നൊച്ചാട് ഹയർ സെക്കൻഡറി സ്കൂളിൽ സംഘർഷം തുടർക്കഥയാകുന്നു

പേ​രാ​മ്പ്ര: നൊ​ച്ചാ​ട് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ വി​ദ്യാ​ർ​ഥിക​ൾ ത​മ്മി​ലു​ള്ള സം​ഘ​ർ​ഷ​ങ്ങ​ൾ തു​ട​ർ​ക്ക​ഥ​യാ​കു​ന്നു. ക​ഴി​ഞ്ഞ മാ​സം ഹ​യ​ർ സെ​ക്ക​ൻ​ഡ​റി​യി​ലെ പ്ല​സ് വ​ൺ, പ്ല​സ് ടു ​വി​ദ്യാ​ർ​ഥി​ക​ൾ ത​മ്മി​ൽ സം​ഘ​ർ​ഷ​മു​ണ്ടാ​യി​രു​ന്നു.

ഇ​ൻ​സ്റ്റ​ഗ്രാം ഗ്രൂ​പ്പു​ക​ൾ രൂ​പ​വ​ത്ക​രി​ച്ച് പ​ര​സ്പ​രം വെ​ല്ലു​വി​ളി​ക​ൾ ന​ട​ത്തു​ന്ന​താ​ണ് സം​ഘ​ർ​ഷ​ങ്ങ​ൾ​ക്ക് കാ​ര​ണ​മാ​കു​ന്ന​തെ​ന്നാ​ണ് ആ​രോ​പ​ണം. ഇ​തി​ന്റെ ഭാ​ഗ​മാ​യി നി​ര​വ​ധി സം​ഘ​ർ​ഷ​ങ്ങ​ൾ ഉ​ണ്ടാ​കു​ക​യും വി​ദ്യാ​ർ​ഥി​ക​ൾ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു.

ക​ഴി​ഞ്ഞ ആ​ഴ്ച വി​ദ്യാ​ർ​ഥി​ക​ളും അ​ധ്യാ​പ​ക​രും ത​മ്മി​ലും സം​ഘ​ർ​ഷ​മു​ണ്ടാ​യി. സം​ഭ​വ​ങ്ങ​ളു​ടെ ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ച​തി​നെ​ത്തു​ട​ർ​ന്ന് ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ലെ 13 വി​ദ്യാ​ർ​ഥി​ക​ളെ സ​സ്പെ​ൻ​ഡ് ചെ​യ്തി​ട്ടു​ണ്ട്.

സം​ഭ​വ​വു​മാ​യി ബ​ന്ധ​പ്പെ​ട്ട് നി​ര​വ​ധി വി​ദ്യാ​ർ​ഥി​ക​ളു​ടെ ര​ക്ഷി​താ​ക്ക​ൾ പൊ​ലീ​സ് സ്റ്റേ​ഷ​നി​ൽ എ​ത്തു​ന്ന സാ​ഹ​ച​ര്യ​മാ​ണു​ള്ള​ത്. വി​ദ്യാ​ർ​ഥി​ക​ൾ​ക്കി​ട​യി​ലെ സം​ഘ​ർ​ഷ​ങ്ങ​ൾ​ക്കു പി​ന്നാ​ലെ ര​ക്ഷി​താ​ക്ക​ൾ​ക്കി​ട​യി​ലും ത​ർ​ക്ക​ങ്ങ​ൾ രൂ​ക്ഷ​മാ​കു​ന്ന​താ​യാ​ണ് വി​വ​രം. പ്ര​ശ്ന​ത്തി​ന് ശാ​ശ്വ​ത പ​രി​ഹാ​രം കാ​ണാ​ൻ സ്കൂ​ൾ അ​ധി​കൃ​ത​ർ ത​യാ​റാ​യി​ല്ലെ​ങ്കി​ൽ ശ​ക്ത​മാ​യ പ്ര​തി​ഷേ​ധ സ​മ​ര​ങ്ങ​ളു​മാ​യി മു​ന്നോ​ട്ടു​പോ​കു​മെ​ന്ന് നൊ​ച്ചാ​ട് പ​ഞ്ചാ​യ​ത്ത് യൂ​ത്ത് ലീ​ഗ് പ്ര​സി​ഡ​ന്റ് റ​ഷീ​ദ് വാ​ല്യ​ക്കോ​ട്, ജ​ന​റ​ൽ സെ​ക്ര​ട്ട​റി മു​നീ​ർ നൊ​ച്ചാ​ട്, ട്ര​ഷ​റ​ർ കെ.​പി.​കെ. ഹാ​രി​സ് എ​ന്നി​വ​ർ പ​റ​ഞ്ഞു.