെ മ​റു​ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ കാ​ണാ​ൻ സാ​ധി​ക്കു​ന്നി​ല്ല. നി​ര​വ​ധി ഇ​രു​ച​ക്ര വാ​ഹ​ന​ങ്ങ​ൾ ഒ​രാ​ഴ്ച​ക്കു​ള്ളി​ൽ അ​പ​ക​ട​ത്തി​ൽ​പെ​ട്ട​താ​യി പ്ര​ദേ​ശ​വാ​സി​ക​ൾ പ​റ​ഞ്ഞു. ക​ഴി​ഞ്ഞ​ദി​വ​സം സ്വ​കാ​ര്യ ബ​സ് കു​ഴി​യു​ടെ അ​ടു​ത്തു​നി​ന്ന് വെ​ട്ടി​ക്കു​മ്പോ​ൾ തൊ​ട്ട​ടു​ത്ത ക​ട​യു​ടെ നെ​യിം​ബോ​ർ​ഡി​ൽ ത​ട്ടി അ​പ​ക​ടം ഉ​ണ്ടാ​യി. ചു​റ്റും റി​ബ​ൺ വ​ലി​ച്ചു കെ​ട്ടി​യ​ത​ല്ലാ​തെ മു​ന്ന​റി​യി​പ്പ് ബോ​ർ​ഡു​ക​ൾ ഒ​ന്നും സ്ഥാ​പി​ച്ചി​ട്ടി​ല്ല.

കേ​ബി​ൾ സ്ഥാ​പി​ക്കു​ന്ന ഡ്രി​ല്ലി​ങ് മെ​ഷീ​നി​ന്റെ റാ​ഡ് പൊ​ട്ടി​യ​താ​ണ് പ്ര​വൃ​ത്തി നി​ല​ക്കാ​ൻ കാ​ര​ണ​മെ​ന്ന് ഹൈ​ദ​രാ​ബാ​ദ് ആ​സ്ഥാ​ന​മാ​യ ക​രാ​ർ ക​മ്പ​നി​യു​ടെ മാ​നേ​ജ​ർ അ​ബ്ദു​ൽ ക​രീം ‘മാ​ധ്യ​മ’​ത്തോ​ട് പ​റ​ഞ്ഞു. ല​ക്ഷ​ങ്ങ​ൾ വി​ല​മ​തി​ക്കു​ന്ന റാ​ഡ് ബം​ഗ​ളൂ​രു​വി​ൽ ല​ഭ്യ​മ​ല്ലാ​ത്ത​തി​നാ​ൽ ഹൈ​ദ​രാ​ബാ​ദി​ൽ​നി​ന്ന് എ​ത്തി​ക്കാ​ൻ ശ്ര​മം ന​ട​ത്തു​ന്നു​ണ്ടെ​ന്നും ഒ​രാ​ഴ്ച​ക്ക​കം പ്ര​വൃ​ത്തി പൂ​ർ​ത്തി​യാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.