പ്ലാസ്റ്റിക് ചാക്കുകൾ വിപണി കീഴടക്കി ചണച്ചാക്ക് വ്യാപാരികൾ ആശങ്കയിൽ

ന​ന്മ​ണ്ട: പ്ലാ​സ്റ്റി​ക് ചാ​ക്കു​ക​ൾ വി​പ​ണി പൂ​ർ​ണ​മാ​യും കൈ​യ​ട​ക്കി​യ​തോ​ടെ ച​ണ​ച്ചാ​ക്ക് വ്യാ​പാ​രി​ക​ളു​ടെ ജീ​വി​തം ഇ​രു​ള​ട​യു​ന്നു. പ​ല​ച​ര​ക്ക് ക​ട​ക​ളി​ൽ​നി​ന്നും റേ​ഷ​ൻ ക​ട​ക​ളി​ൽ നി​ന്നും ചാ​ക്ക് വി​ല​ക്കെ​ടു​ത്ത് ഉ​പ​ജീ​വ​നം ന​ട​ത്തു​ന്ന വ്യാ​പാ​രി​ക​ളു​ടെ ജീ​വി​ത​മാ​ണ് വ​ഴി​മു​ട്ടു​ന്ന​ത്. നാ​ല​ര പ​തി​റ്റാ​ണ്ടാ​യി നാ​ട്ടി​ൽ​നി​ന്നും പ​ട്ട​ണ​ത്തി​ൽ​നി​ന്നും ച​ണ​ച്ചാ​ക്ക് ശേ​ഖ​രി​ക്കു​ന്ന മ​ട​വൂ​ർ സി.​എം. മ​ഖാ​മി​ന​ടു​ത്ത ഉ​സ്സ​യി​ന് പ​റ​യാ​നു​ള്ള​ത് പ്ലാ​സ്റ്റി​ക് ചാ​ക്കു​ക​ളു​ടെ ക​ട​ന്നു​വ​ര​വി​നെ​ക്കു​റി​ച്ചാ​ണ്.

പ്ലാ​സ്റ്റി​ക് ഉ​പ​യോ​ഗം കു​റ​ക്ക​ണ​മെ​ന്ന് പ​റ​യു​മ്പോ​ഴും ഓ​രോ ദി​വ​സ​വും ഭ​ക്ഷ്യ​വ​സ്തു​ക്ക​ൾ വ​രു​ന്ന​തു​ത​ന്നെ പ്ലാ​സ്റ്റി​ക് ചാ​ക്കി​ൽ ത​ന്നെ​യെ​ന്നാ​ണ് ഉ​സ്സ​യി​ന്റെ പ​രി​ഭ​വം. പ​ല​ച​ര​ക്ക് ക​ട​ക​ൾ വ​ഴി​മാ​റി​യ​തോ​ടെ റേ​ഷ​ൻ ക​ട​ക​ളാ​യി​രു​ന്നു ഇ​വ​ർ​ക്ക് ശ​ര​ണം. നേ​ര​േ​ത്ത അ​രി​യു​ടെ അ​ള​വ് കൂ​ടി​യ​തി​നാ​ൽ ചാ​ക്കു​ക​ളു​ടെ എ​ണ്ണ​വും കൂ​ടി​യി​രു​ന്നു. ഇ​പ്പോ​ൾ എ.​പി.​എ​ൽ വി​ഭാ​ഗ​ത്തി​ൽ​പ്പെ​ട്ട​വ​രു​ടെ അ​രി​യു​ടെ അ​ള​വും കു​റ​ച്ചു. പ്ര​ധാ​ന​മ​ന്ത്രി​യു​ടെ പി.​എം.​ജി.​കെ.​എ.​വൈ ഇ​ന​ത്തി​ൽ വ​ന്നി​രു​ന്ന അ​രി​യു​ടെ വ​ര​വും നി​ല​ച്ചു. ഇ​തോ​ടെ റേ​ഷ​ൻ ക​ട​ക​ളി​ൽ ച​ണ​ച്ചാ​ക്കു​ക​ളു​ടെ എ​ണ്ണ​വും ഗ​ണ്യ​മാ​യി കു​റ​ഞ്ഞു. ചാ​ക്കെ​ടു​ക്കാ​ൻ വ​രു​ന്ന വ്യാ​പാ​രി​ക​ളെ​പോ​ലെ റേ​ഷ​ൻ ന​ട​ത്തി​പ്പു​കാ​ർ​ക്കും ഒ​രു ഗു​ണ​വും കി​ട്ടാ​ത്ത അ​വ​സ്ഥ​യാ​യി മാ​റി. അ​വ​ർ​ക്കും വ​ല്ല​തും കി​ട്ടി​യി​രു​ന്ന​ത് റേ​ഷ​ൻ ക​ട​ക​ളി​ലെ ചാ​ക്ക് വി​ൽ​ക്കു​മ്പോ​ഴാ​യി​രു​ന്നു.

കോ​ഴി​ക്കോ​ട്, വ​യ​നാ​ട് ജി​ല്ല​ക​ളി​ൽ നി​ന്നാ​യി​രു​ന്നു ഉ​സ്സ​യി​ന്റെ ചാ​ക്ക് ശേ​ഖ​ര​ണം. ഇ​പ്പോ​ൾ അ​ത് കോ​ഴി​ക്കോ​ട് ജി​ല്ല​യി​ലെ ചു​രു​ക്കം പ്ര​ദേ​ശ​ങ്ങ​ളി​ലേ​ക്ക് ചു​രു​ങ്ങി. നേ​ര​ത്തേ ലോ​റി​യി​ൽ ലോ​ഡു​മാ​യി കോ​ഴി​ക്കോ​ട് ന​ഗ​ര​ത്തി​ലേ​ക്ക് പോ​യി​രു​ന്നു​വെ​ങ്കി​ൽ ഇ​പ്പോ​ൾ ഗു​ഡ്സ് വ​ണ്ടി​യി​ൽ ഒ​തു​ങ്ങി.